طلب من رجالة ميتسوبيشي وخاصة البومة :)

**SonaSteel** · 28-10-2012 11:53 AM

السلام عليكم ........ ازيكم يا أصدقائي كل سنة وانتم بالصحة والسلامة يارب :))

انا كنت عايز اسأل سؤال غريب :))

الكرسي بتاع اللانسر بومة انا شوفته في موضوع بتاع اخونا Dragon 87 .... وشفته قريب جدا من كرسي الصني اللعين

حد عنده فكرة ينفع يركب عندي بما انه متوفر واكيد الفوم بتاعه ابن ناس بدل وجع الضهر والمفاصل والغضروف والركب والشد العضلي بتاع الصني ده !!!

من قدم شيء بيداه التقااااااااه يا فاعل الخير والثواب يارب :)))

طبعا الصني مش لاقيه خالص واللي موجود يا اما كراسي عربية دريكسيون يمين ومتقطع وطالع ترابتينه

ياما غالي جدا ....... ايه رأيكم واقتراحاتكم

**drmagieed** · 28-10-2012 02:14 PM

طيب ما تروح لواحد بتاع كراسي يزوده أسفنج وفوم ويخليه 100%... مجرد إقتراح!!!

**SonaSteel** · 28-10-2012 04:07 PM

والله يا دكتور عملت فيه البدع هههههههههههههههه
مفيش فايده

**SonaSteel** · 28-10-2012 05:19 PM

المشاركة الأصلية كتبت بواسطة eldell

سونه باشا منورنا ياكبيييييير اكييييد يعنى هيركب زى التانى ممكن لو مركبش على نفس القواعد عندك هتتفك القواعد ويركب الكورسى بالقواعد بس اعتقد انه اعرض شويه من كورسى الصنى ؟ والفكره اكنك بتركب كورسى ريكارو وبرضه الكورسى الى مريح اوى بتاع اليارس اكتر من بتاع البومه

الله يبارك فيك اخي وحبيبي في الله ...... ده نورك والله

انا هحاول اشوف ابعاده ايه ..... وفكرة ان القواعد تركب كلها ديه مكانتش في دماغي ........ كده اتحلت الحمد لله بس هاشوف عرضه
ان شاء الله لو هاحطه بره العربية ههههههههههههههههه
ربنا ما يوريك :))

الياريس الكرسي بتاعها عالي زي التيدا والكرولا
مش زي السيفيك القديمة واللانسر والصني

يعني زمان التسعينات كانت العربيات قاعدتها واقعه لتحت ... غير العربيات الجديد الكرسي بتاعها لكنك بتزل منها مش بتنتع كده علشان تطلع من العربية هههههههههههه

بس انا حاسس ان البومة هاجي بالظبط مش عارف ليه :))

**Eng_hatemfathy** · 29-10-2012 11:23 AM

كرسى الشارك مريح عن كرسى البومة وهيدروليك يعنى هتتحكم بالارتفاع واعتقد انه مناسب للنيسان بس احتمال يحتاج تعديل للمجارى بتاعته علشان اماكن المسامير -شغلانه سهله عند اى ورشة لحام يفك مجارى كراسى النييسان ويلحمها فى كرسى الشارك بس حاول تقيس العرض علشان المسافة بين الكونسول والقايم وربنا يوفقك-المهم هل الكرسى موجود ولا لأ لو عايز عرض كرسة الشارك انا تحت امرك
وتقبل مرورى

**SonaSteel** · 29-10-2012 07:20 PM

المشاركة الأصلية كتبت بواسطة dragon78

سلام عليكم

أنا كنت معدي بالصدفه كده ولقيتك بتجيب سيرتي في موضوعك , ع العموم منورنا ياباشا

أنا كان عندي اقتراح ليك , حاول تروح عند الجماعه بتوع جينز كار يمكن تلاقي حل عندهم للكرسي بتاع عربيتك

هم ناس شاطرين أوي وعندهم ضمير ( أنا عن نفسي عملت الفرش عندهم )

حاول تسأل كده الحاج أحمد مشعل لو كان ينفع يظبطلك الكرسي بتاعك ويخليه مريح

وممكن برضه تسأله على الموضوع اللي انت بتتكلم فيه ده انك تركب كرسي لانسر وهو راجل كويس جدا وهاينصحك بالأحسن ليك أكيد بغض النظر عن انه هايكسب منك أو لأ

وبالتوفيق ان شاء الله

نسيت أقولك ياباشا لو عايز عنوان جينز كار هاتلاقيه في موضوعي بتاع الفرش وممكن تجيبه من الإعلان بتاعهم اللي على المنتدى

تحيـــــاتي

الله يبارك في عمرك اخي الكريم :))
الحاج احمد اخي وحبيبي في الله وعامل عنده الفرش الحمد لله وكلمت عبد الله ابنه فعلا امبارح وقلتله يتولي المهمة ويقيس الكراسي والمسافة بين المجاري وعرض الكراسي
ولو علي التنجيد فعلا انا عملت فيه تجارب اصلا وقصيت في الفوم ومليته فايبر وحاجات كتير كده .... مفيش فايده برده :)))

المشاركة الأصلية كتبت بواسطة eng_hatemfathy

كرسى الشارك مريح عن كرسى البومة وهيدروليك يعنى هتتحكم بالارتفاع واعتقد انه مناسب للنيسان بس احتمال يحتاج تعديل للمجارى بتاعته علشان اماكن المسامير -شغلانه سهله عند اى ورشة لحام يفك مجارى كراسى النييسان ويلحمها فى كرسى الشارك بس حاول تقيس العرض علشان المسافة بين الكونسول والقايم وربنا يوفقك-المهم هل الكرسى موجود ولا لأ لو عايز عرض كرسة الشارك انا تحت امرك
وتقبل مرورى

والله ياهندسة ياريت بس خد بالك ان الصني قعدتها انها واقعه لتحت فخايف اجيب كرسي يخلي قعدتي عاليه والدريسكسون بتاع الصني يكاد يكون افقي

هي شكلها محتاج بحث بسيط وهاجيب كرسي كده كده ان شاء الله .... وفكرة اللحام يه كويسة بس مش عايز العب في فابريكا العربية ولا ايه رايك ؟ وخاصة ان ده لحام مش حاجة بمسامير هاتفكها تاني
وفعلا كرسي البومة صوره قريبة جدا من الصني بالبكرة في الجنب بكل حاجة .
ولو حضرتك قدرت تقيس عرض الكرسي يبقي جزاك الله خيرا
من الكونصول في النص لغاية القايم علشان نحدد ان شاء الله مشكووووور اخي وحبيبي في الله :))

**Eng_hatemfathy** · 29-10-2012 10:01 PM

المشاركة الأصلية كتبت بواسطة SonaSteel

الله يبارك في عمرك اخي الكريم :))
الحاج احمد اخي وحبيبي في الله وعامل عنده الفرش الحمد لله وكلمت عبد الله ابنه فعلا امبارح وقلتله يتولي المهمة ويقيس الكراسي والمسافة بين المجاري وعرض الكراسي
ولو علي التنجيد فعلا انا عملت فيه تجارب اصلا وقصيت في الفوم ومليته فايبر وحاجات كتير كده .... مفيش فايده برده :)))

والله ياهندسة ياريت بس خد بالك ان الصني قعدتها انها واقعه لتحت فخايف اجيب كرسي يخلي قعدتي عاليه والدريسكسون بتاع الصني يكاد يكون افقي
عررض المسند 50 سم
هي شكلها محتاج بحث بسيط وهاجيب كرسي كده كده ان شاء الله .... وفكرة اللحام يه كويسة بس مش عايز العب في فابريكا العربية ولا ايه رايك ؟ وخاصة ان ده لحام مش حاجة بمسامير هاتفكها تاني
اللحام هيكون فى مجرة الكرسى مش العربيه يعنى مفيش لعب فى العربية
وفعلا كرسي البومة صوره قريبة جدا من الصني بالبكرة في الجنب بكل حاجة .
ولو حضرتك قدرت تقيس عرض الكرسي يبقي جزاك الله خيرا
من الكونصول في النص لغاية القايم علشان نحدد ان شاء الله مشكووووور اخي وحبيبي في الله :))

الشكر لله وبالتوفيق

-

-

الموضوع: طلب من رجالة ميتسوبيشي وخاصة البومة :)

LinkBack

أدوات الموضوع

عرض

طلب من رجالة ميتسوبيشي وخاصة البومة :) - انشر الموضوع فى :

-

-

-

-

المواضيع المتشابهه

وش الرادياتير ضرب فى البومة يا رجالة

رجالة ميتسوبيشي

دليل صيانة ميتسوبيشي لانسر البومة 2007

دليل صيانة و اصلاح ميتسوبيشي لانسر البومة 2006 - 2007

طلب من رجالة المنتدي وخاصة رجالة الاسكندرية

الكلمات الدلالية لهذا الموضوع

المفضلات

المفضلات

ضوابط المشاركة