طرقعه فى الفرامل

**amr_adel00** · 03-11-2012 04:13 AM

1- اغلبية الوقت لما بدوس فرامل بحس بطرقعه فى دواسة الفرامل, الطرقعه دى بتبقى فى اول الدوسه على البدال و بقيه مشوار الفرامل مفيش فيه ترقعه..
2-مع كل دوسة فرامل باسمع زى تكتكه او حاجه بتحك فى حاجه من الجنب اليمين بس, و ده برده فى اول مشوار الفرامل يعنى فى بداية التحميل عليها يعنى لو بافرمل براحه اوى اسمع الصوت لو بافرمل جامد مش باسمع حاجه غير فى اللحظه اللى العربيه وقفت فيها..
روحت اخدت الطنابير وش عند الخراط و حكمت التيل كويس اوى و راجعت على العفشه تمام,, الدنيا بقت احسن من الاول بكتيييير بس لسه باسمع صوت على خفيف..
تفتكروا 1 و 2 ممكن يكونوا من ايه ؟؟
شكرا

**amr_adel00** · 04-11-2012 03:36 AM

متابع

**مصطفى دايو** · 04-11-2012 03:45 AM

صوت الطرقعة من السرفو والصوت التانى ممكن تكون خامة التيل وحشة مصطفى دايو

**amer_el7op** · 04-11-2012 10:04 PM

بص ياريس فى حاجات كتير تبص عليها ونحاول نبعد عن السيرفو دلوقتى المشكله دى اوقات بتحصل من التيل نفسه وبالذات لمايكون التيل مش اصلى بيبقى اوقات مش محكوم كويس وبيتحرك وهوه فى الكاليبر بتاعه وممكن من الصوابع بتاعت الكاليبر وانتا غلطت انك خرط الطنابير لانها كده انتهت المهم اتاكد من الحجات اللى قولتها كويس لو مش منها يبقى فعلا من السيرفو ولو التيل بتاعك قرب ينتهى غيره بااصلى وقبل كل شىء خلى ميكانيكى يخدلك الهواه بتاع الاربع عجلات ومن السيرفو نفسه وباذن الله تتحل مشكلتك

**amr_adel00** · 05-11-2012 04:31 AM

المشاركة الأصلية كتبت بواسطة amer_el7op

بص ياريس فى حاجات كتير تبص عليها ونحاول نبعد عن السيرفو دلوقتى المشكله دى اوقات بتحصل من التيل نفسه وبالذات لمايكون التيل مش اصلى بيبقى اوقات مش محكوم كويس وبيتحرك وهوه فى الكاليبر بتاعه وممكن من الصوابع بتاعت الكاليبر وانتا غلطت انك خرط الطنابير لانها كده انتهت المهم اتاكد من الحجات اللى قولتها كويس لو مش منها يبقى فعلا من السيرفو ولو التيل بتاعك قرب ينتهى غيره بااصلى وقبل كل شىء خلى ميكانيكى يخدلك الهواه بتاع الاربع عجلات ومن السيرفو نفسه وباذن الله تتحل مشكلتك

متشكر اوى يا باشا على ردك و اهتمامك..
بس ممكن اعرف انا ليه غلط لما خرط الطنابير ؟؟ و ازاى يعنى انتهت ؟؟
انت كده قلقتنى