علاقة مشط الاسبراتير الالكتروني وكهربة السيارة

**أحمد جودة** · 22-10-2012 10:15 AM

السلام عليكم ورحمة الله وبركاتة

مش هطول عليكو من يومين كنت راجع من طريق السويس فى إتجاة القاهرة وأنا ساكن فى حلوان

العربية عطلت عند زهراء المعادي المهم ربنا اكرمني واقدرت أحدد العطل كان فى المشط الالكتروني بتاع الاسبراتير

وللاسف دي المرة التانية خلال شهرين المشط يتحرق

المهم رجعت لمحل قطع الغيار وقولتلو أنا شاري منك المشط ماكملش شهر قاللي غريبة أنك أول واحد يشتكي منه

وقاللي جايز الكهرباء عندك فى العربية بتحرق المشط

هل الكلام دة ممكن يبقي صحيح

مع العلم المشط نوعة فيكا أنا أعتقد أنه صيني بس مكتوب على العلبة أنه تركي وسعرة 80 جنية

ياريت لو حد عندة معلومة أكون شاكر ليكو وياتري المشط الاستيراد أفضل واجيبة منين وسعرة كام

واسف على الاطالة

تقبلو تحياتي

**sakr_skoda** · 22-10-2012 05:47 PM

فعلا غريبة المشط يتحرق بالسرعة دة انا عملها معايا مره واحده اول لما اشتريت العربية وديتها المغسلة ودخلت مية على العلبة بتاعت العربية الأصلية واتحرقت وروحت اشتريط مشط بلاطه ب 100 جنية وشغال زى الفل وصناعة صينى....

ممكن فعلا يكون فى مشكلة عندك فى كهربة السياره....

**sakr_skoda** · 23-10-2012 07:15 PM

المشاركة الأصلية كتبت بواسطة mostafa.ramdan

يعنى ايه مشط الاسبراتير ؟؟

وظيفة المشط هى بكل بساطه تثبيت الجهد الكهربائى بياخد كهربته من الموبينه ويعطيها للأسبرتير ويعتر وحده اساسيه فى تشغيل السيارة وبدونه الموتور لا يعمل ....*