الموضوع: عاوز c180 موديل 2007 w204

المشاركة الأصلية كتبت بواسطة mohab.nabil

اظن الفيس ليفت ده من 2012 مش من 2013

الافانجارد شكل العربية بيبقى مختلف خالص جنوط مختلفة و بدى كيت مختلف و اوبشنز مختلفة و سعرها بيبقى اعلى كتير حوالى 100 الف فرق فى السعر

المرسيدس فعلا بتمسك سعر جامد عن البى ام و ديه من اهم مميزات مرسيدس فى السوق المصرى

تسلملي يا باشا :)

طيب معندكش معلومات اكتر عن الموديل ده و الفروقات من 2007 الي 2012 ؟

انا بتكلم عن فرق الاوبشن الاساسي يا باشا :) الجنوط و البدي كت مقدور عليهم :)

المشاركة الأصلية كتبت بواسطة asaber

هو مبدئيا كده ال سي 180 ال 1600 نزلت مصر من اول موديل 2009
لو لقيت 2007 هتكون w203 وهتكون 1800

الفيس ليفت نزل من موديل 2012 و الفروقات كالتالي (بتها وبين 2010 و 2009 الستاندرد او الكلاسيك زي ماهي معروفه)

1- الفوانيس قدام اتغيرت و وري بقت ليدات
2- التابلوه غيروه والشاشه بقت جزء ثابت و حسنوا جودت المواد شويه
3- الشاشه بقت 5.8 انش و هاي دفينيشن بدل ما كانت 4.8 انش
3- الكاسيب بقي فيه مدخل usb
4- الفتيس و الدرسكسيون بقم جلد طبيعي (نابا)
6- اضافه شاشه المعلومات الملونه 4أنش بين العدادات
7- تغيير لون الابانوس الداخلي
8- اضافه خاصيه هولد (hold) اللي بتسمح انك تشيل رجاك من علي الفرامل و العربيه تفضل مفرمله و اول ما تدوس بنزين تفك الفرامل (مفيده جدا في الزحمه و الاشارات)
9- مرسيدس بتقول ان التغيرات في حوالي 2000 مكون بس دول اللي بينين و فاكرهم دلوقتي

موديل 2013 بقي و الفرق بينه وبين 2012
1- تغير الموتور بواحد احدث 156 حصان و لكن العزم اصبح 250 نيوتن /متر ابتداءا من 1250 لفه في الدقيقه (دا بالاضافه انه بقي حقن مباشر للوقود)
2- تغيير ذراع المساحات بواحد جديد
3- الفيس اصبح سبع سرعات بدل من الخمسه القديم ( الفنيس مع الموتور حسنوا تسارع العربيه و بقي من 0 الي 100 في 8.5ثانيه)

4-اضافه خاصيه stop/start اللي بتوفر في البنزين عن طريق اغلاق الموتور في حاله الوقوف في الزحمه او اشارات المرور وتشغيله اوتوماتيكي في حاله رفع الرجل عن الفرامل
5- تغير مقاس الكاوتش الي 205/55
دول تقريبا كل الفروقات لو مكنتش ناسي حاجه

الله ينور عليك و يكرمك يا باشا بجد انا عاجز عن الشكر :) بجد انتا راجل قمة في الذوق :)

بص يا باشا يبقى انا كدة

من اول 2008 ال 2009 حتبقى 1800 كمبريسور بيدي 154 حصان و عزمة 230 ؟

من اول 2009 ال 2012 حتبقى 1600 كمبريسور بتدي 154 حصان و عزمة 230 برضه ؟


من اول 2008 ال 2012 حتبقى 2000 كمبريسور بتدي 181 حصان و عزمة 250 صح كدة ؟؟؟

طيب يا باشا رنج الاسعار بين ال التلات فئات الي انا كاتبها ديه بكام ؟

اذا كانت ال 1600 ال 2013 زيروا ب 312 اول فئة ...

المشاركة الأصلية كتبت بواسطة asaber

هو من 2007 ال 2009 لو عايز w204 اللي هيكون موجود هو ال سي 200
ودي 1800 سي سي 181 حصان (دا اللي موجود في مصر السي 180 مكنتش نزلت لسه مصر)

بالنسبه للاسعار هي في رنج ال250 تقريبا (الصراحه انا مش متابع اسعار المستعمل قوي)
اهم حاجه انك تكشف عليها كويس في التوكيل وتكون سليمه و الاسعار اكيد حد من الاعضاء المحترميين هيرد عليك فيها

الوكيل في الغالب معندوش غير فئه واحده الفئات الكتير بتكون خليجي في الغالب(دا بالنسبه للسي 180 )

تقريبا من 2010 بطلو ينزلو في مصر السي 200 وكانو بينزلوا بدلها ال250 و دي 204 حصان وعزم 310 (في منها اليجانس وموديل 2012اليجانس و افانتجارد)
من اول 2013 رجعو ينزلو السي 200 تاني بالموتور 184 حصان

الله ينور عليك و يكرمك يا باشا ..

فعلا انا لحظت انوا ال 2008 1800 تعتبر بسعر ال 2010 ال 1600 مع انوا مفروض تكون اقدم و ارخص و القديمة الضريبة بتاعتها اعلى ...

... اصلوا الواحد شايف انوا ديه مستعمله مناسبة .. ولا الواحد يخش في حتة b150 زيروا ب 244 الف و يريح دماغه و يبقى ركب مرسيدس زيروا عشان يموت فيها :) هههههههههههه

بعد التحيه ..
انا كنت داخل ارد لقيت ا. احمد صابر asaber ماشاء الله جابلك المفيد كله و بالتفصيل .... كل الشكر له ...
تعديل بسيط السى 250 من 2010 ... 204 حصان و عزم 270 و ليس 310.
الشكل W204 هو من 2008 ...... اى موديل 2007 يبقى الشكل اللى قبله W 203 ...
لا انصح بال b لانها صغيره و ليست عائليه و عند اعاده البيع سوقها ضعيف بعكس ال c و e ...
ممكن تقول لنا ميزانيتك كام ؟؟؟ حتى ننصح بالافضل لك ...
تحياتى ...