تحويل صنى 2013 من EX الى Suoer Salone

**dr_hassan1eg** · 22-10-2012 05:17 PM

السلام عليكم
طبعا كلنا ملاك الصنى 2013 ما صدقنا اننا استلمناها اساسا بعد طول فترات الحجز والانتظار
ورغم اننا كنا عارفين طبعا انه هينزل السوبر صالون فى شهر اكتوبر لكن كان صعب ننتظر المده دى كلها - ولسه كمان مده حجز السوبر صالون
المهم
.
.
مبروك نزل والسوبر صالون والحمد لله اووووووووووووى ان الفرق بينها وبين اللى قبلها مفيهاش اى شئ اساسى ولا حتى فتحة السقف لان هى دى الحاجات اللى مكنش ينفع تركب فى العربية

انا شايف ان كل الفرق بالكااااااااااااااااااااا ااااااامل ممكن تركب فى العربية الاى اكس بما فيها الجنوط او السبويلر او المرايات او غيرة وعرفش موضوع البلوتوث او الطارة المالتى فنكشم بس اعتقد انها مش صعبه وممكن تغيرها

انا عاوز اعرف بقى تكلفة تغيير الحاجات دى وان كنت اعتقد انها متوصلش لل 10 الاف الفرق بينهم وخصوصا ان الكاوتش لسه زى ما هو الصينى الحقير ماكسس وده كان هيفرق كتير فى السعر

لو حد من الصقور عنده فكرة عن التحويل من فئة EX الى super يا ريت يفيدنا

**hossam_elwani** · 22-10-2012 05:42 PM

كله ممكن الا الجنوط حتلاقى سعر الجنط لوحده فى التوكيل بيعدى الــ 2000 جنيه الحل هو الانتظار لحد ماينزل استعمال او انك تركب جنوط نيسان ليفينا اصليه استعمال وشكلها احلى بكتير من جنوط السوبر صالون وكمان نفس الابعاد

زى دى كده

وعلى فكره القماش الى فى الابواب صعب كمان انه يتعمل

تحياتى

**the_air_devil** · 22-10-2012 05:54 PM

مبدأياً ... إليكم الحل المصري للتعامل مع تلك الأزمات :)

1- العربية مافيهاش ام بي ثري ... اشتريت ام بي ثري موديليتور بـ 30 جنيه وشغال حلاوة :)

2- العربية مافيهاش بلو توث ... عندي هاندس فري كيت من نوكيا وكانت بـ 45 جنيه :)

3- القماش في الأبواب سهل يتوسخ وصعب يتنضف ... لو كانت جلد تبقى أفضل وتقدر تعملها عند حد بتاع فرش متخصص

4- الاسبويلر... أحد الأعضاء الكرام كان راح عمل واحد في الحرفيين وكان شكله تحفة أحلى من اللي نازل فيها أساساً :)

5- المرايات الضم ... مش فاكر مين من الصقور كان عملها مرايات طيارة واتكلف 2000 جنيه, ضم على فوق مش للجنب , وكمان ذاتية التعتيم

6- ممكن كمان تعمل حاجة أحلى من الزجاج الملون الخلفي, انك تجيب ستارة كهربا وهاتكون في حدود 1000 جنيه, وقت ماتحتاج تعتيم الزجاج الخلفي لتفادي النور هاتقدر ...ووقت ماتحس انه هايسبب مشكلة تقفله "بضغطة زر واحدة" :)

7- الجنوط فعلاً زي ماقال أستاذ حسام هاتكون غالية ... لكن طالما هي نفس المقاس, هاتفرق معاك ايه غير الشكل؟ احنا نتكلم على جنوط رياضية تزود الثبات وتلحقك عالسرعات العالية وقت الطوارئ ...وفعلاً ان كنت محتاج دي يبقى لازم تدفع كتير ... وبصراحة بتفرق في ثبات العربية

8- نيجي للأهم ... هل فيه وحدات رفع ؟؟ هل فيه إنذار أصلي نزل فيها؟؟ الباركنج سينسور بيتركب بحوالي 400 جنيه ... يعني تحط كله على بعضه تلاقي نفسك تقدر تحولها لسوبر صالون في يوم واحد...طالما الفرق مش زي زمان , وقت ماكان الفرق بيشمل تابلوه أبانوس...وجنوط 16, وسي دي تشينجر ... وإي بي دي ... ووسادة هوائية زيادة, وعفشة رياضية !! وكان الفرق يستاهل بكل المقاييس

لكن إحقاقاً للحق ... الفروق شكلية إلى حد كبير, لكن فعلاً الجنوط ممكن لو جبتها من التوكيل تعمل فرق أكبر في الفلوس , يعني بالمختصر المفيد

لو انت محتاج الكماليات دي وهاتموت عليها, هات السوبر صالون

لو انت عملي ومش مهم بالنسبالك الشكليات وتقدر تتحايل , ومش بتفكر تركب جنوط في يوم من الأيام, هاتلك الموديل العادي...انا شايف الفرق الجوهري الوحيد هو الجنوط وبيفرق في التكلفة فعلاً

**a_bahaa14** · 22-10-2012 06:43 PM

راى محترم وعملى

**Bishoy.Girgis** · 22-10-2012 07:13 PM

معلش يا جماعة الفروقات بين المودلين لو هتشتريه من التوكيل هتلاقيه اكتر من 10000 جنيه بكتيييييييييييييييير .. يعني من غير ما أسأل كده هتلاقي 4 جنوط سبور لوحدها بـ 10000 جنيه
دي اسعار التوكيل في الاكسسوارات

**Youssef.Awad** · 22-10-2012 07:16 PM

المشاركة الأصلية كتبت بواسطة the_air_devil

لو انت محتاج الكماليات دي وهاتموت عليها, هات السوبر صالون

لو انت عملي ومش مهم بالنسبالك الشكليات وتقدر تتحايل , ومش بتفكر تركب جنوط في يوم من الأيام, هاتلك الموديل العادي...انا شايف الفرق الجوهري الوحيد هو الجنوط وبيفرق في التكلفة فعلاً

كلام مظبوط 100%
الاول والاخر زى موضوع الفرق بين الاتنين ايام الشكل القديم وكمان لما نزلوا هاي لاين بزيادة زجاج فاميه خلفى وفوانيس قدام وورا اسموك مع السوبر صالون العادية والex
والفرق كان برضه 10 الاف بين الاتنين والهايلاين ب103 ووصلت 105 الف ج

**Ahmed.TV** · 22-10-2012 08:00 PM

انا مع راى احمد بيه the air deil
ده الحل من الناحية العملية
لكن لو عايزين تركبوا نفس الكماليات بالظبط حيحصل كالاتى
اولا اذا كان ممكن تركيب نفس الكماليات السعر حيعدى الفرق ال10 الاف لان الجنوط الاسبور لوحدها الاصلية فى التوكيل مش اقل من 6000 الى 8000 جنيه وغالية طبعا انك تدفع فيها السعر ده .. وعلى فكرة اى جنوط سبور بتكون غالية فى التوكيل لاى براند سيارات مش فى نيسان بس
ثانيا زى ما قولتلك فى حاجات مش حتنفع تتركب .. زى الفاميه لانه مثبت على الرخصة والحل العملى زى ما قالوا الاعضاء ستائر .. وكمان المالتى فنكشن صعب جدا .. والا كان ملاك التيدا عملوا التغير ده ف عربياتهم الفاضية اول فئة .. وكمان الفيبر اللى فى الجنب الباب صعب يكون قماش .. مع ان من رائى بفضل القماش لانه بيعطى فخامة .. لكن من الناحية العملية الفيبر احلى ..
ثالثا الاوكر النواكل ممكن تتوفر مستقبلا .. واللى عايز اوكر قولوا وجمعوا بعضكم وانا اجبلكم اوكر نواكر ونواكل فى الباب عند الزجاج
رابعا مريات الضم .. صعب توافراها .. وحاولنا كتير نجبها استيراد من الحرفين فى الشكل القديم ومنفعش عشان نظام الكهرباء بتعها نازل للعربيات الدريسكيون فيها يمين حاجة كدا .. وده كان رد الاعضاء فيها .. ولكن ممكن للعربية دى قدام يتوفر .. وتجيب المرايا الضم وزرارها وتركبه او تعمله فى التوكيل اذا ممكن .. بس عشان تبقا عارف المرايا الضم سعرها غالى اعتقد حيعدى 1000 جنيه والله اعلم
خامسا بصراحة ارضى بالنصيب يرتاح الحبيب .. وكل واحد بياخد نصيبه .. والحاجات الزيادة اللى فى العربية بصراحة تستاهل تمنها .. وخصوصا العدادت
اه صحيح الاسبويلر ممكن يتعمل بره التوكيل سهل جدا .. وحيكون اقل من 500 جنيه فى حدود 250 جنيه او 300 جنيه بالكتير لو معمول نظيف .. اما لو من التوكيل واصلى .. يبقا مش حيقل عن 600 جنيه ومش حيزيد عن 900 جنيه والله اعلم

تحياتى

**dodyam** · 22-10-2012 10:40 PM

هههههههه واضح ان كلنا بنفكر زى بعض و على نفس الموجة
أنا كنت قاعد بقالى شوية حلوين بأكتب المشاركة اللى طلبتها منى يا أحمد فى موضوع مرسل الى نيسان و ضفت فى المشاركة تقريبا المعنى العام للكلام اللى انتم بتقولوه

بس اقول حاجة ان التابلوه مصمم بشكل واحد لجميع الفئات
يعنى مكان زرار مرايات الضم موجود عندى فى الـ Ex
والأستاذ حاتم كان لفت نظرى لدايرتين صغيرين فى التابوه أدام الدريكسيون فى الآخر قبل الزجاج الأمامى و دول خاصين بالانذار
حتى عندى فى الدريكسيون فى مكان للمالتى فنكشن واضح فهل ده ممكن يسهل تركيبه

ولو طلعنا موضوع الجنوط و شرائه من التوكيل وكنت عاوز اركب التالى
السبويلر الخلفى / المالتى فنكشن / تطعيمات الكروم و النواكل الداخلية / وحدات رفع
تعمل القصة دى فى حدود كام ؟

-

الموضوع: تحويل صنى 2013 من EX الى Suoer Salone

LinkBack

أدوات الموضوع

عرض

-

-

-

-

المواضيع المتشابهه

نيسان بلوبيرد (جميع الكماليات) 2013 ولا استرا سيدان كوزمو 2013

نيسان بلوبيرد (جميع الكماليات) 2013 ولا استرا سيدان كوزمو 2013

مقارنة بالفيديو بين فورد موستانج 2013 و هيونداى جينيسيس كوبيه 2013

هيونداى جينيسيس كوبيه 2013 الجديدة New Hyundai Genesis Coupe 2013

الكلمات الدلالية لهذا الموضوع

المفضلات

المفضلات

ضوابط المشاركة