الكيا ريو ما فيهاش ebd يارجالة ؟

**AHMED REFAT** · 30-10-2012 11:01 PM

انا نزلت فى جولة موسعة للسؤال عن الكيا ريو هاى لاين .. ابتدائا من الوكيل الى المصرية للسيارات الى سمير ريان .. الغريب عند السؤال عن كماليات الهاى لاين فى الوكيل اكدولى ان ما فيهاش ebd وان فراملها abs فقط فضلت اقاوح معاهم واجى يمين وشمال لانى ناس كثير قوى اكدت ان الهاى لاين فيها ebd وبرضوا قالولى لا لدرجة ان واحد من العارضين معاه واحده هاى لاين مواصفات اوربية كانوا جايبنها عرض وهو اشتراها قالى برضه بالمواصفات الاوربية اللى معايا ما فيهاش .. طلعت على المصرية وعلى سمير ريان وهناك اكدوا لى نفس الكلام .. كل شرايح الخليجى فيها abs ومافيهاش ebd . ارجوا التاكد من المعلومة من مالكيها وهل هى توكيل ولا خليجى والمعلومة اكيده ولا التخبط ده .. وجزاكم الله خيرا

**2CODE** · 30-10-2012 11:39 PM

الريو هاي لاين فيها abs و ebd اوتوماتيك ستيبترونيك ودي معايا انا دلوقتي

شوف الرابط ده فيه المواصفات الصح ليها :
Specifications : Kia Rio, a talented compact: Models l KIA Motors

وبرضه في الكتالوج العرض اللي هيديهولك في التوكيل مكتوب فيها abs و ebd الا لو هيديك فئه اقل خليجي على انها هاي لاين توكيل وده اللي 90% متوقعه حصل معاك

**AHMED REFAT** · 31-10-2012 12:35 AM

المشاركة الأصلية كتبت بواسطة 2code

الريو هاي لاين فيها abs و ebd اوتوماتيك ستيبترونيك ودي معايا انا دلوقتي

شوف الرابط ده فيه المواصفات الصح ليها :
specifications : Kia rio, a talented compact: Models l kia motors

وبرضه في الكتالوج العرض اللي هيديهولك في التوكيل مكتوب فيها abs و ebd الا لو هيديك فئه اقل خليجي على انها هاي لاين توكيل وده اللي 90% متوقعه حصل معاك

استاذ محمد متوقع من حضرتك السبق فى الرد .. بارك الله فيك ... انا ذكرت ان اول من افادنى بان ما فيهاش ebd هو التوكيل نفسه بغض النظر عن ما سمعت عن الخليجى لان من الواضح جدا ان كل العارضين فى الشركات ورغم احترامى الشديد لهم مش ملمين بالسيارة من الناحية التقنية ابدا ولكن الغرض البيعى فقط السعر وشوية كماليات ومشى حالك .. لكن انا بقول حضرتك التوكيل فى روكسى قابلت ا اسلام رسلان احد مسئولى المبيعات فى التوكيل وكاد يقسم ان ما فيهاش ebd بعد ان الحيت عليه بكثرة ... وطلبت البورشور اللى فيه المواصفات ماكانش متوفر ... حضرتك متاكد من تواجده عندك فى السيارة وشوفته بنفسك بجوار ال abs ولا المعلومات من خلال الكتالوج فقط ؟ ارجوا التاكيد وجزاك الله خيرا

**AHMED REFAT** · 31-10-2012 12:42 AM

المشاركة الأصلية كتبت بواسطة 2code

شوف الرابط ده فيه المواصفات الصح ليها :
specifications : Kia rio, a talented compact: Models l kia motors

انا قريت المواصفات وفعلا مكتوب ان هاى لاين فيها ebd ولكن لماذا يقول التوكيل خلاف هذا ... امران اما يكون العارض غير ملم بتكنلوجيا السيارة وهذا وارد لانى لما سألته عن نظام التعليق الخلفى قاله انه مقصات يعنى ملتى لينم وهو فى الحقيقة تورشيم بيم وليس ملتى لينك وده احتمال وارد ... أو انه تم تغير المواصفات منهم دون اعلان وابقاء السعر على ما هو عليه ويكون حصل بكده زيادة فى السعر غير رسمى احتمال وارد اخر .. الله اعلم .. ارجوا التاكيد من حضرتك
وسؤال فنى بقى .. انا لاحظت ان الطنابير الخلفية درام مش ديسكات .. فهل هذه يعمل مع ebd ام انهالابد ان تعمل على طنابير ديسكات لتوزيع الفرامل على الاربع عجلات حسب الاحتياج او بطريقة متساوية .. ؟

**2CODE** · 31-10-2012 08:27 PM

الموظف ده مع احترامي ليه ........ نظام التعليق يا ابوحميد من ورا torsion beam ومن قدام McPherson

**AHMED REFAT** · 31-10-2012 10:35 PM

المشاركة الأصلية كتبت بواسطة 2code

الموظف ده مع احترامي ليه ........ نظام التعليق يا ابوحميد من ورا torsion beam ومن قدام mcpherson

ليك حق يا استاذ محمد والله .. انا نزلت تانى النهاردة للتوكيل فى روكسى ورحت لنفس موظف المبيعات وقلتله انت عملتى شوشرة فى معلوماتى والغريبة بقى انه اكدى تانى ان ما فيهاش ebd قلتله حضرتك افتح الويب سيت بتاعكم وشوف المواصفات اللى انتوا كاتبنها .. فقالى دقيقة واحدة وراح اتشاور مع زميل ليه وانا سمعه بيقوله اه طبعا فيها ... فرجع وقالى اه يا فندم سورى ده طلع فيها ebd قلتله منا كنت عارف انها فيها ebd بس حبيت اعرفك علشان تقول للى هايسأل عليها بعد كده ان شاء الله ,, وضحكت معاه وسبته ومشيت ... والله دول شغالين ببركة الله ورزقه فقط للاسف .. ده فيه زملاء فى المنتدى هنا مفصاصين العربيات كلها لو راحوا وقفوا اتكلموا مع بتوع المبيعات دول ها يخلوهم يسبوا الشغل من الاحراج ... بارك الله لك فيها يا استاذ محمد ولكل مالكيها واعطاكم خيرها ومنعكم شرها ..و ادعولى ربنا يوفقنى فى شراها ان شاء الله

**2CODE** · 01-11-2012 01:27 AM

المشاركة الأصلية كتبت بواسطة ahmed refat

ليك حق يا استاذ محمد والله .. انا نزلت تانى النهاردة للتوكيل فى روكسى ورحت لنفس موظف المبيعات وقلتله انت عملتى شوشرة فى معلوماتى والغريبة بقى انه اكدى تانى ان ما فيهاش ebd قلتله حضرتك افتح الويب سيت بتاعكم وشوف المواصفات اللى انتوا كاتبنها .. فقالى دقيقة واحدة وراح اتشاور مع زميل ليه وانا سمعه بيقوله اه طبعا فيها ... فرجع وقالى اه يا فندم سورى ده طلع فيها ebd قلتله منا كنت عارف انها فيها ebd بس حبيت اعرفك علشان تقول للى هايسأل عليها بعد كده ان شاء الله ,, وضحكت معاه وسبته ومشيت ... والله دول شغالين ببركة الله ورزقه فقط للاسف .. ده فيه زملاء فى المنتدى هنا مفصاصين العربيات كلها لو راحوا وقفوا اتكلموا مع بتوع المبيعات دول ها يخلوهم يسبوا الشغل من الاحراج ... بارك الله لك فيها يا استاذ محمد ولكل مالكيها واعطاكم خيرها ومنعكم شرها ..و ادعولى ربنا يوفقنى فى شراها ان شاء الله

على رأيك والله ناس زيها زي الكراسي اللي قاعدين عليها وشغالين دي ارزاق بقى ربك وزعها من قبل خليقتنا

انا برضه لما روحت اشتري العربية قلت له فيها تلاجه قال لي لأ مفيهاش قلت له يا استاذي درج التخزين ده بيشتغل تبريد قال لي لأ

قلت له طيب مش مشكلة دي هشتريها برضه حتى لو مفيش
وبعد كده عمل الاوردر وانا قاعد والفرع في القاهره بعت له مواصفات العربية اللي قدامه قبل ما يبعتها بحسب طلبي منه علشان مشتريش سمك في ميا زي ما بنقول

وفي المواصفات اللي كان بيديهالوا الموظف اللي واقف قدام العربية قال له الدرج بيتحول تلاجة قال لي صح يا استاذ محمد فيها درج تبريد

طيب ماكان من الاول ياراجل

ههههههههههههههههههههه

الف الف الف مبروك عليك مقدماً عايز رأيي انا مندمتش للحظة لغاية لوقتي اني اشتريت الريو :)

انا مش بستعملها كتير سايبها للمشاوير التقيلة ومش عايز ابهدلها علشان لما احتاجها الاقيها محتفظة بجمالها لان ماشاء الله الكل بيتلوح لما بتعدي ههههههههههههههههه

**AHMED REFAT** · 01-11-2012 08:18 PM

المشاركة الأصلية كتبت بواسطة 2code

الف الف الف مبروك عليك مقدماً عايز رأيي انا مندمتش للحظة لغاية لوقتي اني اشتريت الريو :)

انا مش بستعملها كتير سايبها للمشاوير التقيلة ومش عايز ابهدلها علشان لما احتاجها الاقيها محتفظة بجمالها لان ماشاء الله الكل بيتلوح لما بتعدي ههههههههههههههههه

الله يبارك فى حضرتك لما اعطاك واعطاك خيرا ومنعك من شرها وامتعك بها دائما وابدا ويفضل الناس يتلوحوا عليها كده ان شاء الله ... وانا ان شاء الله توكلت على الله وهانزل اشتريها على الاسبوع الجديد وان شاء الله املى فى الله اننى لن اندم بمشيئة الله .. وجزاك الله خيرا لتدعيم قرار الشراء عندى وشكرا جزيلا لحضرتك