انا معايا فيرنا و بفكر ابيع و اجيب اوكتافيا

**bebo_bambino** · 31-10-2012 12:32 AM

السلام عليكم......
انا عايز مساعدتكم في اتخاذ القرار....
انا معايا فيرنا موديل 2008 عامله حوالي 52000 كيلومتر .... و معروض عليا اوكتافيا a4 موديل 2006 عامله حوالي 70000 كيلومتر و حالتها نضيفه و من ناس واثق فيها بس لسه معرضتهاش علي التوكيل...فبفكر ابيع الفيرنا ممكن تعدي 50000 جنيه و اجيب الاوكتافيا في حدود 75000 جنيه...فانا اعرف ان الاوكتافيا عربيه قويه و ثابته و انا شغلي علي الطريق الصحراوي و محتاج الثبات و هل الاوكتافيا عربيه مريحه و لا متعبه في السواقه و الشوارع المكسره و خصوصا اني اعرف ان الالماني ناشف شويه.....ايه رأيكم في الخطوه دي اجمد قلبي و اغير و لا مش حتفرق و بلاش مجازفه....فيريت تنصحوني اعمل ايه....
اسف علي الاطاله.....

**Mostafa.Mahran** · 31-10-2012 12:45 AM

مفيش مقارنة بين العربيتين اساسا نهائى
وبعدين انت شغلك على طريق سريع و محتاج عربية تقيلة و ثابته
بس اعمل حسابك فى قطع الغيار هتبقى اعلى شوية مقارنة بالعمر الافتراضى الاطول
جربها و انت هتحس بالفرق

**bebo_bambino** · 31-10-2012 05:36 PM

انا عارف طبعا ان مفيش مقارنه ...الاكتافيا حاجه تانيه طبعا.......بس انا بكلم علي اني ابيع عربيتي موديل 2008 و مربيها علي ايدي و انزل كمان سنتين لموديل 2006 في الاكتافيا ....فانا اتوكل علي الله و اجيبها و لا اعيد حساباتي...بس ده تفكيري.....يعني الاكتافيا عربيه بتعيش و مبتفتحش بؤها بدري....

**magid1010** · 31-10-2012 05:43 PM

العربيه الاوكتافيا جميله جدابس قطع غيارها غاليه يعنى مثلا و ده حصل و الله واحد جابها و غير زيت الفتيس بالف جنيه و كان عنده مشكله فى الجير بوكس فخلى بالك و وخد لفه فى القسم بتاع السكودا و ليه مش بتفكر فى النيسان ؟

**bebo_bambino** · 31-10-2012 06:28 PM

هو من ناحية قطع الغيار فالياباني غالي برده....و النيسان ٢٠٠٧ حلوه و مع واحد صاحبي بس انا محبتهاش و الاكتافيا احلي و اقوي في الاداء الالماني مميز برده....و مشاكل العربيه دي حظوظ و اعتقد قطع غيار الاكتافيا متوفره و بجميع الصناعات.....

**TokTok El7ob** · 31-10-2012 11:29 PM

اوكتافيا طبعا وربنا يوفقك بس اعمل حساب قطع الغيار

**AHMED REFAT** · 01-11-2012 12:14 AM

اولا لا مجال للمقارنة نهائى ... انت بتكلم عن فارق كبير جدا حتى ولو الفيرنا زيرو ... الاوكتافيا ستعطيك انطباع ركوب الالمانى زى الزلمكة كده فا ينفعش واحد راكب 128 موديل 99 ويقول انا جايبها من على الزيرو ومربيها على ايدى وخايف انزل بالموديل لزلمكة 92 مثلا .. توكل على الله ده عربية ما فيهاش غلطة ماشاء الله راحة وثبات وكماليات وعوامل امان واعتمادية .. سعر قطع غيارها فقط سيكون اغلى من الكورى ودهمتوقع وعادى ولكن مع انه معمر وشغال يبقى ما تخافش على فلوسك كمان ... توكل علىالله بدون نقاش والله ولن تندم .. المهم اكشف على العربية كويس قوى ولو اطمئنيت يبقى لا نقاش وربنايوفقك

**bebo_bambino** · 02-11-2012 01:39 AM

شكرا علي الردود الجميله دي و انا انشاء الله حتوكل علي الله و اجيبها

**bebo_bambino** · 19-11-2012 12:20 AM

العربيه فعلا جميله.....بس في سؤالين. الاول سعر العربيه كويس و لا مبالغ فيه هو 75000 جنيه و ثانيا الطاره (الدركسيون) متاكل شويه في بعض المناطق تحس ان هو متأشر ف ده عادي في الاوكتافيا..!

**mhmhmh75** · 19-11-2012 01:09 AM

لو واثق من ان العربية بلا عيوب اكشف عليها تمام وتوكل على الله لاكني بفضل الجديد فعربيتك رغم انها فرنا لاكن انتا لم تهنها وبتبعها لسبب التغيير او ركوبة مختلفة غيرك عادة مش كدة فشوف لو بيغير لأنة عايز يركب موديل احدث او شيء من هذا القبيل او انها فيها مشاكل انت في غنا عنها العربية اقتناع ومالها الفيرنا مدام مفيش مشاكل منها الله يوفقك