مطلوب لانسر بــــــــوما اتوماتيك

**MR . Gold** · 09-10-2012 01:20 AM

مطلوب لانسر بومــــا اتوماتيك 1600 هاف سبورت موديل 2008 أو 2009 فابريكة بالكامل برة وجوة بدون رش نهائي ولا حتي اكصدام من الاخر كدة تكون كسر زيرو مش بركب غير كسر الزيرو وبدون رش نهائي نهائي

**mody1221** · 09-10-2012 04:40 PM

ربنا يوفقك ان شاء الله

**MR . Gold** · 19-10-2012 01:37 AM

المشاركة الأصلية كتبت بواسطة LANCAR

مطلوب لانسر بومــــا اتوماتيك 1600 هاف سبورت موديل 2008 أو 2009 فابريكة بالكامل برة وجوة بدون رش نهائي ولا حتي اكصدام من الاخر كدة تكون كسر زيرو مش بركب غير كسر الزيرو وبدون رش نهائي نهائي

**MR . Gold** · 18-11-2012 10:36 PM

الحمدلله وبعد طول عذاب في البحث عن سيارة فابريكة شوية علي الانترنت وشوية لف علي المعارض وشوية في سوق السيارات وكذب اصحاب السيارات ونصبهم بموضوع فابريكة بالكامل وتكون العربية راشة كلها ويقولك دي فابريكة هي فيها خرابيش !!!!! اقسم بالله صرفت اكثر من الف جنية علي هذة المشاوير للنصابين ونيجي بئة للمعارض اللي نصهم بردك مش اد كدة والعربية تلاقي فيها زيادة عبيطة في السعر بالعشرة الاف جنية فوق سعرها وياريت كمان تكون السيارة اللي نفسك فيها دة في واحد اقسم بالله في سوق السيارات كان معاه سيارة 2007 هاف سبورت بدون فتحة سقف اقسم بالله قالي عايز 107000 والعربية اة كويسة فابريكة بالكامل وعدادها 49000 كيلو متر بس لاتساوي هذا الكلام والله لو كان معايا حاجة كنت ضربتة بيها انا بهزر عمري طبعاً ماهااضربة دة اليوم دة كان معايا اخويا سمعنا السعر قالي اطلع اجري بسرعة دي بتولد فلوس كل يوم اسعار عبيطة وحاجات غريبة الواحد كان بيسمعها لما الحقيقة اتخنقت وفقدت الامل اني الاقي حد يكون عندة ذمة وضمير واني الاقي اصلاً عربية سليمة وفابريكة وتكون سعرها زي سعر السوق مش اسعار مبالغ فيها بالعشرة الاف زيادة وعشرين الف ... المهم طولت عليكم الحمدلله ربنا كرمني بسيارة لانسر كلاسيك موديل 2010 اوتو فابريكة بالكامل عربية كسر زيرو ودي حكايتي مع شراء السيارة ونشكر ربنا علي كدة وربنا يكفيا شرها ويعطينا خيرها وربنا يسترها علينا وعلي الجميع يارب

**yoga** · 19-11-2012 12:40 PM

نعرف السعر ربنا يبارك عشان نستفيد

**mohamedlancerv** · 21-11-2012 06:44 PM

مبروك يا باشا

وربنا يديك خيرها و يكفيك شرها يا رب

أنا برضه بعد طول عذاب :d

كنت باشترى لانسر

ربنا وقعنى فى عربية حكاية 2007 هاف سبور أتوماتيك عاملة 60 ألف كيلو فى العداد

مفيهاش قلم بوية كلفتنى 87 ألف ج

وصرفت عليها كسوة و كاوتش جديد دخلت فى ال90 ألف

وانت ؟

**MR . Gold** · 22-11-2012 04:03 PM

المشاركة الأصلية كتبت بواسطة mohamedlancerv

مبروك يا باشا

وربنا يديك خيرها و يكفيك شرها يا رب

أنا برضه بعد طول عذاب :d

كنت باشترى لانسر

ربنا وقعنى فى عربية حكاية 2007 هاف سبور أتوماتيك عاملة 60 ألف كيلو فى العداد

مفيهاش قلم بوية كلفتنى 87 ألف ج

وصرفت عليها كسوة و كاوتش جديد دخلت فى ال90 ألف

وانت ؟

ياباشا الف مبروك عليك العربية وربنا يديك خيرها ويكفيك شرها وسعر عربيتك كويس وربنا يباركلك فيها يارب .. عربيتي موديل 2010 نفس القصة مفهاش خربوش ولا قلم بوية ولونها شامبين كلفتني 100 الف بمصاريفها فرش كراسي ودواسة جلد وسنسور بارك وجهاز انذار