| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 25 1 2 3 4 5 6 11 ... الأخيرةالأخيرة
النتائج 1 إلى 10 من 242

  1. #1

    الصورة الرمزية عصام غنايم

    رقم العضوية : 20690

    تاريخ التسجيل : 30Sep2008

    المشاركات : 2,701

    النوع : ذكر

    الاقامة : دمياط

    السيارة: ماتريكس,اوبترا,سيراتو,ماتريكس,نيو اكسنت,كروز

    السيارة[2]: 128,127,126,fiat UNO,لانوس2

    دراجة بخارية: فيسبا,هاوجيانج صينى

    الحالة : عصام غنايم غير متواجد حالياً

    افتراضي المفيد فى عزل السياره الآكيد بالصور - Facebook Twitter whatsapp انشر الموضوع فى :

    hasad">

    موضوع العزل او تكتيم السياره يعتبر من اهم المواضيع اللى كتبتها وناس كتير طلبته منى وانا اتأخرت فيه شويه

    بس ده لأنه موضوع مهم وكان لازم اعده اعداد جيد ليخرج بالصوره اللتى اتمنى ان تفيد كل من يقرأه

    المهم

    نبدا موضوعنا

    بسم الله

    ايه اكتر حاجه بتفرق بين سياره وأخرى غير ارقام الآداء ؟

    جودة عزلها

    يعنى ايه ؟

    يعنى لو فرضنا انك روحت مشوار بسياره مرسيدس

    وروحت نفس المشوار بسياره شاهين ( مثلاٌ )

    هل احساسك بالطريق و الأصوات ودرجة الحراره هتبقى زى بعض ولا فى اختلاف ؟

    اكيد فى اختلاف

    المرسيدس هتسمع فيها صوت الهدوء حتى مع المطبات ومش هتحس بحرارة الجو

    اما فى الشاهين هتحس انك راكب منخل وماسك فى ايدك شخشيخه و انت قاعد فى فرن بلدى

    وهو ده فرق العزل

    علشان كده هنحاول مع بعض نرفع مستوى عزل عربياتنا من مستوى ( السيارات ال ---- ) الى مستوى ( السيارات الآلمانى )



    بسم الله

    لما نيجى نبداء فى عزل اى سياره لازم نشتغل فى اتجاهين

    1 العزل الخارجى

    ( تربيط عفشه - مراجعة الشكمان - تربيط مفصلات و كوالين الشنطه والكبوت - رش فجاواى وعتب السياره بالبلاك السائل )

    2 العزل الداخلى

    ( تربيط مفصلات وكوالين الأبواب - عزل الأبواب بالارمافلكس - عزل ارضية وأجناب السياره بالارمافلكس - عزل التابلوه - حقن فوم سائل وجاف فى جميع فراغات صاج السياره )

    كده احنا خلصنا الجزئ النظرى فى موضعنا



    نخش بقى على الجزء العملى

    بسم الله

    الخامات اللى هنحتاجها بالترتيب

    1 الفوم السائل

    بنجيبه من محل بيع مستلزمات صيانة التلاجات تصنيع هولاندى او سويدى الأنبوبه ب 40 جنيه وبنحتاج اربع انابيب للسياره

    ودى صورته





    2 الفوم الجاف

    وده اللى بيبقى فى ابواب التلاجات وبنجيبه من اى حد بيبيع مستلزمات تصليح التلاجات اللوح ب 20 جنيه تقريباٌ او من اى باب تلاجه قديمه ببلاش

    ودى صورته




    3 البلاك الرش الأيطالى

    وده بنجيبه من محل مستلزمات بويات السيارات الأنبوبه ب 25 جنيه وهنحتاج انبوبتين للسياره

    ودى صورته





    4 البلاك اللصق الأيطالى

    وده بنجيبه من محلات مستلزمات بويات السيارات الفرخ ب 50 جنيه




    5 بكرة لاصق ابيض ورقى عريض

    من عند محلات بويات السيارات هنحتاج بكره بخمسه جنيه


    6 الارما فليكس

    وده بنجيبه من محلات بيع قطع غيار التلاجات وده بيستخدم فى عزل غرف التبريد الكبيره لتلاجات الفاكهه والخضار وده بيبقى تخانات مختلفه ( 2 , 4 , 6 )مم وطبعاٌ كل تخانه ليها سعر هنشتغل بتخانة 4 مم ودى سعر المتر فى متر 17 جنيه


    معانا ادواتنا نبداء الشغل بقى


    العزل الخارجى


    1 تربيط العفشه

    طبعاٌ العفشه تكون سليمه فى الأساس ( ميبقاش فيها مساعد ضارب ولا جلبه مبوشه ) لأن الحاجات دى اكيد هتعمل اصوات مستديمه احنا فى غنا عنها

    هنروح اى مركز صيانه نرفع العربيه ونمر على كل مسمار فى بطن العربيه ونربطه كويس

    على فكره الصوره دى فى مركز الباشمهندس اسلام زميلنا فى المنتدى بالمنصوره





    بعد التربيط هنمر على كل مفصلات العفشه الكاوتش ونرشها زيت لتليين العفشه


    2 الشكمان

    والعربيه مرفوعه هنمسك الشكمان بأيدنا وهو بارد وهنهزه فى حدود حركته الى يمين ويسار وكمان الى الامام والخلف



    المفروض ميخبطش فى اى حاجه وميعملش صوت كمان طبعاٌ لو فيه اى مصدر صوت بنحدد مصدره ونعالجه


    3 تزبيط الشنطه

    هنيجى للشنطه ونفتحها ونقفله تانى المفروض يكون صوت قفلتها مكتوم طيب لو بتشخشخ نعمل ايه ؟

    1 هنفك النمره ونلزقها من ورا بدبل فيس ونربطها تانى كويس

    2 هنزيت كالون الشنطه ومفصلاتها واسياخها

    3 للشنطه صدادات كاوتش بتحدد قفلت الشنطه بنظبط ارتفاعها لأنها بتبقى لازقه
    غطاء الشنطه فى جسم السياره عند غلق الشنطه ودى اهم حاجه فى زبطة الشنطه

    4 هنحقن فراغ الشنطه اللى بين الصاج الداخلى والخارجى بفوم سائل





    4 تزبيط الكابوت

    1 هنزيت مفصالات وكالون الكابوت

    2 هنعيد على رباط الشبكه

    3 هنزبط صدادات الكابوت الكاوتش انه يقفل مكتوم وفى نفس الوقت يكون ملاصق
    ليهم ويكون ماشى مع اعلى نقطه من الرفرفين





    4 هنفك اللباد الأسود الخاص بالكابوت ( اللى معندوش يشتريه من اى تاجر استعمال ويركبه ) ونحقن فراغات عضم الكابوت بالفوم السائل

    مع مراعاة رفع الكابوت على خشبه من نصفه بالظبط قبل الحقن علشان ميتفتلش





    5 رش الفجاوى وعتب السياره

    هنغسل العربيه من تحت غسله كويسه اوى وبعدين وهى جافه
    هنروح لأى بوهيجى ونرفع العربيه بعد ما نحل الأربع فرد
    وهنسنفر باطن الفجاوى الأربعه بسنفره خشنه ونضفهم كويس اوى





    هنلصق اجناب ووش العربيه بالجرايد علشان مياخدوش دهان





    هنلزق اجزاء العفشه من جوه بالجرايد برده علشان متاخدش دهان





    هنجيب خرطوشة البلاك الرش الأيطالى ونركبها على مسدس البوهيجى ونرش الفجاوى والعتب من تحت للسياره اجمالاٌ طبقه تقيله وبعدين نسيبها تجف
    بعد ما تجف نرش طبقه تانيه تقيله ونتركها تجف غالباٌ هتبيتها عند البوهيجى علشان الرش يعضم قبل ما تحرك العربيه





    طبعاٌ كل ما سبق مينفعش يكون فى وجود اى بارومه فى بطن العربيه ( ولو موجوده ننضفها اول )

    وبكده نكون خلصنا الجزء الأول العزل الخارجى فى السياره



    نبدأ الجزء التانى

    بسم الله


    العزل الداخلى


    هنبدأ ب

    1 الأبواب

    هنحل فروشات الأربع ابواب ونعين حاجة كل باب فى كيس لوحده

    هنزيت كوالين البواب والأسياخ والمقابض من جوه





    هنجيب فرخ البلاك اللاصق و نقطعه اربع شرايح








    هنسخن الفرخ والباب قبل اللصق ب سشوار ساخن





    هنلزق شرائح البلاك عل صاج الأبواب الخارجى من الداخل





    واحنا بنلزق نراعى ان تكون الشريحه الملزوقه فى منتصف الفراغ الموجود فى الباب


    بعد كده هنسنفر النص السفلى من الأبواب وننضفه كويس بمسدس هواء

    ونجيب البلاك الرش ونركب الخرطوشه على مسدس البوهيجى ونرش النص السفلى
    من الأبواب طبقه خفيفه ونتركه لما يجف

    بعد ما يجف نرشه طبقه تانيه خفيفه برضه

    بعد كده هنجيب سيخ رفيع ونسلك مجارى خروج الماء فى كل باب ثلاثه ننضفهم
    كويس








    بعد البلاك ما ينشف تانى يوم

    هنقفل الأبواب

    طبعاٌ احنا شيلنا الفروخ البلاستيك البيضاء المبطنه للأبواب اول ما فكينا الفروشات
    هنستبدل الفروخ البلاستيك دى بفروخ ارما فليكس

    (( ال أرما فليكس بيكتم صوت قفلة الباب و بيمنع وصول اصوات الشارع و بيحسن صوت سماعات الأبواب و بيريح تكييف العربيه لأنه بيمنع خروج الهواء البارد من جوه لبره وبيمنع دخول الهواء الساخن من بره لجوه )) كله مميزات

    بعد ما نفصل ال أرما فليكس على الأبواب ونفتح للمقابض والسماعات








    نلصقه على صاج الأبواب











    بعد كده

    هنجيب الفروشات نفسها

    ونلزق عليها فضل الأرما فليكس نوزعها على فوارغ فرش الباب



    هنقفل فروشات الأبواب كما كانت

    ثم

    هنيجى على صابع كل باب اللى السقاطه بتقفل عليه




    ونلف عليه شيكرتون ( لفتين كفايه )





    ودى كفيله انها تكتم قفلة الباب كمان

    وكده الأبواب خلصت

    معاكم ابواب مرسيدس AMG دلوقتى

    اللى بعده


    2 عزل آوايم وعتب السياره


    هنحل الكنبه اللى ورا ضهر وقاعده

    هنشيل فرش الشنطه ونفضيها بالكامل

    هنحل فبر العربيه بالكامل ( شنطه وآوايم وعتب )








    هنجيب ال أرما فليكس ونقطعه شرايح ونلصقه على صاج السياره من الداخل بالكامل مع مراعاة التوزيع الجيد









    بعد كده

    هنلبس فى ايدينا جونتيات تقيله اوى من بتاعت العمال مش من بتاعت الدكاتره قبل ما نستخدم الفوم السائل

    ليه ؟؟

    علشان ده كان شكل ايدى لما ما ستخدمتش الجونتى بعد جميع محاولات الغسيل بجميع انواع المنظفات من الصابون وصولاٌ الى التنر





    هنجيب انابيب الفوم السائل ونحقنها داخل فراغات الصاج للعربيه اجمالاٌ ( آوايم , عتب , دعامات , بين التانك وجسم العربيه )


    طبعاٌ نحقن بكميات معقوله لأن الفوم لما بيجى يجف بيتمدد الى اربع اضعاف حجمه وهو سائل لذلك وجب ان نعطيه مساحه للتحرك


    وكل ما نخلص جزء نلصق جميع فتحاته ببكرة الشريط اللاصق البيض الورقى
















    بعد كده

    هنجيب الفوم الجاف ونقطعه قطع مناسبه لحجم الفراغات الموجود بين عضم السياره من الداخل ورفارف السياره من الخارج ( بتركب كبس )























    بعد كده هنجيب كل الفيبر اللى حليناه ( آوايم , عتب , شنطه ) ونلزق عليه شرايح ارما فليكس كبطانه من الداخل






    هنعيد تقفيل كل ما فكيناه تانى كما كان

    وبكده نبقى خلصنا الصالون


    فاضل ايه ؟؟؟


    3 التابلوه

    هنحل التابلوه حته حته مع بعض

    الاول هنشد الفبره اللى تحت التابلوه لبره





    هنلاقى تحتها مسمارين ماسكين وحدة مفاتيح التكييف هنفكهم





    هنشد وحدة التكييف بشويش لبره بمفك عاده





    وهنبدأ نفك الفرام اللى شايل الساعه وفتحات التكييف وده ممسوك بمسمارين فوق مفاتيح التكييف





    ومسمارين فوق العدادات ومسمار وراء فبرة المرايه الكهرباء بيبان بعد ما نخلع الفبره لبره بمفك عاده رفيع هي راكبه كبس

    وبعد ما نفك الخمس مسامير هنشد الفرام كله لبره بالعقل ونخلى بالنا من خلع فيشة كهربة النور والتكييف.وفيشة الساعه








    كده العدادات قدامنا هنفك الاربع مسامير اللى ماسكين العدادات





    ونفك التلات فيش اللى واصلين بضهر لوحة العدادات





    هنفك زجاجة العدادات ونلصق حرفها داير ما يدور ببلاستر طبى





    هنلزق حرف فريم التابلوه بالكامل بنفس البلاستر





    هنأكد على رباط مصامير التابلوه بالكامل وهو مفكوك قدامنا





    هنفك الكاسيت ونلف الضفيره بتاعته بآرما فليكس او بأسفنج رقيق اوى





    هنربط مسامير التابلوه اللى باينه قدامنا ورا الكاسيت




    هنعيد تربيط التابلوه كما كان بعكس خطوات الفك

    هنيجى لجانب التابلوه اللى مقابل للباب ونلزقه آرما فليكس





    بكده احنا خلصنا التابلوه

    عارفين مراية الصالون

    دى لازم نعيد على رباطها بمفتاح الانكيه لأنها من اهم اسباب الأصوات الغريبه فى العربيه

    وكمان خلصنا السياره

    ارجو ان ينال الموضوع رضاكم


    وهو ما سوف يظهر لى بطلبكم لتثبيته و دعائكم الخالص لى

    لأى استفسارات وللتواصل السريع ده عنوان صفحتى على الفيس بوك

    ‫عصام غنايم | Facebook‬

    ولقرائه بقية مواضيعى الرجاء اضغط على الرابط اسفل التوقيع


    اخوكم عصام غنايم


  2. #2

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي -

    موضوع متميز كالعادة وجزاك الله خيرا على مجهودك وعقبال التثبيت ان شاء الله..
    تحياتي

    Sent from my LT18i using Forum Runner

    don't judge a car unless you have driven it

    hm414 سابقا


  3. #3

    الصورة الرمزية Habd

    رقم العضوية : 94373

    تاريخ التسجيل : 12Apr2011

    المشاركات : 291

    النوع : ذكر

    الاقامة : cairo

    السيارة: ..

    السيارة[2]: .accent2011

    دراجة بخارية: no

    الحالة : Habd غير متواجد حالياً

    افتراضي -

    مينفعش اعدى من غير ما اقول تسلم ايديك :)


  4. #4

    الصورة الرمزية yaserbasha2000

    رقم العضوية : 34337

    تاريخ التسجيل : 02Mar2009

    المشاركات : 939

    النوع : ذكر

    الاقامة : egypt

    السيارة: no

    السيارة[2]: corolla -97

    دراجة بخارية: no

    الحالة : yaserbasha2000 غير متواجد حالياً

    افتراضي -

    الله ينور بجد مجهود مش عادي

    برجاء التثبيت لاهمية و جوده الموضوع

    لا تترك صلاتك أبدا فهناك الملايين تحت القبور يتمنون لو تعود بهم الحياة ليسجدوا ولو سجدة


  5. #5

    الصورة الرمزية أحمد الجندى

    رقم العضوية : 50444

    تاريخ التسجيل : 19Oct2009

    المشاركات : 1,434

    النوع : ذكر

    الاقامة : مصر

    السيارة: سابقا كيا سيفيا وكيا برايد

    السيارة[2]: الفا روميو 156 والحمد لله

    دراجة بخارية: لا

    الحالة : أحمد الجندى غير متواجد حالياً

    افتراضي -

    موضوع ممتاز

    رحلتى مع الالفا روميو156 : http://www.nilemotors.net/Nile/359168-156.html
    رابطة ملاك الكيا برايد : http://www.nilemotors.net/Nile/211218-a.html


  6. #6

    الصورة الرمزية Ahmed_Ramadan

    رقم العضوية : 40467

    تاريخ التسجيل : 17May2009

    المشاركات : 3,058

    النوع : ذكر

    الاقامة : cairo-nozha

    السيارة: SEPHIA 2000

    السيارة[2]: Fiat Regata

    دراجة بخارية: لا يوجد

    الحالة : Ahmed_Ramadan غير متواجد حالياً

    افتراضي -

    الله ينور بحد ....شغل عالى أوى ما شاء الله


  7. #7

    الصورة الرمزية PoweRPassioN

    رقم العضوية : 30094

    تاريخ التسجيل : 15Jan2009

    المشاركات : 2,256

    النوع : ذكر

    الاقامة : EgYpTo

    السيارة: Only One

    السيارة[2]: Private

    دراجة بخارية: RR

    الحالة : PoweRPassioN غير متواجد حالياً

    افتراضي -

    زي الفل الشغل دا .. وكالعاده دايما في مواضيعك

    اوصفلنا بقى النتيجه النهائيه لكل المجهود دا
    وممكن تضيف للموضوع ليكتمل جماله عزل ارضيه الصالون والموتور"صدر الصالون من الداخل"
    وجزاكم الله خيرا

    [glow1=#7a3131]Dr.Ahmed AlSherif[/glow1]


  8. #8

    الصورة الرمزية عصام غنايم

    رقم العضوية : 20690

    تاريخ التسجيل : 30Sep2008

    المشاركات : 2,701

    النوع : ذكر

    الاقامة : دمياط

    السيارة: ماتريكس,اوبترا,سيراتو,ماتريكس,نيو اكسنت,كروز

    السيارة[2]: 128,127,126,fiat UNO,لانوس2

    دراجة بخارية: فيسبا,هاوجيانج صينى

    الحالة : عصام غنايم غير متواجد حالياً

    افتراضي -

    موضوع متميز كالعادة وجزاك الله خيرا على مجهودك وعقبال التثبيت ان شاء الله..
    تحياتي
    مينفعش اعدى من غير ما اقول تسلم ايديك :)
    الله ينور بجد مجهود مش عادي

    برجاء التثبيت لاهمية و جوده الموضوع
    موضوع ممتاز
    الله ينور بحد ....شغل عالى أوى ما شاء الله
    ربنا يعطيكوا الصحه والعافيه


    زي الفل الشغل دا .. وكالعاده دايما في مواضيعك

    اوصفلنا بقى النتيجه النهائيه لكل المجهود دا
    وممكن تضيف للموضوع ليكتمل جماله عزل ارضيه الصالون والموتور"صدر الصالون من الداخل"
    وجزاكم الله خيرا
    الف شكر ليك

    اللانوس لاتحتاج الى عزل الصدر

    والمشكله انى معنديش صور لعزل صدر العربيه ممكن انزلها ولاكن ربنا يسهل هحاول انزلها

    من اجل خاطرك

    انت بس تأمر


  9. #9

    الصورة الرمزية amr.elsayed

    رقم العضوية : 32825

    تاريخ التسجيل : 13Feb2009

    المشاركات : 3,559

    النوع : ذكر

    الاقامة : alex

    السيارة: Lanos 2016

    السيارة[2]: Logan 2010..Elantra 2014

    دراجة بخارية: ..............

    الحالة : amr.elsayed غير متواجد حالياً

    افتراضي -

    مجهود رائع من حضرتك يا استاذ عصام وجزاك الله خيرا
    ونرجو التثبيت لان الموضوع شامل معظم منتجات العزل

    سبحان الله وبحمده سبحان الله العظيم


  10. #10

    الصورة الرمزية Mohab.Nabil

    رقم العضوية : 13812

    تاريخ التسجيل : 28Jun2008

    المشاركات : 2,513

    النوع : ذكر

    الاقامة : Nasr City

    السيارة: .

    السيارة[2]: ,

    الحالة : Mohab.Nabil غير متواجد حالياً

    افتراضي -

    hasad">

    موضوع ممتاز جدا

    و جهد اكتر من رائع و فيه معلومات مفيدة جدا للكل

    الف شكر يا باشا

    Livin' life in the fast lane
    Movin' at the speed of life and I can't slow down
    Only got a gallon in the gas tank
    But I'm almost at the finish line, so I can't stop now

    Vive La France



 
صفحة 1 من 25 1 2 3 4 5 6 11 ... الأخيرةالأخيرة

المواضيع المتشابهه

  1. المفيد فى عزل السياره الآكيد بالصور
    بواسطة عصام غنايم في المنتدى دايــو+شيفرولية لانوس
    مشاركات: 128
    آخر مشاركة: 18-02-2016, 08:00 PM
  2. السياره الرمسيس - قصه حياه قصيره بالصور
    بواسطة Gelgel2004 في المنتدى أخبار السيارات في مصر والعالم
    مشاركات: 42
    آخر مشاركة: 16-02-2016, 04:32 PM
  3. المفيد فى تركيب الكاوتش الجديد بالصور
    بواسطة عصام غنايم في المنتدى إطارات
    مشاركات: 166
    آخر مشاركة: 14-02-2016, 05:53 PM
  4. المختصر المفيد في علم التجويد ( كتاب الكتروني ثلاثي الابعاد 6.43 mb بالصور )
    بواسطة m3_dolphen في المنتدى المنتــــــدى الاجتمــاعى
    مشاركات: 0
    آخر مشاركة: 31-03-2011, 02:42 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2