أنا اتروشت خلاص

**midon1** · 11-10-2012 12:18 AM

بقي الموضوع باختصار ياساده اني مش قادر احدد عربيه اشتريها بقالي 3 شهوووووووور

أنا مليش أي خبره في العربيات ولا أعرف عنها حاجه أساسا . لسه خام يعني

في الأول قلت فيرنا بعدين قلت لانوس بعدين اسبرانزا
وبفضل المنتدي المحترم ده وبعض الساعات اللي قضيتها فيه حصرت اختياري بين حاجتين

تويوتا كوروللا مستعمله موديل تسعينات بالأخص المسطره أو رينو لوجان 2013 جديده
ناس قالتلي بدل ما تدفع 45 ألف جنيه في عربيه مستعمله وأيا كانت حالتها ايه فهي برده مستعمله

أو ادفعهم مقدم عربيه لوجان زيرو وتقسيط مريح علي 5 سنين

أنا لحد دلوقتي مش قادر أخد قرار بصراحه
ياريت لوتساعدوني بخبراتكم

أسف علي الاطاله

**د.اشرف هنداوى** · 11-10-2012 01:14 AM

لو تقدر تقسط يبقي لوجان زيرو و توكل علي الله تعالي

لو حتزنق نفسك يبقي مستعمل بعد استشارة واحد محترف في العربيات يكشف عليها كويس

**scientist9508** · 11-10-2012 01:50 PM

بسم الله الرحمن الرحيم

الأخ الكريم الفاضل

أسبغ الله عليك نعمه و توفيقه ثم أما بعد

لقد مررت بنفس تجربتك و لفتره أطول من التى تمر حضرتك بها و سأشارك تجربتى مع حضرتك
قضيت فتره طويله أبحث عن سياره مستعمله بحالة الزيرو و إستعنت على ذلك بخبراء بل و سائقين أيضآ و لقد رأيت الكثير و الكثير من السيارات

ولا أطيل عليك إكتشفت أنه لا توجد سياره مستعمله ترضينى مهما كانت روعتها لأنها مادامت مستعمله ستجد بها إما خطأ أو عيب أو أى شىء يمكن وصفه بالمشكله
هذا بالإضافه إلى أنه السياره المستعمله عمرها أقصر مهما كانت حالتها و ذلك لسببين

1 - لا تعلم كيف كان إستخدام مالك السياره و أنا أؤكد لك عن خبره أن هناك من شياطين الإنس من ينجحون ببراعه تحير العقول فى إخفاء كل شىء حتى و إن كانت سوء إستخدام

2 - حتى و إن كانت السياره فعلآ و صدقآ بلا أى مشاكل فحتمآ ستبدأ فى الإنفاق عليها فى وقت مبكر لأنها مستهلكه من قبل إستخدامك لها

و لكى أكون محايد و دقيق أستثنى من كلامى حالتين إثنين

1 - أن تكون تعلم صاحب السياره و تثق جيدآ فى إستخدامه (كأن يكون صديق مقرب أو قريب من العائله)
2 - سيارات كسر الزيرو

و النتيجه أننى إشتريت جديد زيرو بما كان معى وقتها و أحمد الله أننى لم أتورط فى سيارة مستعمله
قد يكون ما معك لا يكفى لشراء السياره التى تحلم بها و لكنه قطعآ يشترى لك سياره

1 - مصاريفها أوفر من سياره مستعمله
2 - و عمرها اطول

و أخيرآ وفقك الله لأرشد أمرك

و السلام عليكم ورحمة الله و بركاته

**midon1** · 11-10-2012 04:26 PM

يعني نتوكل علي الله علي الرينو ولا في أي رأي تاني لسياره حلوه في نفس الفئه السعريه دي !!!

**د.اشرف هنداوى** · 11-10-2012 08:30 PM

في نفي الرينج: لوجان - لانوس
و اعتقد اللوجان افضل

بالتوفيق

**scientist9508** · 11-10-2012 11:32 PM

بسم الله الرحمن الرحيم

أسعدك الله بنعمه ثم أما بعد

سأشاركك تجربتى أيضآ لشراء السياره

أؤيد بقوه أن تشترى لوجان و ذلك للأسباب الآتيه
1 - لا يوجد أحد أعرفه إشترى هذه السياره و إشتكى منها نهائيآ
2 - محركها قوى
3 - القوى النوعيه لهذه السياره عاليه فمحرك السياره يقوى على السفر بسرعة 180 كم/ساعه و السياره محمله و التكيف يعمل بلا أى مشاكل
4 - إقتصاديه جدآ فى إستهلاك الوقود
5 - توكيل السياره محترم جدآ (فرع العبور لأنه الذى تم تجربته)
6 - سياره متماسكه و متينه (أى تحافظ على آدائها القوى و الهادىء فى نفس الوقت حتى بعد فتره طويله من الإستخدام)
7 - رائعه الثبات حتى أن صديق لى سافر بها من قنا حتى القاهره فى 4 ساعات فقط لأنه كان يسير على 180 كم/ساعه

و لكن أن أنبهك أنه فى حالة شراء هذه السياره فإلزم التوكيل و لا تفكر فى غيره أبدآ
وفقك الله لأرشد أمرك

و السلام عليكم و رحمة الله و بركاته