الموضوع: اشتري اية بعد مرسيدس e200 موديل 94

العربية 94 اللى مع حضرتك لونها ايه وكماليتها ايه وحالتها ايه ولو فى صور لها ممكن حضرتك ترفعهلنا وشكر جداا

مع العلم ان المرسيدس اللى مع حضرتك لا يعلى عليها ولو حضرتك اشتريت حاجة بنفس الثمن بتاعها بعد الــ 5 سنوات هتخسر فيها جامد لكن المرسيدس محاقظ على سعره وكمان العربية اللى مع حضرتك ماكينة ماشاء الله وكاماليات فوق الممتازة

انت كان معاك معجزه صعب تلاقي حاجه بنفس المستوى ده

المشاركة الأصلية كتبت بواسطة mr mostafa

العربية 94 اللى مع حضرتك لونها ايه وكماليتها ايه وحالتها ايه ولو فى صور لها ممكن حضرتك ترفعهلنا وشكر جداا

العربية فضى ميتاليك فابريكة من داخل و رشة اجزاء من خارج - اتوماتيك- 2 ايرباج - abs-ebd-كراسى كهربا و مخادع و ستارة كهرباء - العربية ماشية 175000 كم من غير لعب فى العداد و انا المالك الثانى ليها لمدة 8 سنين - للاسف مفيش صور ليهاز
لو عايز اى استفسار تانى انا تحت امرك ابعتلى على الخاص

يا جماعة انا عارف ان العربية دى ما شاء الله عليها من افضل العربيات اللى مرسيدس انتجتها حتى الان
بس انا عايز اجدد مش اكتر و دى مجرد فكرة
و لو العربية مجابتش السعر اللى انا عايزه مش هبيع
ياريت تقولولى فى اية جديد كويس فى حدود ال 140000
و المستعمل بردو

المشاركة الأصلية كتبت بواسطة horas3000

للاسف في الرينج ده مش قادر افكر غير في الفلوينس
هي الوحيده اللي فيها لمسات فخامه
لكن الفرق في القوة و التسارع هيبقي محسوس قوي و هتبقي مخنوق
فلو مش هامك الموضوع ده يبقي ملكش غيرها للاسف

بص يا باشا انا نازل من المرسيدس لظروف خاصة و ان شاء الله لما ربنا يكرمنى هركب مرسيدس تانى
و بعدين انا اصلا اغلب مشاويرى داخل البلد يعنى مفيش مجال للجرى انا اصلا بجيب المرسيدس بالعافية فى الشوارع بتاعتنا الجميلة اللى مليانة مطباط دى . غير كدة بقى الواحد معاه اسرة يعنى الوقت بتاع الشباب و الجرى و الغرز خلاص انتهى. بس ميمنعش بردة انى عايز يبقى معايا عربية لو احتجت سحب فى اى ظرف تساعدنى.
و اهم حاجة بنسبالى انى عايز عربية مصاريفها مش كتير و لما اجى ابيعها مخسرش فيها جامد زى ال رينو و السوبارو و الفورد .
انا فى ناس نصحتنى ب البريليانس الجديدة ال v5 و رحت اتفرجت عليها بصراحة العربية جميلة و فيها كل الكماليات فى المرسيدس و يمكن اكتر كمان مع فرق الخامات طبعا لصالح المرسيدس بس التقفيل و الخامات فيها احسن من الكورى بكتير و عن تجربة. و كل ده + الموتور الميفيك بتاع متسوبيشى الناس كلها بتشكر فية.
انا محتار بصراحة و مش عارف اعمل اية خصوصا انى بالكتير ان شاء الله 3 سنين و هبيع