هو في بنزينة كار جاس في 6 اكتوبر؟

**Khaled Lanos** · 28-10-2012 10:40 AM

السلام عليكم ورحمة الله وبركاته

صباح الخير يا جماعة

عندي استفسار بسيط:

هو في بنزينة كار جاس في 6 اكتوبر؟

اصلي عايز اشتري زيت فيسكو 5000 ومكسل انزل من زايد للدقي أو المعادي عشان اجيبه بصراحة.

وكل سنة وانت طيبيين.

**A.Saad** · 28-10-2012 03:18 PM

كل سنة وانت طيب فيه بنزينة كالتكس جنب نادى المهندسين مش متاكد ان فيها كار جاس ولا شركة تانية بس فيها طلمبات غاز لشركة اللوجو ازرق واحمر وكنت اعرف ان فيسكو بيتباع فى امارات مصر الصحراوى بس حاول تتاكد برده لانى شفته زمان ومش تابعته تانى

**احمد المصرى** · 28-10-2012 11:26 PM

موجوده عند كارفور الطريق الصحراوى بجوار بنزينه امارات مصر او ممكن حده من بنزينه امارات مصر بجوار كارفور على طول قبل البوابات

لو انت نازل من المحور على الطريق الصحراوى هترجع تانى ووش العربيه لطريق اسكندريه هتلاقى بنزينه امارات مصر على يمينك قبل كارفور على طول فيها بنزينه بتبيع زيت فيسكو

**Y a r i s** · 29-10-2012 12:32 AM

كل سنة وانتو طيبين يا اكتوباريين هههههههه جراني وحبايبي
انزل اكتوبر ياخلوود هتلاقي في السادس سنتر الملكة في محليين بيبعوا زيوت فيسكو

وفي لو جي من محور مول العرب الخلفي خليك ماشي على طول طول عند التعاونيات والبشاير قبليهم بشوية في هناك عشرين محل بيبيع زيوت. فيسسسسس كوو
بس يارجال ياطيب في زيت في الدنيا اسمو كده .... هات موبيل ياباشا ده زيت عالمي .... وعلى فكرة فتح محل بتاع زيوت جديد عندو زيت فلفين ومعلق يفطت فلفين فييين بنك فيصل والاسكان والتعمير خليه على ايدك اليمين وبعد بنك الاسكان مباشرة جو في الرمل عند مول اجياد هتلاقي يفطة كبيرة بس مجربتهوش الصراحة. بس برضوا بنصحك بموبيل. وتحياتي

**Khaled Lanos** · 29-10-2012 07:42 AM

المشاركة الأصلية كتبت بواسطة Y a r i s

كل سنة وانتو طيبين يا اكتوباريين هههههههه جراني وحبايبي
انزل اكتوبر ياخلوود هتلاقي في السادس سنتر الملكة في محليين بيبعوا زيوت فيسكو

وفي لو جي من محور مول العرب الخلفي خليك ماشي على طول طول عند التعاونيات والبشاير قبليهم بشوية في هناك عشرين محل بيبيع زيوت. فيسسسسس كوو
بس يارجال ياطيب في زيت في الدنيا اسمو كده .... هات موبيل ياباشا ده زيت عالمي .... وعلى فكرة فتح محل بتاع زيوت جديد عندو زيت فلفين ومعلق يفطت فلفين فييين بنك فيصل والاسكان والتعمير خليه على ايدك اليمين وبعد بنك الاسكان مباشرة جو في الرمل عند مول اجياد هتلاقي يفطة كبيرة بس مجربتهوش الصراحة. بس برضوا بنصحك بموبيل. وتحياتي

وانت طيب وبالصحة والسلامة ياغالي..أنا جارك من زايد هههههههههه

مش عارف بصراحة أنا بفضل أشتري الزيوت من بنزينة أو موزع معتمد عشان المحلات أغلبهم بيغشوه.

طيب أنا فاكر ان في بنزينة بعد مول العرب بشوية كده..بس مش متأكد اذا كانت كار جاس ولا لأ بصراحة.

وبعدين ياباشا موبيل ايه بس ده زيت سيء جدا بجد مهو محطوط دلوقتي في العربية واتحرق وكان هيبوظ لي العربية..وانا كنت معبي جركن تخلقي بـ 290 جنيه المفروض يقعد من من 10-15 ألف, ومكملش 7000 كيلو واتحرق..وكمان بعد 2000 كيلو بلاقيه ناقص يجي 1.5-2 لتر يعني بخره عالي جدا.

فقررت أني أجرب فيسكو 5000 بعد نصيحة بشمهندس ممدوح ليا وكمان ناس كتيرة بيشكرو فيه وربنا يسهل.

وألف شكر ياغالي وكل سنة وانت طيب.

**A.Saad** · 29-10-2012 11:31 AM

انت عربيتك ايه يا استاذ خالد وعامله كام الف وبتحط زيت تخليقى ولا معدنى امارات مصر قبل كاارفور على طول يعنى خلص المحور المركزى مش تطلع المحور انزل المنزل اللى تحت اعمل يوترن من عند الامن المركزى هتلف وتعدى تحت المحور كمل هتلاقى شل وعز العرب يمينك هتلاقى يافطة خضرا عليها علامة امارات مصر

**A.Saad** · 29-10-2012 11:32 AM

فيه زيت امارات مصر وفيه طلمبات للغاز هتلاقيها لوحدها جوة دول اللى عندهم فيسكو فاسال فين مكان الغاز

**A.Saad** · 29-10-2012 01:27 PM

كالتكش اتاكدت منها مش فيها نار جاس فيها غاز تك

-

-

الموضوع: هو في بنزينة كار جاس في 6 اكتوبر؟

LinkBack

أدوات الموضوع

عرض

هو في بنزينة كار جاس في 6 اكتوبر؟ - انشر الموضوع فى :

-

-

-

-

-

-

-

المواضيع المتشابهه

انا فى 6 اكتوبر 2010 vs انا فى 6 اكتوبر 2011

بنزينة كالتكس فى ميدان الحصرى بمدينة 6 اكتوبر غير محترمة

بنزينة taqa

بنزينة شل الهرم

ليه حرب اكتوبر مكانتش يوم 8 اكتوبر احسن؟

الكلمات الدلالية لهذا الموضوع

المفضلات

المفضلات

ضوابط المشاركة