الموضوع: أنا فى ورطة ومحتاج ردكم ومساعدتكم لو سمحتم

ينفع أجدد بأسم المالك القديم وأدفع كل الرسوم وبعدها أنقل ملكية لأن التصريح ألى فيها أنتهى بقالة شهر تقريبا؟ وفى الحالة دى يبقى لما أنقل ملكية هادفع ضرايب وتأمين تانى ولا خلاص .

لو هو المالك الاول وعاملك توكيل عام تقدر تجدد بإسمه تانى

أشترى أوراق الترخيص ونقل الملكية من أى مرور ولا لازم نفس المرور؟

بالنسبه لنقل الملكيه

لو رخصة العربيه لسه ساريه بتروح بيها الشهر العقارى وبالتوكيل اللى مع حضرتك بتعمل بيع لنفسك بالتوكيل اللى معاك وبعد كده بتروح المرور التابع لحضرتك بتفحص فيه وبتمشى الاجراءات

لو منتهيه الرخصه بتروح تجيب شهادة بيانات من المرور الحالى للرخصه مرفقه للشهر العقارى وبعد كده الخطوات اللى فوقيها :)


وورق التراخيص موجود فى وحدات المرور ..

نقل الملكية هل لازمأرجع للمرور القديم عشان أهد مطابقة بصمة زى ما بيقولوا ولا أنتهى اكلام دة ؟؟

مطابقة البصمه هتنفعك عشان تنجز فى موضوع الفحص بدل ماتروح تفحص فى مرورك الجديد وترجع للقديم عشان تطابق :) .

ينفع أروح المرور أطلع منة 2 شهادة بيانات + 1 شهادة مخالفاتأم لا ؟

هتطلع 2 فى حالة لو الرخصه انتهت زى ماقولتلك فوق عشان ترفق واحده للشهر العقارى وواحده للمرور الجديد ,

وشهادة المخالفات هتطلعها من المرور القديم وتروح تدفع فى نيابات المرور عشان تعرف تكمل اجراءاتك .


والله اعلى واعلم

والباقى انا مرديتش عليه عشان مش فاهم صيغة السؤال بصراحه

وربنا يوفقك إن شاء الله ويسهلك الامور