الصين و مستقبل السيارات في العالم

**ak_626** · 30-10-2012 11:24 AM

بلا شك او جدال الصين هي المستقبل و الحصان الاسود في عالم السيارات شئت ام ابيت
انظر للوراء و ابتسم فسبحان مغير الاحوال !!! لقد كنت من اشد المعارضين للسيارات الصيني و الان انا معهم قلبا و قالبا, فلقد تقدمت صناعتهم و تحسنت الجودة و السعر بلا شك منافس جدا جدا (بس التجار يرحمونا)
و اليوم اريد ان اشارككم ببعض صور معرض بيكين للسيارات لسنة 2008 !!!
ايوه 2008 علشان اعصابكم ماتتعبش اوي :)

WAFF | History, Politics & Economics Forum | World's Armed Forces Forum: Beijing Auto Show..Chinese Cars..Hot Hot..Big Pics....

**bassem.naguib** · 31-10-2012 08:34 PM

بالتأكيد الصين هي الحصان الرابح القادم في العالم كله في مجال صناعة السيارات .. ويا ليتنا نتذكر جيداً بدايات السيارات اليابانية والكورية في مصر .

**hugan** · 31-10-2012 08:42 PM

من الواضح ان جيلي فعلا شركه جامده
والدليل عربيتهم اللي ها يجمها غبور ومسمعه جامد في السوق المصري
لكن تحس التاتش الصيني موجود في التصميمات
في حاجه غلط في تصميم العربيات الموجوده في الصور
حاجات مبعجره كده وموجوده بدون داعي

**hossam_elwani** · 31-10-2012 10:00 PM

ردائه فى الخامات وده باين من الصور ..

**bassem.naguib** · 31-10-2012 10:31 PM

وأحب أضيفلك كمان .. ردائة في التقفيل لو دققت النظر شوية .

بس كل حاجة وليها زبونها .. ممكن ناس تضحي بجودة الخامات نظير أوبشن جوهري أو كمالية موجودة في السيارة ... وبالنسبة للتقفيل بيتعالج في الصيانات اللي بعد كدة .

السؤال الصح اللي المفروض يتسئل .. أيه اللي بحصل عليه مقابل اللي دفعته ؟!

مش ملاحظ أن عربيات كتيرة وماركات عريقة بيتدفع فيها مبالغ كبيرة مقابل ما تحصل عليه (جودة ، تكنولوجيا ، كماليات) بالإضافة إلى أنها تحمل الاسم الفلاني أو الماركة الفلانية !!!!

**hossam_elwani** · 01-11-2012 10:48 AM

المشاركة الأصلية كتبت بواسطة bassem.naguib

وأحب أضيفلك كمان .. ردائة في التقفيل لو دققت النظر شوية .

بس كل حاجة وليها زبونها .. ممكن ناس تضحي بجودة الخامات نظير أوبشن جوهري أو كمالية موجودة في السيارة ... وبالنسبة للتقفيل بيتعالج في الصيانات اللي بعد كدة .

السؤال الصح اللي المفروض يتسئل .. أيه اللي بحصل عليه مقابل اللي دفعته ؟!

مش ملاحظ أن عربيات كتيرة وماركات عريقة بيتدفع فيها مبالغ كبيرة مقابل ما تحصل عليه (جودة ، تكنولوجيا ، كماليات) بالإضافة إلى أنها تحمل الاسم الفلاني أو الماركة الفلانية !!!!

ابدا مش عشان الاسم بس .. ده تكلفة ابحاث وفنيين على اعلى مستوى لاظهار سيارات بجوده ومعايير عالميه .......اما شغل الصين فهو بكش والى الان والله اعلم بلمستقبل لانهم اكيد حيطورو من نفسهم

شوف فيديوهات تصنيع البى ام ولا المرسيدى ولا اى ماركه محترمه وانت حتعرف قد ايه الفرق وقد ايه بيصرفو على الابحاث والتجارب

**bassem.naguib** · 01-11-2012 11:28 AM

طب عاوز أسألك سؤال .. أنت كمستهلك (وخلي بالك في كلمة كمستهلك دي) يهمك في أيه أن الشركة الفلانية عملت أبحاث بالشيء الفلاني لحد ما وصلت للي هي فيه من تكنولوجيا علشان كدة بتدفع الكثير مقابل الأبحاث دي .

ولا اللي يهمك كمستهلك .. أنك تكون راكب حاجة بسعر أقل من شركة تانية وفيها نفس التكنولوجيا .. ممكن بجودة أقل شوية في الخامات .. ولكنها نفس التكنولوجيا .. ده بقى شغل شركات يصفوه بينهم وبين بعضيهم .. ملناش دعوة بيه كمستهلكين .

مثال .. لموبايل السامسونج .. نزل ابلكيشن وسوفت مشابه للأبل .. وبسعر أقل من النص .. حتقول لا يا عم السوفت ده بتاع أبل وأنا حشتري الأبل علشان صرفت في أبحاث وتجارب .. ولا اللي حيهمك السعر اللي حتدفعه مقابل نفس السوفت بس ممكن يكون باعتمادية بدرجة أقل .

وفي الأخر بتختلف وجهات النظر من شخص لآخر وكلاهما يحتمل الصواب والخطأ .. تحياتي .