محتارة جدا و محتاجة مشورتكم يا اهل الخبرة

**Memo2012** · 08-10-2012 10:45 PM

السلام عليكم و رحمة الله

باختصار شديد انى عاوزة اشترى عربية و ديه اول عربية حمتلكها فعاوزة يكون فيها كل حاجة كنت حتجنن على الكيا سبورتتج و النيسان قشقاش بس زوجى العزيز مش مشجع الكيا خالص و القشقاش فيه ناس مشجعونيش عليها:( المهم انا دلوقتى محتارة بين حاجة تانية خاااااااااالص بقه مش جنان والله بس عجبونى ( الفورد فوكس هاتش باك و الاوبل استرا اللى مرشحهالى زوجى بشدة)

يا ريت تقوقولى رايكم و شكرا مقدماً

**m_adeleid** · 08-10-2012 11:17 PM

انا مع الفوكس جدا
انصح حضرتك تدخلي قسم فورد و تشوفي تقارير عن العربيه و تعملي كده برضو في قسم اوبل
و تقارني اراء الناس في اداء العربيه
الوكيل و تعامله مع الناس
قطع الغيار و اسعار الصيانات(ولو ان الجزء ده في فورد ارخص) كانو عاملين اعلان بأسعار كل الصيانات و كانت رخيصه
المهم تكوني صوره عامه للعربيتين من واقع اراء اصحابهم في المنتدي
و ربنا يوفقك

**dede_dodo88** · 08-10-2012 11:37 PM

طالما بتقولي أول عربية ليكي يبقى أنا مش مع أنك تجيبي عربية غالية إلا لو في حالة أنك متمكنة في السواقة!!
و في الحالة دي أختار الفورد فوكاس :)
"Astra J Owner"

**Memo2012** · 09-10-2012 12:07 AM

المشاركة الأصلية كتبت بواسطة m_adeleid

انا مع الفوكس جدا
انصح حضرتك تدخلي قسم فورد و تشوفي تقارير عن العربيه و تعملي كده برضو في قسم اوبل
و تقارني اراء الناس في اداء العربيه
الوكيل و تعامله مع الناس
قطع الغيار و اسعار الصيانات(ولو ان الجزء ده في فورد ارخص) كانو عاملين اعلان بأسعار كل الصيانات و كانت رخيصه
المهم تكوني صوره عامه للعربيتين من واقع اراء اصحابهم في المنتدي
و ربنا يوفقك

شكرا جزيلا على الرد و الاهتمام انا بالفعل قريت لكنى لسه محتارة جدا سبحان الله نفس العربية لكن بيكون اراء ملاكها مختلف

**Memo2012** · 09-10-2012 12:10 AM

المشاركة الأصلية كتبت بواسطة dede_dodo88

طالما بتقولي أول عربية ليكي يبقى أنا مش مع أنك تجيبي عربية غالية إلا لو في حالة أنك متمكنة في السواقة!!
و في الحالة دي أختار الفورد فوكاس :)
"astra j owner"

الحمد لله من ناحية السواقة بقالى 12 سنة:) لكن كانت عربية والدى اكيد عمرى ما كنت حخاطر و اجيب بالسعر ده و انا لسه حتعلم ده يبقى جنان رسمى:) و شكرا ليك على النصيحة ربنا يكرمك بس انا شيفا ان حضرتك معاك الاسترا و مع ذلك رشحتلى الفورد يا ترى ده لعيب معين فيها؟

**dede_dodo88** · 09-10-2012 01:36 AM

المشاركة الأصلية كتبت بواسطة memo2012

انا شيفا ان حضرتك معاك الاسترا و مع ذلك رشحتلى الفورد يا ترى ده لعيب معين فيها؟

لأ خالص مش عشان عيب أو حاجة و أنا لو بختار لنفسي بين الأتنين دول هختار الأسترا تاني لأني بحب العربية دي, بس الفوكاس تعتبر أفضل كقيمة مقابل سعر ككماليات و موتور و فتيس..
العربيتين حلوين جداً بس شوفي أنتي ميالة أكتر لأنهي واحدة.
فإنزلي بنفسك القي نظرة على الأتنين و شوفي أنهي واحدة عجباكي أكتر..

**S O P H O S** · 09-10-2012 02:35 AM

انا شايف الاوبل
والقشقاي بردوا بشجعها جدا
مجرد راي
والله اعلم

**szaalouk** · 09-10-2012 10:10 AM

لو المقارنه دي بين العربيتين دول بس يبقي ارشح لحضرتك الفورد
و لو حضرتك ممكن تستني شويه في حدود شهرين او 3 فالجولف الجيل السابع علي الأبواب .
و برضه مستغرب ليه تم استبعاد القاشقاي مع انها عربيه محترمه جدا و توكيل محترم جدا جدا .
هل علشان فتره الحجز و لو فوري يبقي Over Price ولا فيه اسباب لعدم الترشح لها من الاساس .
و ربنا يوفق حضرتك في الأختيار لأنك بتختاري في فئه محترمه جدا و كلهم تحف .