استعمال طبيب !! استعمال سيدة !!!

**أبو آسر** · 31-10-2012 05:08 PM

السلام عليكم

(استعمال طبيب)
(استعمال سيدة)
(استعمال مهندس)
(استعمال ظابط بحري) !! (شوفتها في إعلان)
.....
كلمات بنشوفها كتير في إعلانات بيع السيارات
لكن هل الكلمات دي ميزة للسيارة عشان يرفقوها بإعلاناتهم ؟
أنا عن نفسي (وجهة نظري الشخصية) مش شايف فيها أي ميزة
بالعكس قد تكون عيبا قاتلا أحيانا بالذات مع كلمة (استعمال سيدة) !!! [ مع احترامي لجميع السيدات اللي بيعرفوا يسوقوا طبعا ]
فمش معنى إن صاحب العربية دي طبيب يبقى العربية مش متهانة مثلا أو فيها ميزة عن عربية تانية استعمال ويب ديزاينر زي حالاتي مثلا
فمش كل الدكاترة زي بعضهم أكيد في الرعاية والاهتمام بالعربية وفي الخبرة والمهارة في السواقة
فأكيد زي ما في دكتور منظم ومرتب ونضيف أكيد في واحد تاني دكتور برده بس مهمل ومتهور و ...
وكذلك الحال بالنسبة لباقي المهن والوظائف
أما (استعمال سيدة) فلو يقصدوا يعني ان عشان استعمال حريمي هتبقى كويسة فأنا وجهة نظري برده إنها عيب للعربية مش ميزة ، لأننا كلنا عارفين سواقة الستات عندنا في مصر عاملة ازاي
فغالبا هتلاقي العربيات اللي سايقها ستات يا إما مخبوطة ، يا إما فيها قطع غيار مغشوشة مثلا بسبب قلة خبرتهم واشتغالة كتير من الصنايعية ليهم على عكس الرجال ( وده مش تحيز مني أنا بتكلم عن واقع محدش يقدر ينكره وهي دي طبيعة الست متقدرش تغيرها حتى لو كانت هناك استثناءات لكن أكيد دي من باب إن كل قاعدة ليها شذوذ )

شاركونا بالرأي في الموضوع ده

**amr5500** · 31-10-2012 05:19 PM

مالهاش اي ميزة
المهم حاله العربيه

**ALYSALIM** · 31-10-2012 05:47 PM

المقصود ان العربية مش متهانة زي باقي العربيات يعني مفيش وقت للشد والجري وكيلوات بمئات الاف وخمسات وكحرته وكمان بيحافظ علي كل قطعة فيها عشان السلامة وعشان حالته المادية ان بيقدر يصرف عليها -- ده كل الموضوع --وفعلا حاول تشوف العربيات دي هتلاقيها في اغلبها كويسة بس المشكلة انها مبالغ في سعرها عشان اللي عامل الاعلان تاجر لان لو صاحبها اللي بيبعها مش هيكتب كدا غالبا عشان مش عاوز يكشف هويته قدام الناس -- اما موضوع ست فالكل بيخاف من سواقة الستات فافتكاسه دي

**mohamed_mohsen** · 31-10-2012 06:00 PM

فعلاً حاجه غريبه....كأن الفئه دي هي اللي بتحافظ علي العربيه...و الباقي مبيعرفوش يسوقوا و مابيحافظوش علي حاجه

**AHMED_DINAMO** · 31-10-2012 06:05 PM

هههههههههه ايه ميزتها ده استعمال سيده يعنى العربيه متظبطه جداً وطلعان .ً,!؟!؟ اهلها
طب وبالنسبه للطبيب ايه بيكشف عليها بالمجاااان ف مش متهانه وبتتصلح على طوووول
وظابط بحرى بيغسلها كل يوم بالمياه يعنى ولا ايه ههههههههه
وبالنسبه للمهندس 24 ساعه بيصلح فى الموتور

كلها افتكاسات شعب طيب وغلبان بيحاول يغلى فى حاجته وخلااااص

**hossam_elwani** · 31-10-2012 06:17 PM

انا عمى طبيب ومهمل جداااااااااا فى عربيته

كلام لتترويج ومفيهوش اى ميزه

**أبو آسر** · 31-10-2012 06:32 PM

المشاركة الأصلية كتبت بواسطة amr5500

مالهاش اي ميزة
المهم حاله العربيه

تمام

المشاركة الأصلية كتبت بواسطة eldell

بص والله انا شايف انها مش بتفرق يعنى زى ماانت قولت كل وظيفه كل شخص فيها اكيد مش زى التانى فى واحد بيبقى محافظ وواحد يبقى بيفرم العربيه وبالنسبه للستات تاخد من تحت ايدهم ماتور حلو لاكن صاج مش كله زى بعضه وعفشه زفت

كلام مظبوط

المشاركة الأصلية كتبت بواسطة ALYSALIM

المقصود ان العربية مش متهانة زي باقي العربيات يعني مفيش وقت للشد والجري وكيلوات بمئات الاف وخمسات وكحرته وكمان بيحافظ علي كل قطعة فيها عشان السلامة وعشان حالته المادية ان بيقدر يصرف عليها -- ده كل الموضوع --وفعلا حاول تشوف العربيات دي هتلاقيها في اغلبها كويسة بس المشكلة انها مبالغ في سعرها عشان اللي عامل الاعلان تاجر لان لو صاحبها اللي بيبعها مش هيكتب كدا غالبا عشان مش عاوز يكشف هويته قدام الناس -- اما موضوع ست فالكل بيخاف من سواقة الستات فافتكاسه دي

وجهة نظر تحترم

المشاركة الأصلية كتبت بواسطة mohamed_mohsen

فعلاً حاجه غريبه....كأن الفئه دي هي اللي بتحافظ علي العربيه...و الباقي مبيعرفوش يسوقوا و مابيحافظوش علي حاجه

افتكاسات مصرية

المشاركة الأصلية كتبت بواسطة AHMED_DINAMO

هههههههههه ايه ميزتها ده استعمال سيده يعنى العربيه متظبطه جداً وطلعان .ً,!؟!؟ اهلها
طب وبالنسبه للطبيب ايه بيكشف عليها بالمجاااان ف مش متهانه وبتتصلح على طوووول
وظابط بحرى بيغسلها كل يوم بالمياه يعنى ولا ايه ههههههههه
وبالنسبه للمهندس 24 ساعه بيصلح فى الموتور

كلها افتكاسات شعب طيب وغلبان بيحاول يغلى فى حاجته وخلااااص

ههههههههههههه فعلا عندك حق

المشاركة الأصلية كتبت بواسطة hossam_elwani

انا عمى طبيب ومهمل جداااااااااا فى عربيته

كلام لتترويج ومفيهوش اى ميزه

الاعتراف بالحق فضيلة يا دكتور

المشاركة الأصلية كتبت بواسطة mmen3m

انا كطبيب العربية بصراحة متهانة معايا اوي اوي :)))

ياعني لما بكونمتأخر عن المستشفي ممكن اطلع بالعربية من غير تسخين والبس كام مطب بس الصراحة العربية من جوه نضيفة اوي وبهتم بالمعطرات

انا فاكر كان واحد صاحبي صيدلي عنده دوجان (اتسرقت :)) كان دايما بيوجب في الافراح بالعربية وكان بيطير بيها علي المطبات وكنا بنتريق عليه ونقوله استعمال طبيب

فالحالة العامة للعربية هي الي بتحدد قيمة العربية مش الشخص الي بيستعملها

هههههههههههههه
الاعتراف بالحق فضيلة برده

شكرا على التفاعل المميز وعايزين نشوف آراء تانية

-

-

مشاهدة نتائج الإستطلاع: هل إضافة كلمة (استعمال طبيب) أو (استعمال سيدة) في إعلان بيع سيارة يعتبر ميزة للسيارة

الموضوع: استعمال طبيب !! استعمال سيدة !!!

LinkBack

أدوات الموضوع

عرض

استعمال طبيب !! استعمال سيدة !!! - انشر الموضوع فى :

-

المواضيع المتشابهه

للبيع ماتيز استعمال سيدة موديل 99

اوبترا استعمال ام كروز استعمال ام لانسر شارك استعمال ام النترا 2012 جديده او كسر زيرو

سوزوكى ماروتى 2010 للبيع - استعمال سيدة

سيريون 2000 استعمال طبيب

استعمال طبيب للبيع

الكلمات الدلالية لهذا الموضوع

المفضلات

المفضلات

ضوابط المشاركة