تبخير زيت في موتور النترا 2005

**kgawish** · 22-10-2012 03:04 PM

انا اشتريت النترا 2005 من 4 شهور وكشفت عليها في مركز خدمه وقالوا انها تمام والموتور شغال بنسبة 85% والحالة العامة للعربية كانت ممتازة والعداد كان 63000 كم (شكله كده ملعوب فيه واللي باعهالي الله لا يسامحه لبسني العربية)
المهم من حوالي اسبوعين لاحظت ان الزيت ناقص جامد لما جيت اكشف عليه وبصراحة انا كنت متأخر حوالي 1500 كم عن ميعاد الغيار (مقاس الزيت كان تحت حرف l والعربية باردة)
روحت النهاردة لتوكيل هيونداي عندنا في اسكندرية بعد الكشف قالولي الموتور عاوز عمرة
انا بصراحة مش عارف اعمل ايه؟؟؟!!!! فيه ناس بتقولي بتوع التوكيل دول نصابين
وناس بتقولي اروح لحد تاني يشوفها
يا ريت لو حد عنده خبرة في المواضيع دي ينصحني برأية
ونصيحة لأي حد بيشتري مستعمل انه يروح يكشف عليها في التوكيل علشان ماينضحكش عليه زيي :( ;(

**حماده المصري** · 22-10-2012 03:41 PM

مقاس الزيت ملوش دعوه ببارده او سخنه لازم تبقى العربيه مش دايره ولو دايره تبطلها وتستنى 5 دقايق عشان القياس يطلع صحيح

اعتقد انه معظم العربيات خصوصا في الاستخدام القاسي بيحصل تبخر في الزيت بس مش بنسبه كبيره جدا

حضرتك الي تعمله تحط زيت شل 10000 وتجرب لحد ال 5 الف لو لقيت تبخر جامد اوي فوق ال 1 لتر او 2 لتر تبقى فعلا في مشكله

**SAMEH_FOUAD** · 22-10-2012 03:58 PM

روح عند اى بنزينة محترمة وقولة عايز اعمل كبس ماتور , وخلية يطلعهولك بالنسبة المؤية لكل بستم

لو اقل من 73% يبقى كدة الماتور خفيف فعلا

وانت واقف خلى حد يكبس بنزين لحد مثلا 5 الاف rmp ويشوف هل فى دخان ازرق هيطلع , وتشوف خرطوم الفايظ هل فية زيت , تحت فلتر الهواء هل تحتية زيت

واولا واخيرا اتأكد قبل ماتعمل اى حاجة , ان المحرك مافيش فية تسريب من اى مكان وخصوصا ( اولسية الكرنك ) ( جوان الكارتيرة - طبة الكارتيرة ) دول اكتر ثلاث حاجات بيخلوا الزيت يتشفط

**bakkarahmed** · 23-10-2012 04:31 AM

اكشف عليها تاني
وان شاء الله خير وكويس انها جت علي كده ..ارحم من العين ...المهم انك بخير

**mohammed adel** · 23-10-2012 05:51 AM

يا استاذ بكار اخبار حضرتك ايه يا ابو المفهومية؟ كنت عايز اسأل عن نظام تغيير سير الكاتينة كل قد ايه والتكلفة كام ولا مش بيتغير الا عند وجود علامات معينة تدل على تغييرة عالشان فيه ناس بتقوللى لازم يتغير عالشان ممكن يتقطع لاقدر الله وتبقى مشكلة كبيرة (النترا 2009 خليجى اوتوماتيك) شكراااااااااااااااااااااا اااا جزيلااااااااااااااااااااا ااااااااااااااااااااااااا ااااااااااااااااااا

**SAMEH_FOUAD** · 23-10-2012 12:25 PM

الالنترا 2009 السير بتاعها جنزير

وبيتم تغيرة كامل عند 140 الف كيلو

**khaled_legend** · 23-10-2012 08:02 PM

المشاركة الأصلية كتبت بواسطة semsem kane

روح عند اى بنزينة محترمة وقولة عايز اعمل كبس ماتور , وخلية يطلعهولك بالنسبة المؤية لكل بستم

لو اقل من 73% يبقى كدة الماتور خفيف فعلا

وانت واقف خلى حد يكبس بنزين لحد مثلا 5 الاف rmp ويشوف هل فى دخان ازرق هيطلع , وتشوف خرطوم الفايظ هل فية زيت , تحت فلتر الهواء هل تحتية زيت

واولا واخيرا اتأكد قبل ماتعمل اى حاجة , ان المحرك مافيش فية تسريب من اى مكان وخصوصا ( اولسية الكرنك ) ( جوان الكارتيرة - طبة الكارتيرة ) دول اكتر ثلاث حاجات بيخلوا الزيت يتشفط

+1