محتاج نصايحكم

**salah_86** · 22-10-2012 01:12 AM

عربيتى لانسر 2009 بومة 1300 سى سى انا بقالى 13 الف كيلو مغير الكاوتش لبريدجستون برضة بعد ما شيلت كاوتش الفابريكة منها من كام يوم لاحظت ان العربية من سرعة 80 لحد 90 بترجرج زى احساس ان الكاوتش بيكون محتاج ترصيص المهم رحت رصصت العجل كلة وعملت اكس انهاردة لقيت العربية بعد ال 110 بترجرج جامد المهم رجعت للولد اللى رصص العجل شديت معاه شويتين وقلتلة لازم يكشف على الاربع عجلات كشف عليهم مفيش عجلة طلعت على الجهاز اصفار خلتنى وراة لحد ما ضبط العجل كلة اصفار المهم وهو بيظبط العجل لقيته بيقولة ان فيه جنط فيه رفة بس معرفش يمكن يكون هو مش فاهم اصلا وببيالف وخلاص مش عارف المهم خدت العربية وجيت الشغل من شبين الكوم للمطار العربية اتظبطط لحد ال 140 اول مجبت ال 160 رجرجت تانى بس مش قوى زى المرة اللى فاتت رجرجة خفيفة محتاج بجد خبراتكم

**ملك فرنا** · 22-10-2012 02:37 AM

انت عارف ان المفروض قبل ماترصص تغسل الكاوتش و الجنوط كويس جدا
انت عارف لو الجنط مثلا علية من جوة اسفلت مطرح الطريق يبوظ الترسيس و لو جاله اسفلت يبوظ الترصيص تانى
المهم امسك جنط جنط نظفة كويس من جوة و برة وعيد الترصيص هتلقيه مختلف

**exact** · 22-10-2012 03:09 AM

والمهم برضه ان الترصيص ميبقاش ترصيص حصان... لازم الجنط يتفك من العربية ويتحط على جهاز

**khalid_adel** · 22-10-2012 03:22 AM

علي فكره ترصيص الجهاز ده مش بيبقي مظبوط ميه ميه لان عمره ماحيمسك العجله زي ماتكون ماسكه من كل الزوايا في الطنبوره بتاعت العربيه
الترصيص الصح اللي هو بيسمو موتوسيكل بس انا معرفش حد عنده ومجربتوش قبل كده المهم انه بيرصص والعجله راكبه ومتأرط عليها في الطنبوره
اللي يأكدلك كلامي ساعات الواد وهو بيحط الكاوتشه يطلعله قرايه متعجبوش يقوم فاكك الصاموله اللي ماسكه العجله ورابطها تاني تلاقي القرايه اختلفت :)

**salah_86** · 22-10-2012 01:48 PM

انا روحت النهاردة عملت ترصيص موتوسيكل لقيت الراجل بيقولى ان فى جنط فيه رفة
المهم هو ظبط ال4 فرد وبعد كدا روحت اشوف موضوع الرفة دا فى محل انا متعود اظبط الهوا فيه فبقولة عاوز اعمل استعدال للجنط دا لقيتة خد الجنط وحطة على الجهاز وشال الترصيص من علية فالجهاز ادى ارقام انا مش فاكرها بس تقريبا كانت اقل من ال 40 فى النحيتين فلقيتة بيقولى ان لو طلب الجهاز اكتر من 50 بيكون فى رفة انما الجنط بتاعك سليم ورصصهولى وركبتة بس بصراحة مطلعتش اجرب العربية لسة بليل الدنيا تهدى كدا واطلع اجرب

**salah_86** · 22-10-2012 10:20 PM

طلعت على السريع وجربت والحمد لله العربية ظبطت خالص هو بس لما جبت ال 160 ودست فرامل حسيت برجرجة خفيفة ولما سالت المهندس اللى انا بصين عربيتى عنده قالى ان ده عالى وواطى فى الطنابير لما تيجى تغير تيل الفرامل المرة اللى جاية نمسحهم

**hany63** · 22-10-2012 10:40 PM

فعلا زي ما قال لك و انا الرجرجه عندي كانت لما بفرمل على ال١٢٠ و راحت بعد ما خرطت طنابير قدام

**momo44** · 23-10-2012 03:06 AM

المشاركة الأصلية كتبت بواسطة salah_86

طلعت على السريع وجربت والحمد لله العربية ظبطت خالص هو بس لما جبت ال 160 ودست فرامل حسيت برجرجة خفيفة ولما سالت المهندس اللى انا بصين عربيتى عنده قالى ان ده عالى وواطى فى الطنابير لما تيجى تغير تيل الفرامل المرة اللى جاية نمسحهم

:018a1d~146:

-

الموضوع: محتاج نصايحكم

LinkBack

أدوات الموضوع

عرض

محتاج نصايحكم - انشر الموضوع فى :

-

-

-

-

المواضيع المتشابهه

لسه جايب عربيه قريب (مستعمله ) محتاج نصايحكم

مسافر بالفلوانس و محتاج نصايحكم

مسافر الحج و محتاج نصايحكم

ناوى اشترى فيليشيا مستعملة و محتاج نصايحكم

شكلى هاجيب used VTI Civic 96 محتاج نصايحكم

الكلمات الدلالية لهذا الموضوع

المفضلات

المفضلات

ضوابط المشاركة