الموضوع: مــنـاقـشـة : شــكــمــان الــفــيـرنا و ثــبـاتــهــا

المشاركة الأصلية كتبت بواسطة se_coralsea

بصراحة مش مقتنع أوي بالكلام ده و الا معني كلامك أن العربيات كلها الشكمان بتاعها بيساعد في دفعها و زيادة سرعتها لو هو متوجه بشكل أفقي و لو عملنا الشكمان بشكل رأسي بحيث يخرج العادم لأعلي ده هايزود الثبات !!

طبعا مش مظبوط لأن ال jet propulsion engines بتعتمد برضه علي قوة الدفع و الشكل الأيروديناميكي و كل ده غير متوفر في الحالة دي

أحتمال أن اللي حصل في الفيرنا ده عيب في المساعدين

حضرتك مخدتش بالك من قصدي
انا مقولتش و هو متوجه بشكل افقي بيساعد ع دفعها لا خالص لأن المجال مفتوح
و لا جبت سيرة ان الشكمان يبقي لفوق و يساعد ع الثبات طب مهو لفوق هيطللع الهوا لفوق ايه المشكلة هنعتبرها عربية نقل ههههههه

لكن اقصد لما فتحة الشكمان تكون متوجهة للأرض فالضغط اللي خارج بيضرب في الارض و يرد في العربية فده بيأثر ع العربية لو السواق كبس
و جبت مثال ايرودينامك كمجرد مثلا ع تأثير ضغط الهوا ع العربية في المسار الصحيح
اما الشكمان فهو بيعمل بشكل عكسي بمعني الايرودينامك من فوق لتحت و لما الشكمان يتعمل فتحته لتحت بيبقي التأثير من فوق ( الضغط اللي خارج من الشكمان ) ثم لتحت ( الأرض اللي بتستقبل الهوا و ترده ) ثم لفوق ( لجسم العربية من تحت اللي بتستقبل الضغط و تتأثر ) اخدت بالك يا بشمهندس ؟

المشاركة الأصلية كتبت بواسطة SE_coralsea

نظريا كلامك صحيح
لكن ...

أرجع لقانون الحاج / نيوتن (لكل فعل رد فعل , مساو له في المقدار و مضاد له في الاتجاه)

يعني ايه الكلام اللي بيقوله عم نيوتن ده ..

- الفعل هنا هو العادم الخارج من الشكمان لتحت في أتجاه الارض
- طيب رد الفعل .. هو الفعل الناتج من أصطدام هذا العادم بالارض أو بمعني أكثر تدقيقا في حالتنا جسم العربية

طيب أيه اللي بيحصل ..

- العادم بيخرج بقوة مقدارها x من الشكمان في أتجاه الارض
- بيصطدم بالارض (اللي هيا كتلة صلبة و ليست مائعة مثل الهواء أو الماء)
- توقيت الاصطدام بالارض بيكون موقع العربية علي الارض عند النقطة a1
- العادم سيرتد بقوة مقدارها x-y حيث أن y هي مقدار الفقد في القوة أو الطاقة نتيجة لهذا الاصطدام
- العربية ستتحرك مسافة الي النقطة a2

هنا فيه عدة أحتمالات :
- أن يلتقي العادم المرتد بقوة x-y بجسم العربية و هنا قد تكون هذه القوة قادرة علي التغلب علي وزن العربية فترفعها أو تكون غير كافية فلاتؤثر فيها
- الاحتمال الثاني و هو المرجح أن العادم عندما يرتد لايجد مايصطدم به (جسم العربية) نتيجة لتحركها مسافة من a1 الي a2 و هنا لايحدث تاثير أطلاقا علي السيارة

صحيح أحتمال أن العادم المرتد من الارض ان يرتد لجسم السيارة بالاسفل وارد و لكن أحتمال تغلبه علي وزن العربية ضعيف

عموما فيه بحث موجود عن الموضوع ده عاملاه و كالة ناسا قبل كده هأحاول أجيبه و أترجم منه علي قد ما أقدر في النقطة دي

انا اخدت بالي من وجهة نظر حضرتك و هي كما هو موضح بالصورة صح





اذن كلامك مظبوط و اتفق معاك فيه و ده بيكون اتجاه الشكمان في كذا عربية و بالتالي مفيش تأثير ع جسم العربية و يعتبر الضغط بيروح في الهوا

لكن انا اللي اقصده كما هو موضح بالشكل التالي :






و ده المنظر اللي شوفته و يمكن نازل اكتر كمان اخدت بالك من الفرق ؟؟


مع السرعة العالية اكيد العربية مش زي سرعة قليلة او متوسطة فيبان التأثير اكتر و الضغط ينطط العربية و لاحظوا اني بتكلم ضغط الهوا الخارج من الشكمان وا لعربيات بتجري يعني واحد كابس بنزين مش العربية ع السلانسية او دايس بسيط