الموضوع: اشترى بومه ولا شارك ؟؟!

لو انتا من هواة الاقتناء و الركوبه طبعا الشارك من افضل العربيات اللى تركبها بلا منافس او منازع انا بقارن الشارك بالاوكتافيا و السيفك و ممكن الجيتا مش بالبومه رغم احترامى لها بردو بس انتا لو ركبت الاتنين و سقتهم هتعرف الفرق الشاسع بنفسك و هتندم انك عملت الموضوع دة مع كامل احترامى للبومه بردو السيارة الاولى فى مصر مبيعا و حبا للناس و خفه دم و اعتماديه ...........لكن لو بتحب تغير كل سنه و بتزها بسرعه هات البومه لما تيجى تبيع مش هتخسر كتيير و هتبيع على طول .... و على فكرة انا راكب المانى مش يابانى عشان متقلش انا متحيز لعربيه دون التانيه بس سافرت بالاتنين و عارف الفرق كويس على الطريق و على فكرة الشارك هتاخد وضعها اوى خلال السنتين الجايين و هتفرض نفسها على السوق .... انا افتكر الكريستاله اول ما نزلت كانت نفس القصه الناس خايفه منها و ما باعتش كتيير و متعرفتش اوى و انتشرت الا فى 2000 رغم نزولها فى 97 و كذلك البوما اول ما نزلت قالولك دا انجكشن يا عم ابعد عنها اليابانى فاشل فى الانجكشن و هيتعلمو فينا و قطع غيارها كذا و كذا .. النهاردة هى السيارة الاولى فى مصر مبيعا و سهوله صيانه فالشارك عايزة شويه صبر عشان تتعرف كويس ............. و الله الموفق

اعتقد ان الوبمه كشكل 2013 مش ضافه جديد او فرق ملحوظ عن الموديلات السابقه لها
لكن افضل الشارك وسعر اعادة البيع مش بينزل يعنى لان كل عربيه وليها ناسها
يعنى هتلاقى ناس بتدور على الشارك مستعمل بالاسم
وصدقنى طالما يبانى مش هتخسر كثير
لكن انا افضل الشارك بسبب التنكولوجيا والاوبشن الاعلى الى فيها
وكشكل كمان محترم وثورى هههه وعلى راى هيثم دبور لو عاوز تبقى لوكل ذى الناس الشعبينى اشترى البومه وانته مطمنين

صلى صلاة استخارة وتوكل على الله فى الى تهديه ليك

شـــارك

المشاركة الأصلية كتبت بواسطة kokobom

يا جماعه انا الحمد لله قررت انى هاشترى يابانى و بالاخص ميتسوبيشى إن شاء الله و محتااااار جدا بين البومه و الشارك و كتير بيقولولى سيبك من الشارك مع ان الفارق بينهم فى السعر قليل و الشارك شكلها احلى كتير بس الناس بتقولى ان البومه كعربيه تعيش احسن كتير و انها احسن فى وقت البيع !!!!!! محتاج حد يدينى المفيد عن كل واحده علشان اخد القرار :) .... اشكركم :)

انا رأيي توكل على الله واشتري شارك لان الشارك احسن بكتير جدا وتكنولوجي احدث من البومة وكمان سعر اعادة بيعها بقى كويس جدا وكل يوم سعرها بيعلى اكتر وكمان قطع غيارها بقت موجودة في كل حتة وبقيت بشوفها زيرو حاليا كتير جدا و سمعتها في السوق عليت جدا

اكيد شارك طبعا

شكرااااااااااااااااا لكل اللى شارك برأيه و واضح ان فيه اجماااع ما شاء الله :) :) :) ..