الموضوع: شويه استفسارات عن الفرنا

انا لسه جايب من كام يوم فرنا 2008 و كان ليا شويه استفسارات
اولا انا سقت اكتر من عربيه انجكشن قبل كده و طريقه التدوير واحده بفتح كونتاكت ثوانى بعد كده بدور عادى بتدور من عير مادوس بنزين انما الفرنا لازم سنه بنزين و انا بدور و غير كده مش هتدور يا ترى ده العادى بتاعها و لا كده فى مشكله و لو مشكله تبقى ممكن ايه ؟
ثانيا حصلت معايا مشكله من يومين قطاش االبطاريه اتفك و العربيه ماشيه و من بعدها عداد البنزين مبقاش شغال و رحت للكهربائى قالى انو كده امبير البنزين اتحرق بس لقيت امبارح العداد اشتغل لوحده تانى و الله اعلم هيفضل شغال ولا هيفصل تانى فعاوز اعرف العيب فين ؟
ثالثا و انا بدور العربيه لو فاتح النور و مشغل الكاسيت بلاقى البطاريه بحسها ضعيفه و النور بيطفى لغايه العربيه متدور انما لو الكلام ده مطفى بتدور عادى جدا و من غير اى ضعف من البطاريه ده عيب بطاريه و لا حاجه فى العربيه ؟
رابعا عندى عداد السرعه مش شغال و لما رحت للكهربائى غيرت كل الفيوزات و داس على الفيشه بتاعه العداد بعدها بكام ساعه اشتغل شويه و رجع فصل تانى فده ممكن يكون ايه السبب ؟

خامسا و اخيرا عندى التكيف لما بشغله بيعمل صوت تزييق جامد فالناس بتقول دى بليه و انا لسه مرحتش لبتاع التكييف فكنت عاوز اعرف ايه اللى ممكن يعمل الصوت ده و لو فعلا بليه دى بتتغير و لا الكمبريسور بيتغير كلو ولا ايه