الحاجه الى فعلا اكتشفتها ان نصف الشعب بقى ماشى بمبدا خدوهم بالصوت على اساس ان الواحد مثلا يخاف وكده وخصوصا انه شافك بنت وانتى شايفه انك مش غلطانه انه ممكن ياخد منك فلوس او اى حاجه يعمل موقف وخلاص يعنى واحسن حل الى انتى عملتيه وخدتى بعضك ومشيتى
رقم العضوية : 101525
تاريخ التسجيل : 01Jun2011
المشاركات : 134
النوع : انثى
الاقامة : القاهرة
السيارة: شيفروليه اوبترا 2012
السيارة[2]: نيسان صنى اوتوماتك 2011
الحالة :
السلام عليكم
مشكلتنا اننا صوتنا عالى سواء كنا غلطانين ولا لا هو يعنى الزعيق معناه اننا صح ولا هو اللى هيصلح اللى اتكسر بجد شعبنا بقى عصبى اوى واوفر لاتفه الاسباب
امبارح كنت راكنة فى شارع فيصل يمين وجيت اطلع اديت اشاره شمال يعنى انا طالعة وكنت طبعا ببص فى المراية جنبى واشوف الطريق المهم وانا لسة بطلع لقيت موتسيكل خبطنى مش عارفة بصراحة هو اتخبط من ورا ولا دخل فى من قدام ( يعنى معرفش هو اتخبط من ورا ولا هو خبطنى من قدام بعجلته الاولانية لانه اتخبط فى العجلة القدام عندى ) المهم الراجل نط بالموتوسيكل قدام كان معاه راجل تانى راكب وراه قاموا الاتنين كل ده انا قاعدة فى العربية ببص وساكتة متخيلة طبعا ان هو اللى خبطنى ومتخيلاه جاى يعتذر لى وقلت فى بالى يابت فكك وكبرى طالما عربيتك سليمة لانى سامعة صوت خبطته فى طاسة العجلة عندى مش فى جسم العربية وقام وقف جه على انا منزلتش من عربيتى اصلا ومش عارفة مين الغلطان فينا او نقدر نقول انى وقتها كنت متاكدة ان هو اللى غلطان ولما روحت البيت فكرت قلت يمكن اكون انا اللى خبطته من ورا ورجعت قلت طيب هو شايفنى مدية اشاره وطالعة مفروض يبص ويحاول يبعد عنى خصوصا الشارع مكنش زحمة والحركة شغاله مش الشارع واقف انا شفته غير قابل للتفاهم وبيحاول يمد ايده جوة على وانا فى عربيتى وفاتحة حتة من الازاز بكلمه ولسة هقوله سلامتك لقيته همجى اوى رحت دايسة بنزين وطالعة كان فى ناس تعرفنى فى الشارع قالولى انه اخد رقم العربية قلت لهم وانا عملت له ايه ماهو كان واقف بيكلم على رجليه هيعمل ايه برقم عربيتى هيقول انى قتلته يعنى الموتوسيكل قام شغال وهو سليم يعنى هيروح اصلا يقول ايه ثم انى كنت هتكلم ولقيته همجى فقرفت من الاول ودوست بنزين وسبته ضميرى دلوقتى مانبنى لاكون انا الغلطانه فيه ويكون غلبان وموتوسيكله حصله شىء بس لما قالولى انه اخد رقم العربية قلت يشرب بقى طالما عامل ناصح هو متخيل ان رقم العربية هيرعبنى انا اصلا محامية وعارفة القصة هتوصل لايه ممكن الطرف الاخر يجيب الف شاهد انه مخرجش بعربيته اصلا فى الوقت ده يعنى القصة بالادب افضل فعلا من الزعيق والهبل اللى بنعمله والله لو لقيته محترم وكان غلطان كمان كنت هسامح واسكت بس معرفش احنا ليه همج بالشكل ده طيب يفرح بقى بالرقم انا عربيتى مرور القاهرة وانا اصلا عايشة فى الجيزة يعنى اصلا مش هيلاقى حد فى العنوان ده لو اصلا قدر يوصل لاى شىء ولا اصلا حد عمله حاجة انا واثقة ان المحضر لو اتعمل هيتركن وان متركنش حتى هيروح على العنوان انا مش فيه اساسا يعنى لو اتكلم بالادب كان احسن له هو تخيل انى بنت وهخاف منهم علشان هما اتنين رجاله انا سبتهاله خالص هو مكنش متخيل ان فى بنت عندها الجراه تسيبه وتمشى بس انا فعلا اتجرات امشى لانه اسلوبه وحش مش اكتر لقيت انه هيزعق ويقول كلام وحش مش هنزل بمستوايا وارد عليه واقوله زيه قلت له مع نفسك بقى ومشيت ليه بقى مش بنتكلم بالادب؟
رقم العضوية : 45064
تاريخ التسجيل : 18Aug2009
المشاركات : 5,052
النوع : ذكر
الاقامة : القاهره
السيارة: BMW isa
السيارة[2]: Lancer boma 2010
دراجة بخارية: مش بحبهم
الحالة :
الحاجه الى فعلا اكتشفتها ان نصف الشعب بقى ماشى بمبدا خدوهم بالصوت على اساس ان الواحد مثلا يخاف وكده وخصوصا انه شافك بنت وانتى شايفه انك مش غلطانه انه ممكن ياخد منك فلوس او اى حاجه يعمل موقف وخلاص يعنى واحسن حل الى انتى عملتيه وخدتى بعضك ومشيتى
[rmade]http://nileup.com/up/uploads/nilemotors_13672356391.jpg[/rmade]
Eldell only 1
رقم العضوية : 18512
تاريخ التسجيل : 10Sep2008
المشاركات : 1,246
النوع : ذكر
الاقامة : المنصورة
السيارة: لا يوجد
السيارة[2]: ميتسوبيشي لانسر 1998
دراجة بخارية: لا يوجد
الحالة :
جيتي على الجرح والله
من كام يوم كنت ماشي في طريقي عادي جدا وفجأة لقيت العربية اتخبطت من يميني ورا ..ببص في المراية لقيت عربية ربع نقل بارزة شوية عن صف العربيات اللي راكنة قلت يمكن أنا اللي غلطان لأني افتكرتها راكنة ... ثانية ولقيته طالع بالعربية أتاري البيه عايز يرمي ضهرة في وش العربيات اللي جاية فاستعجل وما استناش أما عربيتي تطلع منه فخبط الرفرف اللي ورا ..فنازل بكلمه لقيته باااارد وبيرد علي بمنتهى البرود ويقولي انت اللي غلطان ... يا بيه ده أنا ماشي في طريقي وانت راكن وكمان خابطني من ورا .. المهم كنت سايب العربية دايرة فخفت حد يركبها ويجري فاستعوضت ربنا وسبته ومشيت ...
الموقف نفسه اتكرر بحذافيره من حوالي شهر... كنت ماشي على طريق سفر وباخد مطب على الهادي وواحد راكب شارك منتظر على طريق جانبي وبرضه استعجل وطلع بالعربية قبل ما عربيتي تطلع منه وخبطني خبطة جامدة في نفس المكان ونزل يزعق برضة ويقولي انت اللي هديت زياده عن اللزوم ... المشكلة إن ما حدش بيحاول يعتذر ولا يقول آسف ولا معلش ولا حقك عليا كله بيزعق ويغلطك وخلاص ومستحيل يعترف بالخطا ...شعب لا يعرف ثقافة الاعتذار هو شعب همجي
رقم العضوية : 101525
تاريخ التسجيل : 01Jun2011
المشاركات : 134
النوع : انثى
الاقامة : القاهرة
السيارة: شيفروليه اوبترا 2012
السيارة[2]: نيسان صنى اوتوماتك 2011
الحالة :
والله انا فعلا كنت همى انه يكون سليم مش اكتر ولا فكرت اديه ولا اخد منه بس بجد هو نازل اسلوبه من الاول قذ ر بيقولى دى طلعة تطلعيها طيب والنبى انا هعمل ايه اكتر من ادى مدية اشاره وبستنى لما ملاقيش عربيات قريبة منى هعمل ايه تانى هنزل اخد اذن من الشارع يعنى اللى مضايقنى انى كنت خايفة عليه وهو نزل فكرنى خايفة منه ومش هفكر امشى بالعربية لانى بنت ومش متخيل بنت تتجرا تعمل كده وتسيبه مع نفسه هو فكرنى هعيط واعصابى هتسيب وهقوله خد العربية لو تحب ثقافته كده واهو عمل شاطر وخد رقم العربية على اعتبار ان مش ممكن اعمل الف محضر لعربية راكنة طالما مفيش واقعة اصلا هيروح يثبت كلامه بايه بالشهود طيب ماهو الطرف الاخر كمان يجيب الف شاهد انه فى الوقت ده كان فى بيته ومعاه ناس شعب بقى ماشى بالدراع حتى مفهومهم عن القانون بلطجة لو لقيته محترم كنت مش هخليه يضطر يزعق اساسا والله العظيم حتى لو كان غلطان كنت هراعى انه غلبان ومش هاخد منه حاجة بس هو نازل عنده كمية حقد وغل اصلا تكفى شارع بحاله من البنات اللى اهلها جايبين لها عربيات نازل يقول كل ست بقت ............ ركبت عربية وتدوسنا منمشيش فى الشارع علشان الهوانم يمشوا براحتهم يعنى الراجل نازل مش مستعد غير للردح البلدى وانا مش هعرف انزل للمستوى ده فى الكلام شىء غريب بجد متخيلين ان الحكومة هتنضف البلد طيب هتنضف دمنا اللى الهمجية فيه ازاى
رقم العضوية : 101525
تاريخ التسجيل : 01Jun2011
المشاركات : 134
النوع : انثى
الاقامة : القاهرة
السيارة: شيفروليه اوبترا 2012
السيارة[2]: نيسان صنى اوتوماتك 2011
الحالة :
انا كتبت مشاركة ومش لقياها
رقم العضوية : 101525
تاريخ التسجيل : 01Jun2011
المشاركات : 134
النوع : انثى
الاقامة : القاهرة
السيارة: شيفروليه اوبترا 2012
السيارة[2]: نيسان صنى اوتوماتك 2011
الحالة :
خلاص ظهرت فوق
رقم العضوية : 32452
تاريخ التسجيل : 09Feb2009
المشاركات : 549
النوع : ذكر
الاقامة : cairo
السيارة: الحمد لله
السيارة[2]: Daewoo Lanos I 1999
دراجة بخارية: no
الحالة :
حاجه اخر قله ادب وكويس انك اتصرفتى كده
انا امبارح ريحت على واحد لادا وكسرتله وش فانوس ونزلت لقيته جالى وانا اتاسفتله وعرضت عليه انى ادفعله تمنه قالى عربيتك سليمه قلتله انا تمام قالى اتوكل على الله حصل خير ولا يهمك وكنت محرج من ذوقه جدا
فيه الوحش وفيه الكويس بس الوحش كتيييييييييييير
رقم العضوية : 21318
تاريخ التسجيل : 07Oct2008
المشاركات : 1,252
النوع : ذكر
الاقامة : المنيل ، دمياط (رأس البر) ، الهرم ، أليكس ، Hungary
السيارة: ............
السيارة[2]: MK1 Punto 3D
دراجة بخارية: Later and It wiLL bE gOOOOOd
الحالة :
أسلم حاجة عملتيها
و نفسي الناس تفهم أنه مش بالعافية ولا الصوت العالي
إنما بالأدب و التفاهم كل خلاف أو مشكلة ممكن تتحل
أنا متذكر موقفين مريت بيهم
أول موقف كنت بأخد يو ترن على الضيق و فيه عربية ربع نقل مقفولة بتلف معايا عالواسع
طبعاً أنا ماكنتش شايف منها إللي جاي و كنت أساساً متنرفز بسبب مشكلة عندي
قمت طالع عالاطول من غير ما أستنى و جت عربية خبتطني في اليمين قدام
طبعاً أنا إللي غلطان ، المهم قام واقف و قافل عليا الطريق آل يعني بلطجي
و هو لسه في راكب في العربية قلتله أستأذنك نركن على جنب علشان ما نوقفش الطريق
و أنا إللي غلطان و إللي أنت عاوزه ، الراجل بصلي و تنح و قاللي سلامه عليكم !
الموقف التاني كنت ماشي في إشارة بطيئة جداً يعني على الأولاني
و أنا ماشي بصيت جنبي و سرحت لاقتني خبطت في إللي قدامي و خليته خبط في إللي قدامه
كانت واحدة ست نزلت من العربية قلتلها برضه لو ممكن نركن على جنب علشان الطريق
و أنا إللي غلطان و إللي أنتي عاوزاه
ركنا على جنب و قالتلي أنا بأعمل أي حاجة في عربيتي في التوكيل (كانت بيجو حديثة)
قلتلها خدي نمرتي و أنا هأخد نمرتك و لما تروحي التوكيل كلميني و أنا متكفل
المهم عدت الأيام ولا اتصلت ولا حاجة قمت أنا متصل بيها و لما عرفت أني إللي كنت خبطت عربيتها
استغربت و قالتلي هو فيه كده أن واحد يكون خبط حد و هو إللي غلطان و هو إللي يتصل
قلتلها شوفتي بقى ! المهم قالتلي لسه مارحتش التوكيل و بعدها ماتصلتش برضه (الكلام ده من حوالي سنتين)
خير إن شاء الله ...
رقم العضوية : 49520
تاريخ التسجيل : 10Oct2009
المشاركات : 6,024
النوع : ذكر
الاقامة : 6 اكتوبر
السيارة: كيا سيراتو 2010
السيارة[2]: دايو لانوس 2006
الحالة :
افضل حاجه عملتيها انك سبتيه ومشيتى بجد ولا تقلقى مش هيعمل اى حاجه برقم العربيه لان دى اشكال غريبه لو دخلت القسم هيتمسك على طول
اللهم ارزقنى بر والدى
[SIGPIC][/SIGPIC]
رقم العضوية : 74660
تاريخ التسجيل : 05Jul2010
المشاركات : 842
النوع : ذكر
الاقامة : Cairo-Egypt
السيارة: Kia Pride 2001 Automatic
السيارة[2]: لانسر كريستاله 98 مانيوال
دراجة بخارية: لا يوجد
الحالة :
ايه يا فندم الكلام الغريب اللي حضرتك بتقوليه ده
هوا في مصري بيغلط؟
طبعا لازم يزعق لان المصري يستحيل يغلط
والاحلي بقي ان كلنا نستثني تنفسناونقول ليه المصريين بيعملو كذا وكذا
ونجلس في اماكن التحكيم فقط ليه برضو
علشان المصري عمره ما يغلط ابدا
المفضلات