الموضوع: كل مايتعلق باأفيو الهاتشباك

مبدأيا اتمنى ان يشاركنى الأعضاء مالكي نفس السيارة

انا عربيتي افيو 2009 هاتشباك اللون زهرى .

للاسف بعد ما اشترتها بسنة عملت حادثة الحمد لله الاضرار لم تصل الي الماتور
الاكصدام الامامى في كسر صغير وقواعد الكشافين الامامين اتكسروا بس الكشافات نفسها سليمة
الشنب اتعمل فية شغل خفيف بس للاسف طقم التبريد انضرب

- ياريت لو حد يعرف منين ممكن اجيب طقم تبريد بسعر كويس لانها في التوكيل عامل تقريبا 4500 جنية
انا وديت الطقم القديم لواحد كويس حاول يضبط فية لكن انا حاسس ان التبريد مش كويس والمية بتنقص اوى .

وانا هضيف دوريا سعر اي قطعة غيار اسئل عليها خاصة بنفس الموديل :

1- طقم تبريد (سربنتينة - رادياتير - مروحة + قميص) في التوكيل : 4500 جنية
1- طقم تبريد (سربنتينة - رادياتير - مروحة + قميص) استيراد : ؟؟ جنية

2- كشاف امامى استيراد : 250 جنية

3- اكصدام امامى استيراد (بدون الشبكتين) : 450 جنية

اكمل لكم باقى قطع الغيار الي اشترتها
- فبر التريبيتو يمين وشمال من التوكيل : 140 جنية
قربة مياه للرادياتير من التوكيل : 90 جنية
اسلاك البوجيهات من التوكيل : 180 جنية
وتنبية انا لما رحت اشتريت بوجيهات من التوكيل gm الي هوا منصور ادالى بوجيهات ac delco وفرحت لانها كانت رخيصة لكن لما رحت بيها للكهربائي كان هيرميها في وشي بلاش تشتروا بوجيهات التوكيل الا اذا لو كانت gm