الموضوع: أرجوا المساعدة سريعاْ

انا اعتقد أن اللانوس احسن منها بكتير وعن تجربة اللانوس عفشة افضل وسبات أحسن الفيرنا اخف منها وطبعا هيبقى الموتور على الفيرنا الخفيفة افضل من اللانوس
ولكن طلما نويت ربنا يكرمك ولك بعض الارشادات البسيطة للاستلام السيارة فربنا أو غيرها
حضرتك لازم يكون معاك حد بيفهم شوية دة مش بنطلون هتشترية ولو فية مشكلى هيرجع

1- لازم تبص على العداد عامل كام كيلو مايزدش عان 100 كيلو ( أستهلام من المصنع الى المعرض ) فى اقصى الحالات دة لو ماكنس كيلو ولا 2 يعنى العربية جت للمعرض بالونش
2- تبص على دهان العربية علشان مايكنش فى أة تجريح أو خبطات ولو فى لازق شيلى قبل ماتستلم للا يون تحتية تجريح حصلت مع ناس كتير
3- بتستلم مع العربية أية الاستبن - الكوريك - مفتاح العجل - الضمان ومختوم بختم البائع - ممكن ضمان البطارية لو موجود - ممكن كاتلوج وضمان الكاسيت - كتالوج العربية وكشف الصيانات - المفتاح الاصلى + نسخة
4- جواب المرور وفاتورة العربية ويفضل لو المعرض عندة حد يرخصهالك أحسن من الدوشة طاما ملكش خبرة ورضيهم بعد كدو فى حدود 100 : 150 جم بعد الترخيص وخليك معاهم خطوة خطوة علشان تعرف الخطوات
5- المحافظة على مواعيد الصيانة الدورية بالتوكيل وابعد عن فتى الصنيعية طلما ملكش خبرة هيشتغلوك هيشتغلوك
6- بلاش سرعة فى الاول لحد الموتور مايعمل صيانة دائما أتعلم وخد بالك من المؤشرات بتاعى الحرارة والزيت والبنزين وبلاش تسيب البنزين لما يخلص التنك خلاص مون علطول قبل لمبة البنزين ماتنور
وربنا يكرمك وباركلك فيها .

المشاركة الأصلية كتبت بواسطة moumen_hs

انا اعتقد أن اللانوس احسن منها بكتير وعن تجربة اللانوس عفشة افضل وسبات أحسن الفيرنا اخف منها وطبعا هيبقى الموتور على الفيرنا الخفيفة افضل من اللانوس
ولكن طلما نويت ربنا يكرمك ولك بعض الارشادات البسيطة للاستلام السيارة فربنا أو غيرها
حضرتك لازم يكون معاك حد بيفهم شوية دة مش بنطلون هتشترية ولو فية مشكلى هيرجع

1- لازم تبص على العداد عامل كام كيلو مايزدش عان 100 كيلو ( أستهلام من المصنع الى المعرض ) فى اقصى الحالات دة لو ماكنس كيلو ولا 2 يعنى العربية جت للمعرض بالونش
2- تبص على دهان العربية علشان مايكنش فى أة تجريح أو خبطات ولو فى لازق شيلى قبل ماتستلم للا يون تحتية تجريح حصلت مع ناس كتير
3- بتستلم مع العربية أية الاستبن - الكوريك - مفتاح العجل - الضمان ومختوم بختم البائع - ممكن ضمان البطارية لو موجود - ممكن كاتلوج وضمان الكاسيت - كتالوج العربية وكشف الصيانات - المفتاح الاصلى + نسخة
4- جواب المرور وفاتورة العربية ويفضل لو المعرض عندة حد يرخصهالك أحسن من الدوشة طاما ملكش خبرة ورضيهم بعد كدو فى حدود 100 : 150 جم بعد الترخيص وخليك معاهم خطوة خطوة علشان تعرف الخطوات
5- المحافظة على مواعيد الصيانة الدورية بالتوكيل وابعد عن فتى الصنيعية طلما ملكش خبرة هيشتغلوك هيشتغلوك
6- بلاش سرعة فى الاول لحد الموتور مايعمل صيانة دائما أتعلم وخد بالك من المؤشرات بتاعى الحرارة والزيت والبنزين وبلاش تسيب البنزين لما يخلص التنك خلاص مون علطول قبل لمبة البنزين ماتنور
وربنا يكرمك وباركلك فيها .

في إنتظار أراء آخري

و متشكر جداْ لحضرتكـ

يعني الفيرنا عربية حلوة كمتور و عفشة و صاج و كده ؟

و مبدأش أركب أي تعديلات كاجنوط أو كاوتش أو ستيكرات و كده

بعلم إني جديد في السواقة

و عاوز أعرف أيه كمليات العربية

و يا ريت لو تفاصيل أكتر علشان أنا أبيض

الفيرنا حلوة كموتور أة لان العربية خفيفة وأستهلاك البنزين أحسن من اللانوس ولكن الثبات اللانوس أحسن بكتير وعفشة أفضل من الفيرنا عن تجربة وأسال بتوع التكسيات وعن قطع الغيار مفيش ارخص من الكورى متاقلقش وخد بالك أنا بكلمك فى رنج السعر لان فى عربيات افضل بكتير ولكن السعر أعلى طبعا وأفضل حضرتك تسيب العربية بحالى الفبيريكا لغاية لما تتعلم وابقى ركب الى عايزة بعد كدة وخد بالك أن الجنوط الى فى السوق وسعرها فى حدود 1000 : 1300 جم صينى وتعبانة لو خدت مطب هيتعوجوا أفضل الحديد بتوع الفبريكا منهم ولو عايو جيب نوع محتروم مش هيقل عن 2000 جم

متشكر جدا

بس حضرتك مردتش عليا و أنا رايح المعرض أستلم العربية

أيه إلى بيبقي مع العربية من كمليات ؟

أنا ديلوئتي فهمت حوار الخدوش إلى تحت الستيكر

و عاوز أعرف لو عاوز أركب سماعات عالية أوي و نقية في نفس الوقت أعمل أيه

اخوك لسه فيرنا جديد ، عملت صيانة الألف امبارح في غبور العبور "الفرع اكتر من ممتاز"
بص ، العربية لطيفة جدا ، فراملها مش بطال ، مشكلتها الأكبر انها عبيطة "ممكن تجري و أنت مش واخد بالك" ، من فيرنا للانوس الموضوع راحة نفسية ، أنا شفت ناس معاها الاتنين و بتلعن اللانوس ، و شفت ناس العكس ، هو الموضوع راحة نفسية.
في المجمل العربية لطيفة بالنسبة لسعرها ، يعني انت متجريش ل١٨٠ و تنتظر منها تقف في ١٢ متر ، اعتقد ان ده سبب اساسي في الكلام البطال علي فراملها.
الجديدة الفول اوبشن بتنزل كرسي سواق بيتعدل ، كاسيت بيو اس بي و ايه يو اكس، سماعاتها مش بطالة برضه
اهم حاجة تاخدها و تروح لحد بتاع ترصيص نضيف و تظبط هواء كاوتش ، فكك من انها زيرو ، بتاعتي كان ترصيصها و هواء الكاوتش في الضياع.

متشكر بس كنت عاوز أعرف بستلم مع العربية الفيرنا أيه بظبط