الموضوع: ايه افضل زيت موتور للانسر 1600 اوتوماتيك

عربية حضرتك موديل كام و عاملة كام الف ؟
و الزيت المستخدم ؟

المشاركة الأصلية كتبت بواسطة delaga

انا عربيتى لانسر بوما 2007 اوتوماتيك سبورت عاملة حوالى 121500 كيلو
انا شاريها من حوالى شهر والزيت اللى فيها المفروض يتغير على 123 الف المهم بقى ان الراجل اللى اشتريتها منه حاطط زيت اول مرة اشوفه اسمه Enoc بيقولى مغيره فى توكيل دايموند وقالوله انه ده احسن زيت للعربية وانا لما دورت عنه لقيته اماراتى
فأنا محتار ومش عارف اغير لاى نوع وياريت تفيدونى

زيت اينوك ENOC فعلا زيت اماراتي و ع ما اتذكر نازل SN
و درجات لزوجة
0w20 & 5w20 & 0w30 & 5w30

لكن مجربتوش و لا شوفته هنا

عندكفيسكو و شيل لكن مجربتش ليكوي مولي و ملقتش حد اتفق عليه في ان كان كويس او وحش و الغالبية اجمعوا ع ان نسبه بخره عالي و انسي موبيل مش هنسي تجربتي معاه ابدا العربية سحبها تقل بقي بتزحف و استهلاك بنزين عالي و صوت الموتور بقي عالي و مكملش 5000 و الزيت بقي مية و لونه زي مهو و منضفش الموتور من اي حاجة زي ما حطيته زي ما نزلته بس مية

في الفيسكو عايز تخليقي يبقي ( فيسكو 5000 ) عايز نص تخليقي ( فيسكو 3000 ) هو اسمه كده لا تفتكر ان ده عدد الكيلومترات :) و ده انتاج شركة بي بي البريطانية المصنعة لزيت كاسترول اساسا و معبأ في الامارات و بيكون متبرشم من برة بكيس و برشام غطا غير البرشام تحت الغطا اللي زي الورق الفويل و تجيبه من بنزينة كار جاس

في الشيل عندك التخليقي شيل الترا و المعدني شيل الاصفر hx5 و ده من بنزينة شيل طبعا :)

بس لو العربية ماشية تخليقي و مفيش مشاكل عندك خليك في التخليقي و ممكن تجرب فيسكو 5000 انا أفضله بصراحة و تشوف الاداء بنفسك و شوف هيريحك و لا لأ :)
و اهم حاجة مع كل تغييرة غير فلتر الزيت عشان تحافظ ع نضافة الموتور ع اد ما تقدر

المشاركة الأصلية كتبت بواسطة delaga

اولا شكرا على الاهتمام
ثانيا انا مش خبرة اوى فى العربيات ففى حاجات انت قولتها مش فاهمها زى ازاى بتنضف الموتور ؟؟؟
وموضوع الزيوت التخليقية واللى مش تخليقية انا قريت عنه شوية بس فى الاخر مافهمتش حاجة يارت انت تقولى من الاخر انا ايه اللى يمشى مع عربيتى التخليقى ولا العادى

وبالنسبة لفيسكو ده انا اول مرة اسمع عنه بس هاسأل واشوفه كده

انا لحد دلوقتى بميل لشل ايه رأيك انت ؟
بس تقولى ايه الفرق بين الشل الالترا والشل الاصفر وايه اللى هايشمى احسن مع العربية ؟

و لا يهمك
الزيت مش مجرد لتزييت الاجزاء المتحركة في الموتور لكن مهمته انه ينضف الموتور من الاوساخ و الفلتر مهمته انه يفلتر او يمسك يعني الشوائب اللي في الزيت هتقولي و ده بتروح للفلتر ازاي الزيت بيمشي في دورة جوة الموتور فبيعدي ع الفلتر فالفلتر بيشدها زي فلتر البنزين لكن زيت
فمع الوقت الفلتر خلاص بيتملي بالشوئب و مش يهبقي ليه القدرة انه يفلتر تاني فيفضل انك تغيره مع كل تغييرة


الزيت المعدني هو مستخلص من المواد البترولية التخليقي بيبقي مصنع بالكامل
و الله انا شايف الاتنين كويسيين لكن انا اميل للفيسكو اكتر و بستخدمه و ما شاء الله مفيش اي مشاكل منه
الفرق زي مقولتلك فوق الترا او لونها احمر ع ما اتذكر تخليقي اما الاصفر فده معدني