الموضوع: بالصـور .. الاعلان الرسمى من مصـنع نيـسان عن مواصـفات واسعار الصنى ســوبر صـالون 2013

المشاركة الأصلية كتبت بواسطة masterzmind

والله مش عارف اقولك ايه على المجهووود ده كله ربنا يكرمك يا رب وفعلاً نيسان صنى عربيه الواحد يعتمد عليها

عبد الرحمن حبيبى .. وحشنى كتير ..
تسلم على تقديرك الجميل وعلى شعورك الطيب
وان شاء الله نتقابل قريب

المشاركة الأصلية كتبت بواسطة mollaELolla

سيارة جميلة
و السعر كويس بس كده اصبح قريب من التيدا
و انا منتظر اول عضو حيستلم ليحظى بلقب اول عضو يمتلك سوبر صالون فى الشكل الجديد

اعتقد التيدا اول فئة سيدان ويمكن البلس سيدان مش حتنزل تانى

المشاركة الأصلية كتبت بواسطة saint2011

الشىء الوحيد أللى مضايقنى فى موضوع السوبر صالون هو عدم تغيير الكاوتش الماكسيس الصينى السىء وعدم تعريض الكاوتش ليكون 195/60 ذى السوبر صالون القديم ذى متكون لابس بدلة boss ولابس عليها جزمة باتا

يارب فعلا يتغير الى بريدج ستون ان شاء الله ينزل فى كتجورى اعلى كمان من كدا مع تكيف تاتش واستارت انجن وكفر اشارات
بس اللى نفسى فيه ان الكاوتش الماكسيس فى اى فئة يبقا اعرض ويبقا 195 .. حيعطى شكل للعربية والله وخصوصا من الخلف

المشاركة الأصلية كتبت بواسطة mollaELolla

اعتقد الحركة دى حتتكلف كتير
و انا شايف ان هيا دى الحجات الهامة فعلا فى هذا الموديل (بالنسبة لى انا)
و على فكرة فى ميزة فى التابلوه الجديد
فى مقياس للحرارة فى الكمبيوتر

تصدق ما اخدتش بالى
حتاكد من الموضوع ده باذن الله

المشاركة الأصلية كتبت بواسطة welo77

مشكورين يا جماعة على المجهود الكبير وبصراحة احنا خلاص اتعودنا انكم تكونو متميزين مش هينفع اقل من كده . جزاكم الله خيرا

بالنسبه للحجز انا سالت فى اتو ايجبت والسبع . وقالو ان الاستلام بعد شهرين

تسلم على شعورك الطيب وتقديرك الجميل
فعلا الحجز حيكون بعد شهرين او 3 شهور زى نظام الex

المشاركة الأصلية كتبت بواسطة Ahmed A.Maksoud

مجهو متميز يا شباب............جزاكم الله خيراً

و فعلاً سبويلر + جنوط + بلوتوث و تحكم فى الكاسيت + نواكل + فيميه = 10000........أكيد صفقة رابحة و ممكن تأثر جامد على ال ex الأوتو :)

ابوحميد كيف احوالك .. بتنورنا .. مع ان زعلان ان محدش قالى انك نزلت مرة مصر ومش شوفتك
فعلا صفقة ممتازة .. ومفروض ان فى خطة انتاج ماشيين عليها .. فيارب متقصرش على حاجة
وعلى فكرة بردوا الex ليها ناس بردوا .. لان فى واحد ممكن امكانياته مش يقدر يزودها عن 100 الف فى عربية .. فيضطر يجيب الex

المشاركة الأصلية كتبت بواسطة Mohyeldin1974

اسمحولى اشترك معاكو ولو انى مش من ملاك نسيان
مجهود رائع مشكورين عليه ودائما ان شاء لله للامام
عندى ملاحظتين وطبعا راى شخصى غير متخصص:
- الربع الاخير من العربيه من بعد الزجاج الخلفى شكلا وتصميما فيه حاجه غلط يعنى مش مريح للعين
- الملاحظه الاخرى ليس لها علاقه بالسياره ولكنها لها علاقه بالتعليقات والموضوع ده ابتديت الاحظه ليس فى فقط فى المنتدى ولكنه اصبح سلوك عام فى مصر
وهو انا شايف ام الموضوع بيناقش التقرير الجميل عن السياره طيب ايه لازمه اروح رازع فى النص على عربيه تانيه وبراند تانى مش عارف توكيله بيعمل ايه ومبيعملش ايه
قصد القول ان نيسان كعلامه وكتوكيل محترم بدون مانشوه او نجرح فى توكيلات اخرى او موديلات اخرى فى السكه فى وسط الكلام ، وده ممكن يكون مكانه المقارنات.
اعتقد العلامات التجاريه الكبيره دائما كبيره بما تقدمه وليست كبيره بما لا يقدمه غيرها
وتقبلوا مرورى

اولا تسلم على تقديرك على المجهود
ثانيا ملحوظة ان الجزء الخلفى مش مريح للعين دى طبعا بتخنلف من شخص الى شخص
وانا معاك فيها .. ولو تم تعريض الكاوتش .. النظر للجزء الخلفى من الخلف ومن الاجانب الخلفية حيختلف
ثالثا .. بخصوص اننا بنتكلم على اى توكيل اخر .. بالعكس
احنا فعلا بنحصر مميزات توكيل نيسان .. ولكن لو فضلنا نحصر توكيل نيسان ونعدد مميزاته
الناس بتفتكر اننا بنعمل دعاية وبننحاز الى توكلينا وخلاص
وعشان كدا بمقارنة محترمة وبكلام وباراء محترمة بعيدة عن التجريح او الاستهزاء او الفاظ خارجة بنذكر التوكيلات المنافسة فى بعض النقاط .. عشان تكون الامور واضحة للجميع
وفعلا نقطة ان توكيل نيسان افضل شى فيه خدمة ما بعد البيع وكمان توكيل بيسمع وبيطور من نفسه وبيهتم بعملائه .. ومع ذلك اكيد فى عيوب عنده .. المهم ان مش عنده مكابرة
وده لازم من دورنا نقوله ونوضحه .. لعل وعسى التوكيلات المنافسة لنيسان لما تقراء الكلام ده
تبتدى تغير من نفسها وتطور وتاخد بالها من السلبيات .. ويكون فى معاملة كمان افضل مع عملائها
لكن مش الغرض من حشر اسم توكيل فى الموضوع .. عشان نضايق حد ابدا .. بالعكس ..
كله فى الاخر صااااج والصاج بيتعصر بردوا .. وكله فى الاخر بيوصل لخط النهاية

والحمد لله بقالنا فى المنتدى سنين .. والحمد لله بتجمعنا علاقة محبة مع كل الاعضاء فى كل الاقسام .. وكلنا تيم واحد فى المحبة .. وعمرنا ما عملنا مشكلة مع حد ابدا ولا حد زعل مننا

تحياتى ليك .. واتمنى تكون وجهة النظر وصلت لحضرتك
وميكنش فيه اى سوء تفاهم