الموضوع: المراية الشمال للفنتازيا إتسرقت كلها ومحتاج مشورتكم ضروري

لا حول و لا قوه إلا بالله . الموضوع ده كان انتشر من كام شهر عند منطقه الميرىلاند فى مصر الجديده و حصلت كذا حادثه سرقه المرايات و حتى فى اعضاء من القسم هنا مسكوا الحراميه و سلموهم للشرطه . طبعا حاجه تحرق الدم و الاسعار مبالغ فيها انا هاحط لحضرتك المواضيع القديمه دى و حضرتك بص فيها علشان كان فيها معلومات كويسه عن بتوع قطع الغيار و اقتراحات لأفضل الحلول و ان شاء الله تفيدك و ما تزعلش قدر الله و ما شاء فعل

http://www.nilemotors.net/Nile/263124-a.html
http://www.nilemotors.net/Nile/267901-a.html

ألف شكرا على ردك لاند كروزر بدأت أكون فكرة من المواضيع إللي حضرتك ضفتها
ووالله دمي محروق خصوصا بعد أما عرفت الأسعار الخزعبلية دي وخايف أركب المراية لاتتسرق تاني ومش عارف أولع في نفسي ولا في البلد ولا أعمل إيه !!

المشاركة الأصلية كتبت بواسطة شاهين - بنز

ألف شكرا على ردك لاند كروزر بدأت أكون فكرة من المواضيع إللي حضرتك ضفتها
ووالله دمي محروق خصوصا بعد أما عرفت الأسعار الخزعبلية دي وخايف أركب المراية لاتتسرق تاني ومش عارف أولع في نفسي ولا في البلد ولا أعمل إيه !!

معلش قدر الله و ما شاء فعل و قضا أخف من قضا. ان شاء الله بس بعد كده لما تظبط موضوع المرايه تبقى تحاول على قد ما تقدر تأمنها بأن حضرتك تركن العربيه فى جراج او قدام البواب او سايس او حتى تغطيها بغطاء قديم علشان تبقى عملت اللى عليك و تخللى الحرامى يحس ان الموضوع صعب فيصرف نظر عنها

معلش قدر الله و ما شاء فعل و قضا أخف من قضا. ان شاء الله بس بعد كده لما تظبط موضوع المرايه تبقى تحاول على قد ما تقدر تأمنها بأن حضرتك تركن العربيه فى جراج او قدام البواب او سايس او حتى تغطيها بغطاء قديم علشان تبقى عملت اللى عليك و تخللى الحرامى يحس ان الموضوع صعب فيصرف نظر عنها

هي أما إتسرقت كان أخويا مبيتها في حتة قلق ونسي يدخلها المستشفى عنده بس ده ميمنعش إني حتتي قلق برضو لسه من كام شهر واحد في المنطقة كان معاه c180 الفيس ليفت لطشوا المراتين بتوعو والشاهين عندي كنت مجنزر البطارية طفشوا القفل وسرقوها وفعلا معاك حق انسب حاجة الجراج أو تتغطى

قدر الله ماشاء فعل
انا حاسس بيك والله
منهم لله كلاب الشوارع دى
الافضل ركب تايوانى دلوقت لان فيه ناس تخصص سرقه كفر المرايا للفانتازيا فخليك فى التايوانى دلوقت

طب يأستاذ طارق متعرفش الإستيراد ممكن تعمل كام لإني حسيت الراجل مبالغ في السعر وإيه رأيك في التيواني التعتيم بتاعه والفولد حيشتغلوا كويس ولا ممكن يعطلوا قدام

ها ياجماعة ساعدوني أنا نازل بكره الحرفيين على عمايا وعايز أعرف أروح في وآجي منين

قدر الله وما شاء فعل واحسبها ان لا قدر الله جات فى حاجه كبيره كنت حتعمل ايه ده ممكن يهون عليك شويه.
رجاء الى الاعضاء مالكى فانتازيا مساعدتك لان ده موقف ممكن اى حد فينا يتعرضله و ربنا معاك