الموضوع: مشكله فى الالنترا 2012

المشاركة الأصلية كتبت بواسطة aymn6666

طيب ممكن حضرتك تتاكد ان الدوسات بتاعت العربيه الي هيا الجلد ممكن تكون نزله تحت الدواسه ومنعاها انها توصل لاخر مشورها
او تكون حضرتك ركبت ارضيه جلد وتكون الدواسه في حاجه تحتيها
وكنت عايز اعرف منك لما العربيه بتوصل ل 160 وتجيب اخرها عداد الrbm بيبقي علي كام

انا مش عارف ما اخدتش بالى من حوار الدواسه بس معتقدش انها منها لأن انا لما زودت ضغطتى للبنزين كنت بضغط عادى بس العربيه زى ماتكون فيها حاجة مش عايزاها تزود عن كده
لما بجيب ال 160 الار بى ام بيكون تقريبا على حوالى 4000 لفه او اقل حاجة بسيطه

شكرا جدا لحضرتك على ردك وافادتك

المشاركة الأصلية كتبت بواسطة aymn6666

كده تمام لان كده السرعه متناسبه مع لفات الموتور
لاكن المشكله ان لفات الموتور تبقي مثلا 6000
والسرعه مش عايزه تعدي ال160
بس حضرتك اتكد ان مفيش اي عائق تحت دواسه البنزين لان انا حاسس ان المشكله من هنا

انا نزلت قبل ما ارد على حضرتك واتأكدت ان فعلا كان مفيش اى عائق
والدواسه بتاعه الالنترا طالعه من تحت مش متعلقه من فوق فا صعب حاجة تبقى تحتها
وانا برضه كزياده تأكيد بصيت لقيت مفيش اى حاجة تحتها

هو استفسار لحاجة معرفهاش يبقى ليها تأثير ولا لأ
انا لاحظت ان الزيت زايد عندى تقريبا مزودينه فى التوكيل وهما بيحطوه
فهل ده ممكن يكون السبب؟؟ , هو انا عموما بكره هازيط مستوى الزيت عند اى بنزينه او واحد من بتوع الزيوت

المشاركة الأصلية كتبت بواسطة aymn6666

الموتور عند حضرتك مفهوش مشكله وموضوع الزيت مياثرش علي حاجه بس لازم تزبطه
هو المشكله كده ان الدواسه مش بتوصل الموتور المطلوب منها
يبقي ممكن الكابل ارتخي وده لازم حد يكشف عليه لان الكابل بيبقي ليه رجلاش
شوف الموضوع ده خلي حد يبصلك علي الكابل

هازبطه ان شااء الله
حتى التوكيل مش عارف يحط الزيت مزبوط ... منهم لله
ان شااء الله هاشوف حد يكشف على الكابل مع ان مجرد اعتقاد عندى ان العيب مش فى كده لأن انا لما بحب اشد على اى سرعه تحت ال 160 بتكون استجابه العربيه ممتازه
عموما
شكرا جدا لحضرتك على افادتك وجزاك الله كل خير
واسف جدا على تعبك معايا

المشاركة الأصلية كتبت بواسطة moha4tec

بغض النظر عن اى مشاكل تانيه او اصوات
العربيه لو مبتعديش ال 160 و قافله عليهم .يبقى بوجيهات طبعا .خصوصا.لانى مجرب الموضوع ده فى السيراتو وهو هو نفس موتور الالنترا مع اختلافات بسيطه .
ممكن تخلى حد يبصلك على البوجيهات
بس انا مستغرب ازاى البوجيه يبوظ بدرى اوى اوى كده .
و بس نصيحه متسكتش على صوت التخبيط اللى بتسمعه من تحت ده .هل ده ممكن يكون كرتيره العجله اللى قدام شمال فكت لما لبست مطب مثلا .

ما انا كنت متوقع انها بوجيهات من الأول
الله اعلم انا وانا ببص على موضوع زياده الزيت وتأثيره طلعت المشاركه دى
http://www.nilemotors.net/Nile/3872850574-post9.html
فا مش عارف هل الزيت يكون أثر على البوجيهات فعلا
انا عايز اكشف عليها
بس انا خايف اروح التوكيل ويعملوا فيه زى كل مره ويدفعونى مبلغ وقدره ومالقيهومش عملوا أى حاجة

هاشوف موضوع التخبيط ده برضه ربنا يسهل لأن انا فعلا لبست كام مطب جامدين الفتره اللى فاتت على الزراعى

متشكر جدا لحضـرتك