الاسكندرية - ميدان التحرير مجمع التحرير

**mr mostafa** · 29-10-2012 03:03 AM

اهلا وسهلا انا كنت عاوز اسال ازاى اروح مجمع التحرير بميدان التحرير وانا من الاسكندرية انا عارف الطريق حتى طلعة غابور (الطلعة الاولى) وطلعة الدائرى الثانية وكورنيش النيل فعايز اعرف ايه احسن طريق وكمان من ميدان التحرير الى جسر السويس(الحرفيين)

**mohamed_selim** · 30-10-2012 12:57 AM

كورنيش و بعد التليفزيون هتنزل من تحت كوبرى اكتوبر شمال و تلف مع سور المتحف يمين هتلاقى الميان والمجمع فى وشك
ممكن تركن فى الجراج ورا المجمع

الحرفيين من التحرير مشوار افضلك ترجع للدائرى فى اتجاه مدينة السلام و عند نفق السلام متنزلش النفق و من جنبه يمين هتطلع على طريق اسماعليه الصحراوى و هتمشى شويه تلاقى كوبرى ما تطلعوش و من جنبه يمين هتلاقى مدخل الحرفيين على اليمين بعد حاجه بسيطه

**mr mostafa** · 30-10-2012 01:45 PM

الف شكر يا باشا وبعد إذن حضرتك اطلع الدائرى منين من التحرير بالظبط معلش انا متقل على حضرتك

**mohamed_selim** · 30-10-2012 02:08 PM

يا باشا متقولش كده ... ترجع تانى من الكورنيش كأنك رايح الزراعى و تطلع الدائرى من هناك
الفكره ان لو هوصفلك من جوه البلد هتكون تقريبا نفس المسافه و ممكن تتوه فالدائرى فى رأيى انسب حل خصوصا انك هترجع من نفس الطريق اللى جيت منه