الموضوع: بقكر جديا في اسبورتاج ... الطارق ولا الوكيل ؟

المشاركة الأصلية كتبت بواسطة deshahcoka

رجالة ...

انا بعد النحس الازلي الي بقى في السيراتوا خلاص كل الاختيارات بقت محدودة شوية الي حيركبني عربية صالون تاني ب 14 - 180 الف لو لانسر شارك زيروا او جيتا او اي حاجة في الرزنج ده ...

ربنا الهمني و فكرت في الاسبروتاج اول فئة ... شوفت الموصفات لاقيتها معقولة يعني و فيها الفاميه برضه ... و ب 176 الف ... و الفرق في الكامليات للهاي لاين مش مشكلة مش فارق معايا ...

رايكم ايه ؟ انا كنت لما بسال في التوكيل على الريو قالي حجزها 3 شهور مش 6 شهور زي الاسبورتاج و متكلمتش فيها خالص ... و كنت بسمع انوا الطارق بيسلم ب 30 الف اوفر بريس ...

رايكم ايه .. احجز ب الف جنيه واحدة في التوكيل و استى ال 6 شهور ؟ ولا مش بيحجزوا ب الف جنيه ؟

انا شايف ناس كتير جربت و مهتمية بموضوع الاسبورتاج ياريت حد يقلي بس التفاصيل :)

هيا طبعا كهربية احسن من السيراتوا و احسن من الصالوان عموما .. لكن هيا مش جيب رانجلر مثلا عشان اطلع بيها جبال ... حتستخدم استخدام عادي يعني

تاعبكم والله يا رجالة :) انتوا حتخشوا فيا الجنة ان شاء الله :) كل سنة و انتوا طيبين :)

طب انا عندى ليك مفجاة حلوة قوى اية رايك تسيبك بقى من الكورى و تركب ركوبة اعلى بسعر مناسب و من غير اوفر برايس و لا تستنى ست شهور و لا كلام حمضان من بتوع المعارض عيد كدة و يبقى عيد سعيد ساعتها عمو منصور يكون نزل رسمى بالسعر بتاع العربية استرا سيدان 2013 و انشاء الله هاتبدا ب 155 الف جنية و حاجة هاتبقى خيال روح اتفرج عليها و اعمل تست درايف دة انا ناوى انشاء الله و صدقنى متخافشى من موضوع اوبل و هاتخسر و كدة لو زيزرو هاتنسى فترة كبيرة اسالنى انا ياريت اكون قدرت افيدك ملحوظة السبورتاج مش وحشة بس بالسنبة ليا شايف ان حرام المبلغ دة على كورى

زياده على المبلغ ده شويه و من غير انتظار 6 شهور ولا حاجة شوف السوبارو الاكس فى او الامبريزا الجديده هتبقى حاجة مواصفاتها اعلى بكتير و وسائل امان اكتر و عربيه متميزه و دفع رباعى

و 30 الف جنيه اوفر برايس اووووووففففففففر ااووووووووووووووووووووووى ده بيكسب فيها اكتر من المصنع على كده ده ولا بيصنعها عنده

حرام جدا تدفع مبلغ زى ده كده بقت العربيه ب 200 مش ب 170 يعنى فئه غير الفئه و تجيب بيها حاجة المانى و مواصفات عاليه او الاكس فى الهاى لاين اسبيشيال او قاشقاى او جوك

اللى بيقول الطارق بياخد 30 الف فى العربيه اوفر برايس
انا شغال فى الطارق مول العرب واسعار الاسبورتاج تسليم فورى
الفئه الاول اللى فى التوكيل 176 وعندنا ب 190 الف
والفئة التانيه 190 فى التوكيل وعندنا ب 206 الف
والهاى لاين فى التوكيل ب 215 وعندنا ب 239 الف

وراى بالنسبه للشراء اصبر شويه لحد ما الرؤيه تبان فى كل العربيات واسعار البنزين كمان
يعنى انا شوفت vx عجبتنى جدا ولما نشوف الاستر الجديده هتعمل ايه وكمان انا شايف الفورد نزل موديل بره وكمان انا بشوف الستروين ايه الابداع ده

فبجد متستعجلش لو مش مزنوق لاكن لو مشقادر تصبر احجز فى التوكيل الفئه الثانيه ب 190 او الهاى لاين ب 215 لان الفئه الاول من غير النواكل وكمان مع الجنط ال 16 والتكييف البكر ومن غير المرايات الضم ومثبت السرعه والطاره الجلد والابواب مش متبطنه جلد شكها وحش قوى قوى

فصلى استخاره وربنا يهديك للخير

بس انا بستغرب مش المفروض الاسبورتاج بنزين 95 ازاى الناس بتحطلها 92 وهل مفيش مشاكل والعربيه سحبها حلو وناعه