الموضوع: كل مايخص السياره ايمجراند 7 (emgrand7) الصينيه الجديده والسعر مفاجأه بضمان غبور

المشاركة الأصلية كتبت بواسطة mody1983

السلام عليكم ورحمة الله و بركاته
أولاً أحب أوجه كل الشكر لأستاذ أحمد على المعلومات القيمه و بصراحه أنا كنت متردد لحد ما شفت العربيه بعيني ... مترددتش لحظه و حجزتها على طول بس هما قالوا ان التسليم هيبقى في شهر مارس ... و ده كويس لحد كده

الشيء اللي مخليني قلقان أن الدفعه الأولى لسه ما أتسلمتش لحد دلوقتي و كان ميعادها في نص 11 و احنا دلوقتي 11 ديسمبر ... علشان كده أنا عاوز رجاء من أستاذ أحمد أو أي عضو حاجز في الدفعه الأولى يقولنا أول ما يستلم العربيه ... ضروري فعلاً لأني مش قادر أستنى .. العربيه حلوه قوي و مش عاوز أستنى بعد مارس فلو مواعيد التسليم هتتأخر قوي أنا ممكن أوفها في أي معرض بالغالي شويه و خلاص

شكرا

سلام عليكم

لا شكرا على واجب انا عنيا الاتنين طبعا
التسليم بدء فعلا انا سلمت عربيتين الاسبوع ده والاسبوع اللى جى ان شاء الله هسلم كمان ان شاء الله ومعتقدش انه هيتاخر تانى بس هو تاخير غبور اصلا طبيعى حتى فى الهيونداى كان كده برده
وبالنسبه للتسليم حضرتك حاجز فى اى دفعه او كلمنى رقمى فى الملف الشخصى ممكن تكلمنى افهم منك اكتر من كده

ألف شكر يا استاذ أحمد على إهتمامك ... أنا حجزت من فرع المهندسين و قالي أني هستلم في مارس و مش عارف رقم الدفعه بالتحديد .... أنا بس كل اللي في دماغي هل التأخير اللي حصل في الدفعه الأولى هيأثر على ميعاد تسليم دفعة مارس و لا لأ ... كمان أنا بصراحه شديده متخوف للغايه من أسعار قطع الغيار ... لأن طبعا العربيه لسه جديده ... فكنت عاوز أعرف أخبار الناس اللي استلمت العربيه أيه .. حتى مع الصيانات الأوليه في التوكيل ... يعني مثلاً تكلفة صيانة الألف كيلو أد أيه و أيه أخبار العربيه مع الإستخدام الحقيقي

شكراً مره تانيه

أستاذ mody1983

لا داعي للقلق علي ميعاد التسليم سيتم التسليم في الميعاد المتفق عليه ، وإذا أحببت أن تقود السيارة بنفسك كتجربه قياده للسيارة متاحة الان برجاء الاتصال لتحديد يوم وميعاد لعمل التيست درايف علي السيارة الامجراند الجديده ،
ولا تقلق مره أخري من قطع الغيار او الصيانات مثلها مثل الفيرنا ولكن بأسعار أغلي قليل لان جودتها أفضل بكثير
ويشرفي الاتصال لأي أستفسار في اي وقت

المشاركة الأصلية كتبت بواسطة minaeskander

أستاذ mody1983

لا داعي للقلق علي ميعاد التسليم سيتم التسليم في الميعاد المتفق عليه ، وإذا أحببت أن تقود السيارة بنفسك كتجربه قياده للسيارة متاحة الان برجاء الاتصال لتحديد يوم وميعاد لعمل التيست درايف علي السيارة الامجراند الجديده ،
ولا تقلق مره أخري من قطع الغيار او الصيانات مثلها مثل الفيرنا ولكن بأسعار أغلي قليل لان جودتها أفضل بكثير
ويشرفي الاتصال لأي أستفسار في اي وقت

سبحان الله مش ده نفس اللى حصل معانا و لحد دلوقتى لم نستلم و نحن فى الدفعة الأولى !!!

المشاركة الأصلية كتبت بواسطة minaeskander

أستاذ mody1983

لا داعي للقلق علي ميعاد التسليم سيتم التسليم في الميعاد المتفق عليه ، وإذا أحببت أن تقود السيارة بنفسك كتجربه قياده للسيارة متاحة الان برجاء الاتصال لتحديد يوم وميعاد لعمل التيست درايف علي السيارة الامجراند الجديده ،
ولا تقلق مره أخري من قطع الغيار او الصيانات مثلها مثل الفيرنا ولكن بأسعار أغلي قليل لان جودتها أفضل بكثير
ويشرفي الاتصال لأي أستفسار في اي وقت

الف شكر للاستاذ مينا اسكندر على التواصل ونتمنى وجودك دائما فى المنتدى مع خالص تحياتى

بصراحة شفت العربية فى مدينة نصر اللون الأسود وكانت بالفعل مبهرة ورائعة ومبروك للى حجزها
ياريت نعرف استاذ مينا الأوتوماتيك حتنزل امتى والسعر فى حدود كام ولو عاوز أعمل تست درايف حيكون مكانه فين واتصل على رقم كام

هل لون التابلوه رمادى بس ولا حينزل التابلوه البيج