أماكن ضيط الزوايا

**Kareem.ElAraby** · 14-10-2012 09:39 AM

السلام عليكم يا هيوانداويه نايل موتورز

انا معايا النترا 2011 الشكل القديم أول ما استلمتها كان فيه حدفه يمين مع الفرامل العنيفه المهم روحت التوكيل و اللذي منه و هي كده و مفيش حدفه ديه ماشيه مسطره المهم الحدفه مش بتبان الا في حاله الفرامل العنيفه بس غير كده نادرا أوي لما تبان
كان فيه ناس اشتكت انها بتحدف و ناس قالت لا بس طبعا حظي جابني عند الحدفه
النهارده بأركن عند الشغل الكاوتش اليمين الامامي نزل في حفره معتبره لدرجه انها حكت !!

قمت مفرمل و راجع علي الهادي و طلعت و انا راجع من الشغل الفرامل معاها الكاوتش بيعمل فرقه حسب الله
قمت طالع علي بريدجستون العبور لقيت مفيش زوايا قمت طالع علي فرع شارع مراد طلعت و اترفعت العربيه و شفت المقص كان تقريبا محكوك أو متخدش حاجه كده المهم هو بيقولي مفيهاش حاجه بس كانت محتاجه ضبط زوايا ورا و ودام و مفيش عجل مقدم أو مأخر و البيه كان بيستخدم زي ماسوره بيقيس كل شويه قبل المقص و بعد المقص لكل العجله

و انا مروح جربت بردو الحدفه اليمين مع الفرامل و الصريخ مع الفرامل قل نسبيا

روحت قبل كده لفرع عباس قالي العجله مأخره و محتاجه زرجينه + استعدال جنوط عشان ال 4 بايظين بس فرع مراد ما قالش حاجه + انني مش بأقتنع بفرع كالتكس خالص بقي !

مع الاسف كان فيه صنايعي في فرع عمارات العبور ايده تتلف في حرير بس مشي و ساب الشغل اسمه محمد

عاوز واحد نضيف بتاع ضبط زوايا تكون الناس مجرباه و شاطر و عنده العربيه و الموديل علي الجهاز فرع عباس و فرع مراد عندهم لغايه النترا 2001-2007 بس !

هل حد عنده فكره ممكن نجيب مقاسات الزوايا للعربيه و الموديل ده ازاي من علي النت بحيث تبقي معايا ك refrence

تاني حاجه بقي حد عدل بتاع استعدال جنوط ستوك حديد 15 و يكون متجرب و عنوانه بتفاصيله

ربنا يكفيكم و يكفينا المطبات و الحفر و النقر و اللذي منه
ويا بختك يا فاعل الخير و الثواب
و السلام ختام

**Ayman-Ahmed** · 14-10-2012 10:05 AM

ازيك يا كريم.انت لسة فى الموضوع ده برضه .

بص بقى يا غالى.فعلا فرع العبور كان عنده حمادة(محمد) صنايعى مشكلة ومش عارف راح فين بص بحاول اجيب اى اخبار عنه.

عندك حلين:

يا تروح مركز المهندس هانى( سبيد سرفيس) او فى صنايعى مشكلة برضه فى شارع البحر الاعظم.هتمشى فى شارع البحر الاعظم وشمالك القرية الفرعونية وهتلاقى محظة بنزين على يمينك مصر للبترول او التعاون مش فاكر .خش من جنبها يمين وفى تانى شمال(شارع صغير شوية) واسال على حمادة العفشجى وقوله على الحكاية كلها.

الجنوط انا مشفتش عندك فيها مشكلة لما شفتك ولكن على العموم لو ضغط الهوا بيقل باستمرار او حاسس برفة يبقى ورشة صلاح واولاده اللى فى مصر القديمة فوق نفق الملك الصالح.

هتخش نفق الملك الصالح واكنك رايح على المنيل واول ما تطلع من النفق خش يمين اوى اكنك هتمشى فوق التفق وهيبقى النفق تحتك واخر الطريق ده(طريق صغير برضه) هتلاقى الورشة وانصحك بلاش تخليه يرصصلك بعد ما تخلص لان ترصصيصه تعبان.

**محمد يوسف** · 14-10-2012 12:56 PM

عن تجربة فرع بريدجستون ( فيت أند فيكس) اللى فى كالتكس عباس العقاد سىء جدا جدا جدا وباظ تماما بعد م.نجاد ماسابه

**banboty** · 14-10-2012 01:32 PM

المشاركة الأصلية كتبت بواسطة ayman-ahmed

شارع البحر الاعظم.هتمشى فى شارع البحر الاعظم وشمالك القرية الفرعونية وهتلاقى محظة بنزين على يمينك مصر للبترول او التعاون مش فاكر .خش من جنبها يمين وفى تانى شمال(شارع صغير شوية) واسال على حمادة العفشجى وقوله على الحكاية كلها.

حماده امام

ده شاطر جدا وعن تجارب

, بس حاول تروح بدري علشان الزحمة

**socratov** · 14-10-2012 02:37 PM

شف عمرو بدوي ، في حرفيين السابع بتاعة مدينة نصر، راجل نضيف و سمعته كويسة

**Kareem.ElAraby** · 14-10-2012 02:49 PM

شكرا يا رجاله
هأشوف أروح امتي و الحل ايه و ربنا يسهل

**Kareem.ElAraby** · 14-10-2012 10:37 PM

أيمن بيه
ولا كان في نيتي والله أضبط زوايا بس الخبطه و المقص لما سمعت فيه حارقين دمي والله و بعد الضبط الزوايا الدركسيون رامي سيكه يمين و لما أضبطه العربيه تحدف شمال علي الطوالي ! هأروحله تاني بس مش فاضي
و المهندس هاني عشان يبص علي المقص قصدك ؟

طب مين تاني غير عمرو بدوي
و عمرو بدوي عنده الضبط بكام و أمين ولا زي باقي الصنايعيه و سكته

و جميل أوي موضوع 80 مشاهده و 5 مشاركات بس !

شكرا للرجاله اللي تعبت نفسها و ردت عليا و اللي ما ردش شكرا بردو

حد تاني يعرف واحد بتاع زوايا عنده جهاز حديث و يكون شاطر

**Ayman-Ahmed** · 15-10-2012 12:11 AM

المهندس هانى عشان يبصلك على المقص ويرشحلك حد مضمون معرفته.

متشتغلش نفسك بموضوع الحدفة مع ظبط الدريكسيون لان 90% من شوارعنا زوايا ميلها فى التمام.هههه.

الا اذا كنت جربت فى شارع متاكد انه مستوى تماما.

ولو عاوز تطلع على التوكيل يبقى اطلع على فرع العبور الجديد-طريق الاسماعيلية على الاقل الجهاز اللى عندهم جديد ومتستلمش ولا تدفع الا لما تجربها بنفسك مع مهندس الاستقبال.

**socratov** · 15-10-2012 01:14 AM

عمرو بدوي كان قدام و وراء بستين جنيه تقريبا ، معرفش لو قدام بس ايه الليلة ، بص انا جربته معايا و مع غيري الناس بتشكر فيه ، معايا بس الزوايا كانت مظبوطة فمخدش غير ١٥ جنيه كشف و قالي ان الزوايا كويسة "كنت بكشف عنده عشان زيرو و ماكانتش مترصصة و لا متظبطة هواء صح فقلت ابص علي الزوايا بالمرة"
بس كل مبسأل حد في مدينة نصر بيقولي عليه، الحوار التاني بتاع الدركسيون ده للأسف مش هقدر افتيك فيه

**Kareem.ElAraby** · 15-10-2012 09:16 AM

Socrtaov
Ayman-Ahmed

ِشكرا يا رجاله ألف شكر

جازاكم الله خيرا

الموضوع: أماكن ضيط الزوايا

LinkBack

أدوات الموضوع

عرض

أماكن ضيط الزوايا - انشر الموضوع فى :

-

-

-

-

-

-

المواضيع المتشابهه

أماكن بيع أعلام ..

أماكن ورش الأسكانر

أماكن التوكيلات

أماكن الباركنج

الكلمات الدلالية لهذا الموضوع

المفضلات

المفضلات

ضوابط المشاركة