ازاى تعرف ان السيراتو دى سعودى ومش اى خليجى تانى؟؟؟

**mhf_77** · 21-10-2012 10:51 AM

السلام عليكم
انا مهتم انى اجيب سيراتو سعودى2013 تحديداً مش اى خليجى وخلاص فياريت تقولولى اتأكد ازاى من انها سعودى لانى لفيت على كذا معرض ولقيت عربيات كتير بيقولو انها سعودى ونفس الفئه (اوتوماتيك اول فئه) بس لقيت البيانات اللى على القايم مره مكتوب بالعربى (حسب المواصفات السعوديه ) ومره بالانجليزى - ومره الاقى العربيه فيها dvd وكاميرا خلفيه ومره الاقيها بالكاسيت الاصلى ومره الاقيها بabs ومره الاقيها فرامل عاديه ومره الاقيها طاسات ومره جنوط 15 (بس دى قالولى اردنى)ومره الاقيها ب 111000 ومره 112000 ومره 113000 ومعتقدش ان فروق موديلات هتفرق الف او اتنين زياده بس ومره الاقيها le ومرهlx وهما الاتنين نفس الفئه ومره الاقى الكبوت متبطن من جوه اسود ومره الاقيه من غير بطانه ومره يكون للموتور عمه فايبر ومره الاقيه من غير العمه وسلوك البوجيهات باينه ومره الريموت فيه فتح شنطه ومره من غير ومره بمسند يد امامى ومره من غير ومره بجراب نظاره ونور قراءه فى السقف ومره من غير ومره بزرار ظبط اضاءة الفوانيس ومره من غير ومره بترموميتر لقياس درجة حرارة الجو من الخارج ومره من غير ومره بمؤشر فى عداد الرحلات يقيس استهلاك الوقود ومره من غير والعربيه اللى تلاقيها زايده فى اوبشن تلاقيها ناقصه فى اوبشن تانى زى مايكون بتتعامل مع بتاع تلات ورقات والغريبه انهم كلهم فى نفس السعر فروق بسيطه جداً الف او الف ونص - لدرجة انى شكيت فى سنة الصنع وقولت يمكن عارضين موديلات 2012 المتخزنه عندهم فمعلش ان كنت تقلت على حضراتكو فى السؤال بس ياريت الاقى اجابه وافيه تفصيلاً عن كل نقطه وشكراً

**Ahmed_Adham** · 21-10-2012 01:08 PM

مشكله الخليجي انك تلاقي عشرين توليفه مواصفات غير بعض وده سببه ان معظم الحاجات زى الدي في دي التتش والكاميرا بيركبو هنا في مصر والتجار بيعملو الحاجات دي عشان متعرفش تقارن السعر بينه وبين تاجر تاني بما ان المواصفات مختلفه وكمان عشان يحبب الزبون فيها ويتغاضى عن فكره انها من غير ضمان.

خد انت اللي تلاقي فيها أعلى مواصفات بأقل سعر. وبالنسبه للسعودي من غيره أنا رأيي ان الخليجي كله واحد بس أنا مبعتبرش الاردني مواصفات خليجي.

**mhf_77** · 21-10-2012 02:53 PM

المشاركة الأصلية كتبت بواسطة ahmed_adham

مشكله الخليجي انك تلاقي عشرين توليفه مواصفات غير بعض وده سببه ان معظم الحاجات زى الدي في دي التتش والكاميرا بيركبو هنا في مصر والتجار بيعملو الحاجات دي عشان متعرفش تقارن السعر بينه وبين تاجر تاني بما ان المواصفات مختلفه وكمان عشان يحبب الزبون فيها ويتغاضى عن فكره انها من غير ضمان.

خد انت اللي تلاقي فيها أعلى مواصفات بأقل سعر. وبالنسبه للسعودي من غيره أنا رأيي ان الخليجي كله واحد بس أنا مبعتبرش الاردني مواصفات خليجي.

شكرا لردك طب البيانات اللى على القايم ساعت مكتوبة بالعربيه وساعات بالانجليزيه والاتنين المفروض سعودى 2013 ؟؟

**kariemelsayed** · 21-10-2012 04:04 PM

انا اشتريت السعودي من ريان من اسبوعين عامله 113000 وفيها اير باج و زرار ظبط النور و كاسيت اصلي و ريموت اصلي فيه فتح الشنطه والقايم مكتوب بالعربي

**kariemelsayed** · 21-10-2012 04:06 PM

هيا اول فئه طاسات 15 والكبوت متبطن وسلوك البوجيهات مش باينه

**Ahmed_Adham** · 21-10-2012 04:08 PM

المشاركة الأصلية كتبت بواسطة mhf_77

شكرا لردك طب البيانات اللى على القايم ساعت مكتوبة بالعربيه وساعات بالانجليزيه والاتنين المفروض سعودى 2013 ؟؟

المفروض يبقى مكتوب عليها مطابقه للمواصفات الخليجيه وفي الغالب بالعربي. أنا مشوفتش العربيات اللي هنا بس شوفت فى الكويت العربيات كان بيبقى مكتوبا كده على القايم وفي الشماسه من بره أو من جوه على استيكر تحذيرات السلامه والامان.

**Ahmed_Adham** · 21-10-2012 04:10 PM

المشاركة الأصلية كتبت بواسطة kariemelsayed

انا اشتريت السعودي من ريان من اسبوعين عامله 113000 وفيها اير باج و زرار ظبط النور و كاسيت اصلي و ريموت اصلي فيه فتح الشنطه والقايم مكتوب بالعربي

ياريت تصور الاستيكر اللي على القايم وتنزله هنا عشان الراجل يشوفه يبقى أفضل وشكرا مقدما.

**kariemelsayed** · 21-10-2012 04:10 PM

في قياس درجة الحراره جنب الساعه بس مافيش استهلاك الوقود للاسف

**kariemelsayed** · 21-10-2012 04:18 PM

انت روح ل ريان و شوف كل الفئات قدامك وفي واحد محترم اسمه محمد عوض هيسيبك تعمل اللي انت عاوزه براحتك هوا جدع جدا و هيفهمك

**karimmagdy50** · 21-10-2012 04:48 PM

متابع باهتمام

الموضوع: ازاى تعرف ان السيراتو دى سعودى ومش اى خليجى تانى؟؟؟

LinkBack

أدوات الموضوع

عرض

-

المواضيع المتشابهه

سيراتو خليجى ولا سعودى ولا اردنى

كيا كارينز 2012 ... خليجى سعودى

ازاى اتأكد انها خليجى سعودى

السيراتو كوبيه 2011 خليجى سعودى سعرها وكماليتها؟؟؟

سيراتو خليجى سعودى

الكلمات الدلالية لهذا الموضوع

المفضلات

المفضلات

ضوابط المشاركة