الموضوع: اقتراح بخصوص مسابقة قسم نيسان ...

على حبيبى .. ازيك وازى الاسرة ان شاء الله تكون بخير

اولا :: المسابقة الشهر ده خلاص نزلت بشروطها وبالطريقة المعروضة زى ما الاعضاء شافوها .. ومن الشهر القادم
ممكن يكون فى تغير فيها طريقتها سواء من ناحية عرض الاسئلة او من ناحية نظام المسابقة

وكان لازم ننزل المسابقة للنور عشان نقدر وهى مطروحة نعرف ايه المميزات والعيوب ونقدر نعدل فيها

ثانيا :: احنا كاتبين ان ممكن يتم التعديل فى شروط المسابقة فى اى وقت عشان ضمان ونزاهة المسابقة والمنافسة

ثالثا :: فعلا من الشهر القادم اول قرار اخده المنسقين مع ادارة الموقع انه مش حيتم عرض الاجابات .. يعنى الاسئلة حتكون من غير اختيارات ..

رابعا :: لسه بنفكر فى موضوع عدم طرح الاجابات من الاعضاء على العام ولسه بنتناقش فيه بردوا

خامسا :: لسه بنفكر بردوا فى احتمالية تغير نظام الفائز انه يكون اسرع واحد ويكون فى نظام قرعة ومتصورة فيديو

سادسا :: وليه احنا بنقول لسه بنفكر .. لان لما فكرنا بالفعل .. قولنا بردوا مش عايزين نستقبل اى اجابات فى الخفاء .. او نعمل قرعة مش مصورة .. ممكن يكون في الطرق دى شك من اى عضو جديد مش يعرفنا ويقول ان ممكن يحصل فيها لعب لصالح شخص ما .. فعشان كدا بنفكر دايما .. عشان نحط طريقة تبعد شكوك الاعضاء عن وجود تلاعب .. لان ده فعلا مش بيحصل .. لان الحمد لله القائمين على المسابقة من انزه الاشخاص وكل موضوعاتهم وخدماتهم للاعضاء بتشهد بذلك

وعشان كدا قولنا الفائز يكون اسرع واحد ارسل الاجابة فى الموضوع او على الخاص او على الايمال

وعشان حتى نضمن ان الاعضاء موجودين ومنتظرين طرح المسابقة بنظام اسرع فائز .. نوهنا عن معياد نزول الاسئلة قبلها ب4 ايام فى موضوع منفصل

لان وارد زى ما انت بتقول انك بتدخل باليل .. فى اعضاء مش بيدخلوا باليل وبيدخلوا بالنهار .. وعشان كدا مسكنا العصاية من النص .. ونزلناها فى وقت محدد ومعلن مسبقا

وعلى العموم باذن الله كدا كدا احنا بندرس الموضوع مع الادارة .. واكيد لو فى اى تغير باذن الله حيعلن عنه قبل طرح المسابقة الشهر القادم

تحياتى ليك