سؤال: هو ليه مفيش عربية سكودا من فئة العربات المتوسطة

**mfrateb** · 29-10-2012 01:13 AM

سؤال يعني ليه سكودا ما تنزلش عربية متوسطة اصغر شوية من الفانتازيا وبنفس الجودة وفي حدود ال ١٢٠ الف أو كدة؟ متهيألي تاكل السوق

**magedkahla** · 29-10-2012 01:33 AM

انا عايز اقولك ان الفانتازيا علفكرة فئة متوسطة بس احنا إل جماركنا حراقة شوية يعني انا كنت عايش في السعودية الفانتازيا كانت بتبدأ من 60 ألف رايل يعني 90 ألف جنيه نفسي بس يشيلو ام الجمارك إل هنا ده علشان الناس بقى تعرف تركب عربيات نضيفة

**Mohab.Nabil** · 29-10-2012 01:47 AM

الفابيا مينى نزلت بس كان سعرها غالى شوية و محققتش مبيعات تذكر عشان هاتشباك طبعا

انا اظن اصلا ان سكودا العالمية معندهاش عربية سيدان فى الفئة ديه عشان التوكيل ينزلها هنا

**Land_Cruiser** · 29-10-2012 01:52 AM

فى كمان فابيا أصغر لكنها مش منتشره و السبب انها سياره متوسطه صحيح فى الفئه لكنها كبيره كفئه سعريه مع الاسف بسبب الجمارك الخزعبليه عليها و دة بيخليها تخسر المنافسه أمام الاسيوى اللى بيقدم إمكانيات اقل شويه منها لكن بفرق سعر كبير فاللى بيشترى يقول يعنى اشترى عربيه هاتشباك متوسطه سكودا قطع غيارها غاليه و لا بنفس التمن عربيه كبيره اسيوى حلوه و بنت حلال قطع غيارها فى كل حته و لو بعتها ما اخسرش فيها و اى حد بيصلحها؟ و النتيجه تكون فى الاغلب لصالح الاسيوى

**Hosam_Optrawy** · 29-10-2012 02:29 AM

فى سكودا رابيد الجديده هى تعتبر بين الفابيا والاوكتافيا وقريبه اكتر للاوكتافيا فى الحجم تقريبا ادها

بس ماعتقدش انها تبقى ب 120 الف خالص :)

دى النسخه العالميه اللى بتتقفل فى التشيك بتنزل بمواتير تربو مع فتيس مانيوال او اوتوماتيك DSG

ودى النسخه الهندى ( اخت البولو السيدان الجديده ) شكلها مختلف شويه وحجمها اصغر وبتنزل بموتور الفابيا الحالى 1600 سى سى 105 حصان 153 نيوتن وفتيس اوتوماتيك 6 سرعات عادى زى اللى فى الفابيا والاوكتافيا دلوقتى

دى اللى مناسبه لمصر اكتر وسعرها المفروض يبقى معقول

**طارق _عبد السلام** · 29-10-2012 03:16 AM

المشاركة الأصلية كتبت بواسطة hosam_optrawy

فى سكودا رابيد الجديده هى تعتبر بين الفابيا والاوكتافيا وقريبه اكتر للاوكتافيا فى الحجم تقريبا ادها

بس ماعتقدش انها تبقى ب 120 الف خالص :)

دى النسخه العالميه اللى بتتقفل فى التشيك بتنزل بمواتير تربو مع فتيس مانيوال او اوتوماتيك dsg

ودى النسخه الهندى ( اخت البولو السيدان الجديده ) شكلها مختلف شويه وحجمها اصغر وبتنزل بموتور الفابيا الحالى 1600 سى سى 105 حصان 153 نيوتن وفتيس اوتوماتيك 6 سرعات عادى زى اللى فى الفابيا والاوكتافيا دلوقتى

دى اللى مناسبه لمصر اكتر وسعرها المفروض يبقى معقول

العربيه جميله وشيك واقل فى الحجم من الاوكتافيا
ومنتشره فى بعض البلاد
مش عارف ليه مانزلت مصر للآن
بس ماينفعش اصلا عربيه المانى توصل لسعر 120 البولو من فئه السيارات الصغيره
عامله 130 الف

**Land_Cruiser** · 29-10-2012 04:28 PM

المشاركة الأصلية كتبت بواسطة mfrateb

ايوه شكلها روعة ...واكيد روعة في الاداء...دي حتي لو نزلت ب ١٣٥ الف و الله تبقي في الجون..احسن من الكوري الورق

انا اعتقد انه ما ينفعش سكودا تهزق نفسها و تنزلها بالسعر اللى حضرتك بتقول عليه ده فى زمن الكورى الفاضى بقى بينزل فيه تقريبا بالسعر ده او اقل حاجه بسيطه . صعب جدا و ده اللى بيخلليها ما تنزلش الفئات دى عندنا لانها هتضطر تنزلها بسعر عالى هيخللى المستهلك بتاعنا يشيلها من حساباته

**طارق _عبد السلام** · 29-10-2012 07:36 PM

المشاركة الأصلية كتبت بواسطة gobeltoffire

و فى كمان الاوكتافيا تاور و دى المفروض شكل ال a5بس بتبقى مانيوال و امكانيات اقل شويه من الاوكتافيا و مش فاهم ايه السر فى عدم نزولها . المفروض انها هتكون زى ال a4 لما كانت بتتباع جنب ال a5 بسعر اقل حوالى 25 الف . يمكن لما الشكل الجديد من الاوكتافيا ينزل ينزلو التاور جنبها , يا مسهل !!!

أى موديل بينزل جديد
الموديل اللى قبله بيبقى اسمه تاور
يعنى لو الاوكتافيا الشكل الجديد 2013 نزلت هيكون موديل 2012 اسمه اوكتافيا تاور

-

الموضوع: سؤال: هو ليه مفيش عربية سكودا من فئة العربات المتوسطة

LinkBack

أدوات الموضوع

عرض

-

-

-

-

المواضيع المتشابهه

أخيرا ً مفيش عربية هتتسرق GPS Tracker تم تركيبه 100%

أخيرا ً مفيش عربية هتتسرق GPS Tracker تم تركيبه 100%

التامين علي العربات

سؤال في العربات الحديثه

الكلمات الدلالية لهذا الموضوع

المفضلات

المفضلات

ضوابط المشاركة