الموضوع: حصريا وانفراد :: اسعار قطـع غـيار نيـسان صـنى الشـكل الجـديد 2012

شاكر تقدير الجميع على المجهود
احمد بيه .. قصة قطع الغيار صعب اننا نحكم فيها من اساسها غير طبعا الظاهر
لاننا منعرفش قطع الغيار اللى بتدخل لاى براند نظام جماركها ايه .. لان جمارك قطع الغيار للصينى غير للاوروبى غير الكورى غير اليابانى .. ووارد تلاقى فى حاجات غالية فى عربية وفى حاجات رخيصة
واعتقد الاوروبى ممكن يكون فى بعض قطع غياره تكون ارخص من اليابانى وبردوا حتلاقى حساسات او بعض من اجزاء الميكانيكا ممكن تكون اغلى من اليابانى .. وبردوا فى عربيات كورى بردوا التيل بتعها فى رنج ال500 جنيه واحيانا فى عربيات يابانى تيل الفرامل بيعدى ال600 جنيه
ولكن ما يمنعش انى متفق معاك فى سعر التيل اللى كان مفروض مش عديش ال500 جنيه بضريبته ومش يقل عن 400 جنيه
وبردوا على كلام حضرتك بتقول ان البوجيهات عندى بتتغير كل 15 الف او حتى 30 الف .. ولو بالسعر ده اللى مكتوب تبقا غالية .. لان بوجيهات الصنى بتتغير كل 100 الف كيلو .. ولو البوجيهات فى عربيتك بتتغير كل 100 الف ياريت توضحلى يمكن اكون فهمت خطا
وفلتر البنزين عندك بيتغير مفروض كل 15 الف او 20 الف بالكتير .. لكن الصنى مفهاش فلتر .. وفيها طلمبة .. وممكن الطلمبة متتغيرش وتقعد معاك مش اقل من 150 الف كيلو الا لو بتحط بنزين 90 مثلا او اقل
واعتقد العربيات الحديثة من ستروين حتلاقى فيها تغير فى الاسعار وحاجات غالية بردوا
وفلتر الزيت اغلى ب25 جنيه ههههههههههه عننا
يعنى كلها حاجات بتزيد او بتنقص فى رنج من 25 الى 100 جنيه .. مش تفاوت كبير فى الزيادة او النقصان سواء لصالح ستروين او لصالح نيسان

تحياتى ليك
ونورتنا