كورولا 2013 ام لانسر يومه 2013 وهل تستحق الكورولا فرق ال30+ ألف

**amr-osama** · 26-10-2012 04:52 PM

السلام عليكم

انا حاطت الموضوع دا عشان ناوي ان شاء الله اجيب عربيه جديده خلال اسبوعين او 3 اذا شاء الرحمن .

- مش عارف ابدأ منين بس الوالد ان شاء الله ناوي يجيب عربيه وهو عايزها تكون حاجه ياباني عشان هو مقتنع بيها اكتر .. ورافض الكوري تماما ..
- طبعا شوفنا وانحسر الخيار بين اللانسر بومه 2013 هاي لين والكورولا 2013 هاي لين ..
- الوالد عايز يجيب اللانسر لعدة اسباب ( هنقولها ) وانا طبعا عايز الكورولا ..
- طبعا هو من النوع الي اهم حاجه عندو الاعتماديه والعربيه تكون كويسه .. ودي طبعا حاجه مشتركه في العربيتين .. وميفرقش معاه الشكل وكدا ..
- طبعا قعدنا كدا قعده وبدء النقاش هو بيقول اللانسر من وجهة نظره شايفها احسن وسعرها كويس بالنسبه للكورولا عشان فرق ال30 الف واكتر .. مسكنا حاجه حاجه وبدانا نشوف انهي احسن ..

1- الموتور: طبعا الكورولا افضل ..
2- العافشه: الاتنين عفشتهم كويسه ..
3- الوسع : الاتنين واسعين بردو ..
4- الاعطال وعمر العربيتين : الاتنين جيدين جدا والكورولا افضل قليلا ..
5- قطع الغيار : طبعا اللانسر افضل ..وأي حد ممكن يشتغل فيها وبمبالغ قليله جدا بالنسبه للكورولا
6- سعر اعادة البيع : بردو اللانسر ..
7- الثبات : من اللي سمعتو ان اللانسر افضل وفي ناس بتشتكي من ثبات الكورولا مع العلم يعني ان سرعتنا عمرها ما هتزيد عن 140 او 150 يوم مندوس جامد اوي ..
وحجات تانيه عشان منطولش ..
- عموما طلعنا ان الاخر ان الكورولا افضل في المتور والشكل نسبيا ..
انا حاولت اجيب من هنا من هنا قمت قايلو طبعا اللانسر مفهاش كماليات خالص عكس الكورولا قام قايلي ايه الي يفرق .. قمت ساكت كدا ثواني وببص لقيت ان العربيتين تقريبا يفتقروا للكماليات جدا .. وشكل التابلو الاتنين سيئين بصراحه مع افضليه للكورولا شويه ..
وهو عندو اعتراض في الكورولا ان الفوانيس بتاعتها طالعه لبره وده بيزود نسبة تعرضها للكسر في اقل خبطات .. ( عايز بصراحه الخبراء يفيدوني في الحكايه دي ) ..

فهو قالي لو عايز اجيب الكورولا اقنعو بحاجه فعلا يقتنع بيها بصراحه انا ملقتش حاجات كتير غير الشكل ( مع انو مش شبابي أوي ) والموتور والبرستيييج انك راكب تويوتا ..

وهو طبعا الشكل ميفرقش معاه والبرستيج ميفرقش معاه .. وبقي الموتور بس ..
فانا عايز حد يقنعني انا اولا هل فعلا الكورولا تستحق فارق ال30 ألف ولا لأ .. وبعدين ابقى اقنع الوالد بيها ..
والمشكله اني سمعت ان الكورولا هتتغير للشكل الجديد في موديل 2014 .. ودا طبعا هتبقى حاجه سلبيه عشان هيأثر في سعر اعادة البيع وهنحس العربيه قدمت بسرعه ..

وشكرا وآسف لو طولت عليكم .. وياريت لو حد عندو رأي يقولي ..

**Mohyeldin1974** · 26-10-2012 05:13 PM

فى رايى الشخصى والله اعلم
الشكل: بالنسبة للكورولا افضل لان اللانسر بتنزل الموديل ده من ايام فحت البحر بدون تغيير مع العلم ان شكل الكورولا مهواش واو يعنى وموضع الفانوس ده عندك حق فيه غير ان البلد الوحديه اللى لسه بينزل فيها شكل اللانسر ه هو مصر واعتقد 2014 كله هيغير شكل تمام وابتدت بشاير اشكال الكورولا تبان
الاعتماديه: الكورولا
التوكيل:الكورولا
الصيانه: الاتنين منتشرين بين الصنايعيه ومعروفين جدا
السعر: اللانسر ارخص
اعادة بيع: الاتنين هوا وانت واقف
الثبات:اعتقد موضوع الثبات ده كان مشكله فى الموديلات القديمه فى الكورولا بس دلوقتى احسن بحكم عرض العربيه والايروديناميكس الجديد
الشكل الداخلى: اعتقد اللانسر
الاوبشنز:اعتقد واحده
برستيج: الكورولا

بصفه عامه انا فى نفس موقفك تقريبا وقراراى هيكون الكورولا وان عاصر على نفسى لمونه لسبب ان الواحد زمان كان بيجيب الكورولا بدون تفكير وبدون منافس بس دلوقتى الهاى لاين ب170 تقريبا وده مبلغ كتييير اوى عليها ودخلتها فى منافسه مع بعض الفئات الاخرى زى الاوكتافيا اللى بتبتدى ب 173 تقربيا....والله اعلم

**Hosam_Optrawy** · 26-10-2012 06:51 PM

طب ليه مفكرتوش فى الشارك ؟ انا شايف انها الحل الوسط مادام مش عايزين غير يابانى

وبتمن الكورولا اول فئه 155 تجيب شارك كامله ب 150 او 158

لكن بصراحه ولا الكورولا ولا البومه يتدفع فيهم الارقام دى

**amr-osama** · 26-10-2012 09:04 PM

استاذ محي الدين ..

انا معاك في الكلام دا .. وبصراحه انا العربيه عايزها تكون بجنوك وفتحة سقف او على الاقل جنوط بس .. ودا مش هلاقيه في الاوكتافيا اول فئه ( معرفش هل تفكيري صحييح ولا غلط ) ..
ومش عارف هل هيوافق على الاوكتافيا اصلا ام لأ ..

**amr-osama** · 26-10-2012 09:07 PM

المشاركة الأصلية كتبت بواسطة hosam_optrawy

طب ليه مفكرتوش فى الشارك ؟ انا شايف انها الحل الوسط مادام مش عايزين غير يابانى

وبتمن الكورولا اول فئه 155 تجيب شارك كامله ب 150 او 158

لكن بصراحه ولا الكورولا ولا البومه يتدفع فيهم الارقام دى

الشارك سمعنا عنها كلام كتيير مش حلو بصراحه .. غير قطع غيارها الغالي جدا وسعر اعادة البيع مش قد كدا ..

**amr-osama** · 26-10-2012 09:11 PM

المشاركة الأصلية كتبت بواسطة seso100100

انصحك تبعد عن الكورولا لأن سيارة فقيرة فى الامكانيات و مملة فى قيادتها و ضيقة من الداخل و المشكلة الكبيرة انها غير ثابتة
انا كان معايا تويوتا 2011 اول اليابانى ما نزل تانى الهاى لاين و ما صدقت انى خلصت منها و انصحك بالفلونس هاى لاين ب 150 الف و كمالياتها هايلة او بسكودا فانتازيا ب 173 و سعرها قريب من التويوتا لكن عربية جميلة و مستوى اخر من العربيات افضل بكتير من التويوتا

انا اقترحت عليه الفلونس لقيتو رافض تماما ليها .. عشان قطع الغياؤ وسعر اعادة البيع بردو .. والغريب انو موافق على البيجو ( مع انها تقريبا نفس الرينو في كل حاجه ) بس انا معرفش حاجه فيها .. فهو عقليته متحجره على الياباني عشان عايش في السعوديه واغلب العربيات الي هناك ياباني بس طبعا حاجات اعلى من الي هنا فمش عارف المعاناه الي بنعانيها هنا زز :b4_237:

**Eng.Geo** · 26-10-2012 10:25 PM

مادفعش في الأتنين الأرقام ده
عربيات فقيرة جدا
عايزك تاخد بالك من نقطة مهمة جدا لو الموضوع محصور بين العربيتين
اللانسر طبعا هتبقي أعلي فئة أوتو
الأوتو سفاحة بنزين ... المانيوال كويسة
الكورولا أستهلاك بنزينها كويس جدا سواء مانيوال أو أوتو

**amr-osama** · 26-10-2012 10:39 PM

المشاركة الأصلية كتبت بواسطة Eng.Geo

مادفعش في الأتنين الأرقام ده
عربيات فقيرة جدا
عايزك تاخد بالك من نقطة مهمة جدا لو الموضوع محصور بين العربيتين
اللانسر طبعا هتبقي أعلي فئة أوتو
الأوتو سفاحة بنزين ... المانيوال كويسة
الكورولا أستهلاك بنزينها كويس جدا سواء مانيوال أو أوتو

غريبه .. انا اول مره اسمع الحكايه دي انا سألت ناس كتير وشوفت على النت لقيت ان استكلاكها للبنزين معقول .. فمعرش مدى صحة الكلام دا بصراحه ..

**Mohyeldin1974** · 26-10-2012 10:42 PM

المشاركة الأصلية كتبت بواسطة amr-osama

استاذ محي الدين ..

انا معاك في الكلام دا .. وبصراحه انا العربيه عايزها تكون بجنوك وفتحة سقف او على الاقل جنوط بس .. ودا مش هلاقيه في الاوكتافيا اول فئه ( معرفش هل تفكيري صحييح ولا غلط ) ..
ومش عارف هل هيوافق على الاوكتافيا اصلا ام لأ ..

اولا مقدرش ابدا اقول ان الكورولا فقيره وممله.....الخ مع كامل احترامى للاختلاف فى الراى بس فى نفس الوقت السعر غالى اوى على امكانيتها السعر ده مقابل الاسم فقط
وبالتالى انا اذا معايا المبلغ ده اكيد لازم ابص لمستوى من العربيات اعلى.
انا من العاشقين للكورولا بس فى نفس الوقت لازم احكم عقلى عشان الفلوس دى كتير
بالتالى بعد نصيحتى لك بصلاة الاستخاره ان تفكر فى الاوكتافيا اللى على قد فلوسك وتستغنى عن فتحة السقف ولما ربنا يكرمك بقرشين تجيب الجنوط من التوكيل اعتقد فى حدود 6000
هتلاقى اول فئة اوتوماتيك فيها كل اللى انت عاوزه ماعدا السقف والجنط
خلي والدك يشوفها ويقعد فيها وان شاء الله هو اللى هيصمم عليها وابقى عرفنى الاخبار