من المطرية الي مرور النزهة/مساكن شيراتون

**mostafasrag** · 13-10-2012 12:50 AM

السلام عليكم
انا عاوز اروح من ميدان المطرية الي مرور النزهة اللي في مساكن شيراتون.
شغلي هيبقي هناك فانا عايز اسرع و اسهل مواصلات .
شكراالسلام عليكم
انا عاوز اروح من ميدان المطرية الي مرور النزهة اللي في مساكن شيراتون.
شغلي هيبقي هناك فانا عايز اسرع و اسهل مواصلات .
شكراالسلام عليكم
انا عاوز اروح من ميدان المطرية الي مرور النزهة اللي في مساكن شيراتون.
شغلي هيبقي هناك فانا عايز اسرع و اسهل مواصلات .
شكراالسلام عليكم
انا عاوز اروح من ميدان المطرية الي مرور النزهة اللي في مساكن شيراتون.
شغلي هيبقي هناك فانا عايز اسرع و اسهل مواصلات .
شكراالسلام عليكم
انا عاوز اروح من ميدان المطرية الي مرور النزهة اللي في مساكن شيراتون.
شغلي هيبقي هناك فانا عايز اسرع و اسهل مواصلات .
شكرا

**eng.m7md.ali** · 13-10-2012 01:39 AM

لو عربية

اول حاجة من ميدان المطرية هتاخد الطريق للحلمية ومنه لجسر السويس
بعد كدة ياسيدي لحد كبري التجنيد في جسر السويس هتدخل شمال في اتجاه الف مسكن
وتمشي تمشي تمشي لحد الالف مسكن وتدخل يمين وتفضل ماشي لحد تاني يو تيرن اللي هتاخده ده وتدخل عبد الحميد بدوي اللي هو جمب نادي الشمس ده
وتفضل ماشي علطول علطول هتعدي على مطاعم ماك وكنتاكي وتفضل ماشي تاني هتلاقي فندق السلام على ايدك الشمال وتكمل بردو في طريقك لحد ماتلاقي شريط الترام هتممشي من عليه وتكمل علطوووووووووووول بردو هتلاقي السيرك على ايدك الشمال
هتفضل ماشي ماشي هتلاقي الكلية الحربية على ايدك اليمين
وبعد كدة هتضرب عينك قدامك هتلاقي كوبري المطار قاطع الطريق فوقيك هتفضل بردو ماشي علطول من تحتيه
وتكمل في طريقك عادي جداً انت كدة بقيت في الشيراتون
هتمشي علطول بردوهتلاقي الطريق لاخره في يمين وشمال
هتدخل يمين وتمشي شوية لحد ماتوصل للمرور هناك

**mostafasrag** · 13-10-2012 03:51 AM

شكرا جدا جدا جدا علي طولت بالك و شرحك بالتفصيل بس انا كنت عايز اعرف بتتراح مواصلات ازاي من مسدان المطرية ؟

**mohamed_selim** · 13-10-2012 07:42 PM

صعيه مواصلات
اركب مترو او ميكروباص لميدان سفير و من هناك استنى مترو النزهه هتتفسح معاه ( ده لو جه !!!!) و هتنزل اخر محطه قبل المرور على طول ناحية بنزينة موبيل و شركة فيديكس

**bHa2** · 13-10-2012 07:51 PM

لو تقصد اللي عند بنزينه موبيل اللي قبل كارفور ع الاتوستراد
هتركب من الميدان "ميدان المطريه" عربيات اول عباس
وتعدي الناحيه التانيه تركب موقف العاشر او شيراتون
وتقوله نزلني بنزينه موبيل اللي قبل كافور او اللي قبل صن سيتي "المول الجديد اللي فتح هناك"
تدخل من جنب النزينه شمال او يمين هتلاقي مرور
بس مش عارف دا المرور اللي انت تقصده ولا ايه بقي
الطريق دا هياخد منك من 30 ال 40 دقيقه

**mohamed_selim** · 13-10-2012 08:58 PM

هى دى فعلا والوصفه مظبوطه و مجتش فى بالى ... اينعم ممكن تكون زحمه بس اكيد افضل من انك تستنى مترو النزهه !!!

**mostafasrag** · 15-10-2012 12:18 AM

شكرا ليكم يا جماعة كلكم , انا فعلا بقصد المرور الي جمب البنزينة الي في مساكن شيراتون /طريق الاتوستراد
بس مينفعش اركب حاجة لمسكن او الجراج و من هناك اركب حاجة توديني , اصل اول عباس بيبقي ضرب نااااااااااااااار الصبح