مساء الخير ياجماعه الواحد عايز يتكلم ويطلع اللى جواه عشان زهق ومش عارف يعمل ايه بصراحه
بأمانه الموضوع بقى صعب اوى بالنسبه لأصحاب العمل الحر من شركات ومصانع و حتى المحلات الصغيره وانا واحد من اصحاب المصانع المتوسطه مش بالكبيره الضخمه او الصغيره فبعانى من بعد الثوره بصوره كبيره اوى اوى اوى فعلا
السوق فى انهيار لخساره لمستقبل مايعلم بيه الا ربنا والواحد على قد مابيقدر بيعمل ويشتغل عشان خاطر العماله و الفنيين والسواقين و...... والناس اللى فاتحه بيوتها من ورا المصنع
انا بقالى 5 سنين ماسك المصنع من والدى لأنه كبر ومسكنى كل حاجه فمبقتش قادر من اللى بشوفه اصحاب المصانع اللى اعرفهم 90 % قفل او غير النشاط لنشاط تاااااااانى خالص
الوضع مكنش كده قبل الثوره رغم الصعوبات والمعوقات اللى كنا بنشوفها من المخلوع وشلته لكن الوضع دلوقتى اسوأ من الأول بطريقه متتصدقش
الواحد بيحاول يعمل اللى عليه وسايبها على ربنا يعنى شقتى اللى كنت هتجوز فيها بعتها عربيتى بعتها وجبت حاجه اقل بحاول امشى الدنيا على قد مااقدر بس بجد تعبت وزهقت ؟!
حتى انتاج المصنع خفضته من العمل بكامل كفائته الى النص مع تخفيف بسيط فى العماله والفنيين وبرضه مش نافع ؟؟!!
الوضع الأقتصادى دلوقتى فمصر بيمر بمنعطف خطييير جدا اقرب للسقوط من الصعود ومش هيفهم كلامى ده الا الناس اللى دارسه وعارفه يعنى ايه اقتصاد او شغالين فى الأعمال الحره
ومفيش اى امل او حتى بادره نقدر نتنفس منها
حتى البورصه ( رغم انى نجيت منها من حوالى سنه ) لكنها برضه فى انهيار ولسه اللعب فيها زى ماهو واحد صاحبى جاتله ازمه قلبيه وهو مكملش 29 سنه بسبب البورصه وخسارته الكبيره فيها
فياترى الناس رأيها ايه وشايفه الوضع عامل ايه وياترى ممكن تكون فى حلول للأيام اللى جايه ولا ؟؟
المفضلات