مســـاعده فــى شـــراء مـــوتســـيكل

**يوسف 017** · 02-11-2012 10:48 PM

السلام عليكم ورحمه الله وبركاته
احسن شباب
الله يهنيكم ويسعدكم دائما يارب

انا محتاج مساعدتكم فى شراء موتسيكل
الميزانية 7000 جنية وصعب يكون اكتر من كدة
انا اللى محتاجه انه يكون كويس وقطع غياره متوفره
صينى صينى مش مهم اى حاجة
بس يكون شكل كويس ويستحمل سفر وكدة
وياريت اللى يجبلى يجبلى بالصور لانى محتار اوى اوى
-------------
وياريت يا جماعه معلش حاجة تانيه تجبيلوا انواع الفيسب اللى اشكالها حلو وتستحمل سفر وسعرها حنين وكدة طبعا دة مش مهم المهم السؤال اللى فوق بس يعنى لو قدرت جبلى دة كمان منتظر بفارغ الصبر
ومعلش محدش يقولى بلاش صينى بس انا ميزانيتى مستحيل تكون اكتر من كدة منتظركم

**joacky** · 02-11-2012 11:00 PM

خدلك لفة فى المواضيع اللى قبل كدة تلاقى اللى انتا عايزة بالضبط
:w_030:

**bmask** · 03-11-2012 12:44 AM

اخي الكريم عندك

موتوسيكل دايون 6

موصفاتو

موتور : 150 سي سي , 1 سيلندر , تبريد زيت وهواء

السرعه: القصوي: 180 كم/س

الحموله القصوي : 170كج

بدايه التشغيل: مارش

الفرامل : باكم خلفي وامامي

مساعدين : زيت وهواء

عداد سرعه : ديجيتال

جنوط: الومنيوم بلون الموتوسيكل

كاوتش: تيوبليس عريض

السعر : من 6000 الي 6500

اخي الكريم انا لم اجرب الموتوسيكل لكن في ناس بتشكر فيه

**يوسف 017** · 03-11-2012 07:22 AM

طيب الدايون 6 دية يا جماعه الواحد ميقدرش يعملها تعديلات انه يخليها شبهة الريس ولو شبهة بسيط بس تكون شبه الريس كدة وهتتكلف كام لو ينفع وهل دة اخر حاجة متأكدين يا جماعة انا محتار اوى والله ونفسى فى مكنه كويسه كدة

**bmask** · 03-11-2012 08:24 AM

انت ممكن تدور علي ريس صيني

انت لو تعرف تزود المزانيه الي 9.5الف ممكن تجيب حته صيني زي دي

دي شبيها بموتوسيكلات هوندا 1000 علي ما اظن

لو عجبتك دي ممكن تقول لي وان اهبعت للك رابط الفيس بتاع المعرض تسالهم اذا كانت نزلت مصر ولا لا

لاني سالتهم قبل العيد قالو انها هتكون عندهم بعد العيد و هي 200cc وفرامل باكم امامي وخلفي

**يوسف 017** · 04-11-2012 12:55 AM

تمام هات رابط الفيس بوك طبعا

**bmask** · 04-11-2012 02:54 AM

اتفضل

https://www.facebook.com/pages/Jieda...60976323916413

**thebast** · 04-11-2012 03:01 AM

السلام عليكم ورحمة الله وبركاتة
كثيرا من الاسئلة والاستفسارت حول افضل انواع المكن الصينى
ولماذا ومقارنات وهكذا
فحبيت ان اوضح بعض النقاط
اولا لابد على ان نتفق على ان المكن الحلاوة هو رقم واحد وياتى بعدها الانواع الاخرى
وذالك لان الحلاوة تعتمد على مبرد وعلى جودة صناعتها والاستحمال وما شابة
اذا عندما نسال عن افضل مكن صينى فلابد ان يكون حلاوة
ولاكن اختلفت انواع الحلاوة فما الافضل فيهم
منا من يقول ان الكينج الافضل ومنا من يقول التايجر وفى الى هيقول الوينج
ولاكن الافضل فعلا وبلا منازع هى الحلاوة الروكيت
اة الروكيت اية مسمعتش عن الاسم دة ؟ اة مسمعتش
هقولك مسمعتش لية
لان الحلاوة الروكيت اصلا التانج بتاعها مش مطبوع علية كلمة حلاوة ودة لان الى بيحط الاستيكرات الوكيل ووكيل الحلاوة الروكيت قليل جدا فى مصر يعنى مش هتلاقى مكنة مكتوب عليها روكيت غير نادر جدا
تانى حاجة المكنة دى اتنين شكمان مش شكمان واحد
المكنة دى لما تبص على حجم الماتور تتخص لانة كبير وباين الجودة فية اوى دة غير التانك الكبير والعدادات الديجتال الى فية
هتقولى طيب ما هى كدة زى الحلاوة التاجير بس ب 2 شكمان
اقولك بس التايجر 150 سى سى لاكن الروكيت 200 سى سى
يعنى بصراحة معاك مكنة كاملة متاكملة ولذالك هى افضل نوع مكن صينى فى السوق دة غير ان الكاوتشات عريضة وصوت المكنة تحس انك راكب مكنة بجد

2 شكمان
شكل جميل جدا
جودة الصناعة
تانك كبير
عدادات ديجتال
200 سى سى
ويكفى انها حلاوة

سعر المكنة الحلاوة الروكيت 5900 فى حدائق القبة بالقاهرة
على فكرة المكنة دى نار ما يسوقها المصرين لانهم ميعرفهاش وغالب الى بيسوقها الجماعة الروسيين بمصر
دى صورة للتايجر هى نفس الشكل بس 2 شكمان و200 سى سى طبعا لاحظوا الماتور بتاعها عامل ازاى بيفكرنى بماتور الجاوا

منقول