الموضوع: تغير زيت الفرامل هل ليه ضرر على الماستر والكاوتشات ؟؟؟

المشاركة الأصلية كتبت بواسطة Axel

تغيير زيت الفرامل اساسا بيتم للمحافظة ع دورة الفرامل و الكفائة
و انصحك لو العربية ينصح لها دوت 3 يبقي متحطش غير دوت 3 لو ينصح دوت 4 يبقي متحطش غير دوت 4

الميكانيكية عندهم حاجة غريبة في التفكير و هي ان زيت االفرامل و الفتيس و مية الريداتير مبتغيروش ابدا بتوع الفبريكة لكن بيتزودوا ده الذكاء الخارق بتاعهم و لكن ده غير صحيح و فيه منهم عشان يكبر دماغه يقول لأ لأن لازم ينزل من كل عجلة و ينضف العلبة فوق وبعدين يملي و ينزل من كل عجلة عشان الدورة تنضف و بعدين يملي و يفضل الهوا


زيت الفرامل بيتغير كل سنتين - 3 سنين بالكتيير نظرا لأنه بيفقد خواصه مع الوقت و بيلم شوائب و ده بيأثر ع دورة الفرامل و ممكن يحصل سدد او متاخدش الاداء الطبيعي و ديه فرامل مش لعبة
فبتنزل الزيت القديم كله و تنضف الخزان و بعدين تنزل الزيت من كل عجلة عشان ينضف الدورة يعني حوالي 500 ملم كفلاش للدورة و بعدين تملي تاني و العربية غالبا بتاخد 400-750 ملم زيت فرامل
و الزيت لو نقص يعني شئ من الاتنين اما فيه تسريب اما التيل خلاص محتاج يتغير


اما نقطة فيه مشكلة في الفرامل ممكن يكون فيه حاجة في الماستر او التيل مش كويس

بخصوص زيت الفتيس اللي يقولك الفبريكة ميتغيرش ده تفكيرهم ده اللي بيقصف عمر الفتيس اولا الزيت اللي بيجي المفروض يغير عالطول في اول صيانة عشان الرايش و فيه ناس مبيتغيرش كل واحد و دماغه
المفروض زيت الفتيس يتغير في الظروف العادية كل 50-60 الف لكن في الظروف القاسية كبيره 30-40 الف و ممكن اقل
التغير مبيتمش لأن الزيت بيفقد خواصه و لكن بيتم لأن بينزل رايش الطبة بتاعت الفتيس المفروض فيها مغناطيس يشد الرايش ده لكن مع كتره بيعوم في الزيت و يدخل بين الاجزاء المتحركة و ده بيأثر بالسلب طبعا
فلذلك بيتم تغيير الزيت

مية الريداتير كذلك مش عشان خواص فقط لكن عشان الشوائب و اكبر دليل ع وجود الشوائب لون المية في القربة و لو الحالة اتدهورت هتلاقي زي طينة في قاع القربة و المية بقي لونها بني محمر

بلاش سيبك من كلامي
اكيد المصنعيين مش كاتبيين الكلام ده في دليل العربية من باب المنظرة و التنطيط ع الملاك ههههههه
زي الميكانيكي لما يشيل قطعة منا لعربية و يقولك ملهاش لازمة طب لو ملهاش لازمة المصنعيين حطوها ليه عشان يكلفوا نفسهم فلوس اكتر ؟؟؟ ده بالعكس يهمهم اقل تكلفة ممكنة مع جودة لكن الميكانيكي بيبقي عايز ياخد القطعة ديه سواء يحطها في اي عربية بتجيله و يعمل واجب مع المعارف او لو متركبش اهو بيعدي عليه واحد كل اسبوع بيتشري منه الحديد بالكيلو و الباشا يكسب ع قفا الزبون و نصيحة متفرطش في اي قطعة فبريكة عشان تشتري عليها

Axel

تمام يعنى التغيير مش حيضر المساتر والجلد
والكتالوج كاتب do4 بس انا معرفش اللى فيها dot3 ولا 4 فخايف يكون 3 احط 4 الدنيا تبوظ عشان قرأت فى موضوع سابق هنا ان التغير من 3 ل 4 بيبوظ الدنيا والله اعلم

المشاركة الأصلية كتبت بواسطة eng.geo

عظيمة يا مصر يا أرض اللوا

ههههههههه يارتها جت على كده بس ده فيه حجات تانيه حصلتلى من مكانيكيه اللى ينتقم منهم ده ده كده ابسط موقف :))

نفس اللي قالهولي الميكانيكي
لما قولتلة نغير زيت الفرامل
قالي هيضر ووممكن الجلد والمساتر يبوظو
بس انا مقتنعتش طبعا

المشاركة الأصلية كتبت بواسطة mahmoudysf

نفس اللي قالهولي الميكانيكي
لما قولتلة نغير زيت الفرامل
قالي هيضر ووممكن الجلد والمساتر يبوظو
بس انا مقتنعتش طبعا

طب ما اكيد فيه سر ورا الموضوع ده عشان المكانيكيه يبقو مقتنعين بكده