................................................
رقم العضوية : 52405
تاريخ التسجيل : 07Nov2009
المشاركات : 1,292
النوع : ذكر
الاقامة : مصر
السيارة: تويوتا كورولا 2013
السيارة[2]: داتشيا 1310 1997
دراجة بخارية: لا يوجد
الحالة :
سلام الله عليكم ورحمته وبركاته
[/color]
أولا أعتذر أشد الإعتذار عن عدم المتابعة لهذه المواضيع وخاصة أنها تخصني لإمتلاكي لمثل هذه السيارة
لكن ظروف الإمتحانات وأخر سنة في الكلية جعلتني غير منتظم بالدخول دعواتكم معانا...وعذرا مرة أخرى
أنا لاقيت الأخ محمد عامل مواضيع كثير عن العربية 1310 وأنا كنت في غيبوبة عن هذه المواضيع والله لسة شايف الليلة دي كلها النهاردة
وشكرا جزيلا للإخوة اللي حاولوا يساعدوه بالمعلومات
ونظرا لأني قد تأخرت كثيرا فقد جمعت أسئلة الأخ محمد في مواضيعه كلها وأجبت عليها في هذا الموضوع المنفرد لتعم الفائدة
بص يا غالي
الرينو 12
صناعة فرنسية
فتيس 4 غيار
الموتور ممتاز جدا جدا وخاصة لو مع الفتيس الـ5 غيار بتاع الداتشيا1310
شكل قديم ومش حلو
أخر موديل فيها أوائل الثمانينات أو حتى أواخر السبعينات تقريبا مش فاكر
قطع الغيار متوافرة بكثرة في القاهرة فقط لكن أي منطقة أخرى في الجمهورية لن تجد لها مسمارا
الداتشيا1310
سيارة مصنوعة على نفس أساس الرينو 12
صنعتها شركة داتشيا الرومانية بعد إيقاف رينو صناعتها لرينو 12
مع التحسين إلى حد ما في الشكل والتابلوه
الموتور لا يقل عن الرينو 12 في شئ وربما يكون أفضل وعمره طويييييييييل لو حالته كويسة (للعلم أنا جربت الإثنين ولم ألحظ فارقا يجعلني أميل لأحدهما)
فتيسها 5 غيار (هام جدا لأن 4 غيار بيتعب الموتور وبيعلي صوته وبيخليك تلتزم بسرعة هادية لأنك لو زودت بنزين العربية صحيح هتديك سرعة لكن صوت الموتور هيعلى والأر بي إم هيعدي 3000 وهتضطر خوفا على الموتور إنك تهدي السرعة لكن ال5 غيار بتعيش حياتك معاه عادي)
أخر موديل فيها كان98
قطع الغيار متوافرة أيضا بكثرة لكن في القاهرة فقط والميزة في الداتشيا 1310إنها مبنية على أساس الرينو 12 يعني 95% من قطع غيار الرينو 12 هتركب على الداتشيا1310 فلما تروح تشتري قطعة غيار
قدامك التركي والروماني والفرنسي وإختر ما شئت وأنصحك دائما بالروماني أو الفرنسي
ومحلات قطع الغيار كثير
البساطي .......شارع الترعة.......أحمد حلمي
رينو هوم.........شارع الترعة.......أحمد حلمي
رينو منصور......شارع الترعة .........أحمد حلمي
أحمد أوفة.....وكالة البلح........للقطع الإستيراد
رينو الدكتور.........عزبة شلبي.....للقطع الإستيراد
وغيرهم كثير في مناطق أخرى
لو بتتكلم عن النوفا فأنا معرفش فيها أوي لكن معتقدش إن سعرها هيبقى 24 خالص إلا لو واحد لسة شاددها من الأف للياء
لكن الداتشيا1310 سعرها لن يتتعدى الـ18 ألف في أحسن الأحوال لو فعلا مصروف عليها
يعني حدودها من 12إلى 18 ألف
[color="rgb(139, 0, 0)"]
النوفا بالتأكيد أحسن في الشكل بكثير من 1310
النوفا موديل أحدث
الـ1310 أفضل من حيث قطع الغيار بمرااااااااااحل قطع غيار النوفا قليلة في السوق
الـ1310 أوسع من النوفا
[color="rgb(139, 0, 0)"] [/color]
في فرق بين الشد والصيانة
شد العربية يعني تظبيطها من حيث الميكانيكا والعفشة ورش الدهان وووو......إلخ
صيانة العربية اللي هي تغير ما يلزم تغييره من قطع مستهلكة مثل الفلاتر والزيوت ووو......إلخ
نصيحتي تجيب عربية حالتها ممتازة ولا تقبل بأقل من ممتازة ولو هتجيب عربية محتاجة شدة يبقى
تمشي على رجلك أحسن لك لأن شد العربية وخاصة القديم بيصرف جامد ومبتلاقيش نتيجة مرضية(عن تجربة)
لكن لو عربية حالتها كويسة غير اللي إنت عايزة زيت فرامل , زيت موتور , زيت فتيس , فلاتر هواء وزيت عييييش
الخلاصة :
1-العربية 1310 جيدة جدا فقط في حالة أنك من سكان القاهرة علشان تلاقي قطع غيار بسهولة أنا من القليوبية وشوفت المر بسبب الموضوع ده رغم القليوبية مش بعيد
2-لازم تكون حالة العربية ممتازة علشان متتعبكش في مصاريف ملهاش لازمة
3-حرارة العربية بتعلى في الصيف زي كل عربيات الرينو وخاصة القديم ودي لها حلولها كثير أكلمك عليها بعدين بالتفصيل لو نويت على العربية
4-تحافظ على العربية وخاصة الكبالن والعفشة
5-أي إستفسار أخر أنا في الخدمة لكن نبهني برسالة على الخاص لأني غير دائم التواجد خاصة هذه الأيام
بالتوفيق وربنا يوفقك للأفضل ويعطيك خيرها ويكفيك شرها
وعذرا للتأخر عليك
رقم العضوية : 52405
تاريخ التسجيل : 07Nov2009
المشاركات : 1,292
النوع : ذكر
الاقامة : مصر
السيارة: تويوتا كورولا 2013
السيارة[2]: داتشيا 1310 1997
دراجة بخارية: لا يوجد
الحالة :
................................................
رقم العضوية : 128362
تاريخ التسجيل : 01Aug2012
المشاركات : 127
النوع : ذكر
الاقامة : egypt
السيارة: hyundai RB
السيارة[2]: hyundai new accent
دراجة بخارية: no
الحالة :
بالنسبة للعربية الداتشيا نوفا تعتبر عربية اسطورة بالنسبة لسعرها(best value for price)للاسق انا كانت معايا وبعتها وندمت ندم شديد وبدور حاليا علي اللي خدها بس مش لاقيه لانها اتباعت معرض عشان عايز اشتريها تاني منه.......صورها رافعها علي الموضوع الخاص بصور الداشيا نوفاhttp://www.nilemotors.net/Nile/281852-a.html
المهم العربية دي اشتريتها من 7 سنين ب 28 اللف كانت تقريبا كسر زيرو ماشية 17 اللف كيلو بس وطبعا انتو عارفين تقفيل العربية السئ وضبط تقفيل الابواب و فواصل الشنطة وطبعا كانت بتسخن مع القرص ومشيت حالي بيها 4 سنين لحد ما المكنة ماتت خدت بعضي وعلي عزبة شلبي جبت العقربة (صالة الماتور) كاملة رينو 9 بمقصاتها بموتورها بفتيسها بالجنبين(طنابير واجهزة فرامل) بالضفيرة (فراغنة النص الرينو9) و طبعا مشيل حليم غني عن التعريف(حرامي بالفطرة) كان عايز يبعلي الاكصدام الامامي (فيبر فقط بدون الشاسيه اللي تحته) ب1200 جنيه غالبا كان فاكرها ميجان ما عالينا المهم اتعورت في الفوانيس الامامين والخلفين 750+380 ولونه اللي عندي شغالين بس عغا عليهم الدهر وكنت عايز اشدها بالمرة ولانه افتكرت نفسي ناصح لما فاصلت جامد في سعر الموتور من عند الحاج عاطف اللي في عزبه شلبي (كان طالب 5500 جنبه و انا اصريت علي ال3500 وخدتهم فعلا فكان الفرق حلو جبيت الفوانيس و طقم جنط.....ورجعت علي البلدشيل وحط المهم كله تمام بس العدادات مش مضبوطة عشان قراءة ساعة الحرارة مش متولفة علي ملف عداد الداتشيا....هوب انزل للحاج عاطف(كنت فاكره كنز) اتفرجت علي كام تابلوه كامل عجابني بتاع الرينو 19 شماد محدش يستغرب لانه ال19 اعرض بكتير اتصلت بالسمكري و اديته مقاسات التابلوه ورد عليا بانه ينفع يركب بس اجيبه بالقطمة بتعاته(قطمة الدريكسيون) وفعلا اخدته كامل بضفيرة ب2100 بالعافية ورجعت طبعا اخدنا انا والسمكاري ليالي سودا عشان نعرف نريحه(غاوي عذاب) المهم ركب والكهربائي نظم الفيش عشان نص الضفيرة9 والنص التاني 19 بس بصراحة اول ماشتغل التابلوه نساني كل العذاب كان تحفة مقارنة ببتاع الداشيا و طبعا التابلوه جاي فيه زرارير الزجاج الكهرباء ووحدة الرفع كمان رحت مركب مكن ازاز كهرباء......طبعا بعد الحركات دي كلها مش هركب الاكصدام المشرشخ قولت للسمكري الاكصام ب700 جنيه طبعا لو قولتله ب1200 كان طمع اكتر المهم وافق انه يعملي اصدام صاج علي التناية ب400 جنيه ولله الحمد طلع حكاية بس اخد 3 اسابيع يعمل فيه(شغل رفاهية بالنسباله) وعملي العتب برده و الاكصدام الخلفي كلفوه 350 لان الخلفي اتكمل بس....جيت اقفل العربية طبعا عارفين فرش الباب بتاعه زبالة......وطبعا كنت موهوم بالشغل اللي عامله فيها(اكنها الفا روميو),,,المهم بعد بحث وعذاب وطبعا كلمت مشيل حليم اللي مش حرامي وقاللي الفرش موجود و بتاع ال2002 اللي هيا مش موجودة في مصر وال4 يعملة 2400 جنيه(محدش يشتم).....واخيرا جبت بتوع الهيونداي الاكيسل وفرتكت الجلد اللي علي السولتيكس من عند الحروف وطبعا عندي السولتيكس بتاع الفرش الاصلي عملته باترون و ضبطت الحروف وشديت الجلد تاني مع قص الزيادات ورحت طبعا للسمكري (حبيبي) لحم الركب ومكان الاكر وقفلنا الابواب .....رحت بعد كدة للسروجي عشان الفيبر الدخلي طبعا عارفين انه بيعوم من الشمس وطبعا مش هينفع مع صالون الالفا روميو اللي عملتها.......المهم جبنا الفيبر و النار و استعدل فيهم لما هريناهم وطبعا في مناطق اتلسوعت من النار لانه طبعا مش فيبر ده بلاستيك حتي مش مقوي المهم بعد ما خلصنا شدينا عليهم طبقة اسفنج وبعدين جلد نفس لون الابواب واخيرا خلص الصالون........طبعا انا حاطيت في دماغي انها حاجة محصليتش (مش عارف يعني انه المكنة رينو9 1.4)نزلت تاني للحاج عاطف قولته ايه اكبر مكنة رينو عندك نفس البلوك بتاع اللي عندي وطبعا دور وقلب في المحل و المخزن واتصالات بمخزن بورسعيد وبعد 3 ايام من العذاب وصلت مكنة من بورسعيد المفروض بتاعت رينو19 شماد 1.8 بس شكلها غريب طبعا افتكر اني هاخد المكنة(اتصدم بصراحة) قولتلوها انا عايز النص اللي فوق بس(بالفرن وزور الشكمان) طبعا الراجل ركبه جن(لا 1000) بعد ده كله يتاخد المكنة يا بلاش قولت بلاش طبعا حسبها ولقي انه ينفع يركب النص اللي فوق بتاعي فوافق بس عايز فرق 1500 جنيه قولت ماشي بس بشرط كان في كاربراتير wipper راكب علي مكنة 2000 عنده في المخزن قولتله ابدله باللي في ال1800 و وافق شيل وحط طبعا فرق شاسع جداجدا الكاربراتير ده 4 ابواب وعشان فرق السعة اللترية لانه مصمم يغذي ال2000 وركب علي ال 1400 تحس انك راكب تربو بعد 3-3.5 rpmوتروح كابس بنزين تحس فعلا وش العربية مش بيترفع لا ده بينط..........
وطبعا كان لازم مساعدين نظيفة جبت طم مونرو ورا وقدام.....وطبعا احساس خرافي بالنسبة للداتشيا الstock وطبعا شد وجر مع طوب الارض (بس كنت زعلان العدادات اللي ركبتها كان اخرها 240 بس العربية مكنتش بتجيب اكتر من 185 195 بالعافية) وشي طبيعي للجنان ده ولانه الموتور طبعا قديم خد سنة ونص وفوت .........اسف للاطالة وابقي احكيلكم علي الباقي بعدين(بعد الرغي ده كله ليسه فيه باقي )
رقم العضوية : 153647
تاريخ التسجيل : 24Dec2013
المشاركات : 2
النوع : ذكر
الاقامة : دمياط
السيارة: رينو
السيارة[2]: داتشا نوفا
الحالة :
ياجماعه الرجاء الافاده عوز اسقط موتور وفتيس عربيتى داتشا نوفا 1997 ايه افضل موتور لها وافضل سعر برجاء الاهتمام لان انا من دمياط شارى العربيه دى من القاهره وملهاش قطع غيار هنا يعتبر انا الوحيد الى معيا العربيه دى فى دمياط
عوز انزل بورسعيد اجيب من هناك بين دمياط وبورسعيد نصف ساعه بس عوز اعرف اجيب ايه وبكام عشان ميضحكش عليا لو حد عنده علم او تجربه ضرورى يفدنى وله جزيل الشكر
رقم العضوية : 86216
تاريخ التسجيل : 18Jan2011
المشاركات : 294
النوع : ذكر
الاقامة : cairo
السيارة: DACIA NOVA 98
السيارة[2]: peugeot
دراجة بخارية: jkthrftydf
الحالة :
اللينك اللى انت حاطه (http://www.nilemotors.net/Nile/281852-a.html) الانتى فيروس بتاعى فال عنه انه ملف مشبوه وعليه فيروس
المفضلات