استفسار بخصوص سيارات المعاقين

**bekatcho** · 25-10-2012 02:05 AM

انا بدور على عربية مستعملة من مدة
ومش لاقى حاجة كويسة
ويوم ما بلاقى حاجة بتتباع قبل ما اخلص فيها :)
فقرى بقى

المهم قريت موضوع من شوية عن واحد بيسال عن فك الحظر
فكنت عايز اسال انا ليا واحد صحبى عندة اعاقة فى ايدية
فلو حبيت اجيب سيارة معاقين باسمة
اية الاجراءات ؟
والموضوع هيبقى مفيد وفية افادة ليا عن السيارات العادية ولا لا؟
عايز معلومات شاملة عن الموضوع دة بعد اذنكم

**mahmoudysf** · 25-10-2012 02:08 AM

ابعد عن الموضوع ده كله مشاكل
ومغامرة مش محسوبة

**ملك فرنا** · 25-10-2012 07:38 AM

لو صحبك صقة اوى خش بقلب جامد
واسعرها جميلة جدا

**bekatcho** · 26-10-2012 02:35 AM

هو 90% ثقة
لاننا متربين مع بعض من واحنا اطفال واهلة حبايبى

**bekatcho** · 26-10-2012 02:37 AM

المشاركة الأصلية كتبت بواسطة mahmoudysf

ابعد عن الموضوع ده كله مشاكل
ومغامرة مش محسوبة

ممكن توضحلى اكتر

**mahmoudysf** · 26-10-2012 02:41 AM

المشاركة الأصلية كتبت بواسطة ملك فرنا

لو صحبك صقة اوى خش بقلب جامد
واسعرها جميلة جدا

المشاركة الأصلية كتبت بواسطة bekatcho

ممكن توضحلى اكتر

الموضوع مش حكاية ان صاحبك ثقة
العربية معرضة انها تتصادر منك
وهتبقى راكبها وانت مرعوب

**bekatcho** · 26-10-2012 02:47 AM

ازاى؟ مش هبقى ماشى بتوكيل منة؟

**mahmoudysf** · 26-10-2012 03:06 AM

لا اظاهر انك فاهم غلط
العربية بيبقى عليها حظر بيع لمدة 5 سنين
بس ممكن يتفك بعد 3 سنين بعد دفع حوالي 10 الاف جنية
العربية بتترخص باسم صاحبها
وبيكتب فيها ممنوع القيادة لغير مالكها
والعربية ما ينفعش فيها توكيلات