لغز اسمة شادو

**hanycapoo** · 23-10-2012 05:34 PM

كل سنة وانتو طيبين يا معلميين وعيد مبارك انا داخل فى دماغى هوندا شادو ٤٠٠ المهم سالت ناس قالولى هتزهق منة بسرعة وقطع الغيار بتاعتة غالية وهاتللك سكوتر احسن واكسسواراتةغالية وناس تانية قالتلى حلو وبداية كويسة فقلت اسال البايكرز هنا هما اللى هيدلونى على الصح سؤال تانى هوفعلا البايك الافراج بيبقى احسن من المترخص وياترى اشترية منين وشكرا لتعبكم

**ztx** · 23-10-2012 08:58 PM

شادو 400 عيبه انه 4غيارات

وعلي فكرة توقعيك جميل جدا ومعبر .

**hanycapoo** · 23-10-2012 09:22 PM

شكرا ياباشا يعنى هو والا الاسكوتر

**alfath8** · 23-10-2012 10:22 PM

اهلا بيك معانا الاول
انتا عامل ميزانية كام اصلا للبايك ومحتاجه لمسافات اد ايه ودى اول مرة تسوق ولا ليك خبرة بعد ما ترد على الاسئلة نجاوبك على طول

**GMC** · 24-10-2012 02:08 AM

مقارنه غريبه شادو ب اسكوتر

اكيد شادو يعني لو متوفر المبلغ

اسكوتر اساسا الي الناس مش عارفها ان الاسكوتر والفيزبا ديه

كانت بتتعمل عشان يركبها العيال الصغيره والبنات او لو شخص بيبقى في طريق داخلي صغير

غير كده ملوش لازمه اساسا

هات شادو وقطع غياره موجوده ومش غاليه البايك معمر جدا وفين وفين لو انت محافظ عليه لما تبوظ حاجه

**karembob** · 24-10-2012 02:11 PM

مين قال كدة ان الشادو تزهق منه بسرعة دي من اجمل الكروزات
وركوبة ومعمرة وقطع الغيار بتعتها موجودة وكفاية انها مش كل شوية تجريك علي المكانيكي
يا استاذ محمد مين قلك ان الشادو ٤ غيار دا كلام مش صحيح

**Hesham94** · 25-10-2012 10:22 PM

الشادو 5 غيار

ال 4 غيار دا الاستييد 600

و كريم جاب م الاخر

**hanycapoo** · 01-11-2012 01:13 AM

شكرا يا جماعة على الرد انا كنت عايز اجيب الشادو بس خوفونى منة ومن تقلة ومن انى لو وقعت بية لاقدر الله التبهدل لانة تقيل ففكرت فى الاسكوتر خصوصا ان فية اشكال وموديلات حلوة فية وكمان خفيف وانا مشاويرى مش كتير من البت للشغل فقط وعندى عربيتى لو حبيت اضرب مشوار كبير فعشان كدة فكر ت فى الاسكوتر لقيت فى ماركة جديدة اسمها egos على النت الجديد منه ال350 cc بحوالى 15 الف بس مقلق عشان ضمانة ٦ اشهر بس

**zoom2zoom** · 05-11-2012 10:53 AM

انا عايز اوضح نقطه مهمه جدا في موضوع البايك الافراج والمرخصه ....الناس كلها فاكره ان الافراج ده جديد وزيرو ده طبعا مش صحيح دي استعمال خارج وفي بايكات مرخصه حالتها بتبقي احسن وفي افراج بتيجي متخبطه ومتبهدله
بايك اي كان نوعه او موديله = حاله