المشاركة الأصلية كتبت بواسطة mohamed_mohsen
1- حضرتك شوف الموضوع ده
http://www.nilemotors.net/Nile/287446-a.html
و تكلفة الصيانه دي هتبقي في حدود ال700 جنيه مثلاً
هيتم تغيير زيت و فلتر زيت و فلتر هواء و بوجيهات + أي حاجه تانيه من المستهلكات لو جدت (تيل فرامل مثلاً لو كان خلصان) و تربيط عفشه
أنا جربت ابو رواش و هو كويس
و الوقت اللي بتستغرقه الصيانه علي حسب العربيات الموجوده ,,,,أنا آخر مره قعدت 5 ساعات
في ابو رواش صيانة ال10000
2-ده صحيح..... خللي الضغط علي 32 دايماً و املي نيتروجين
هو ميزته بالنسبه لي انه بينقص علي فترات كبيره و مابتظبطش ضغط الكاوتش كل شويه
و بالنسبه لموضوع النعومه مع النيتروجين....أنا حسيت بفرق بسيط في النعومه
و البلالين بتطلع في جانب الكاوتش لو حضرتك لا قدر الله اكلت حفره او بلاعه جامد,,,,,,ساعتها ممكن تطلع بالونه) (بتبقي حته منفوخه و عاليه في جنب الكاوتش) ( و ده عشان الكاوتش low-profile )
لكن بالقياده الهادئه و الحريصه ان شاء الله مش هيحصل حاجه
3-البصمه هي المفتاح الذكي (أنا معرفش التوكيلات و المعارض مسمينه بصمه ليه.....ايه علاقة ده بالموضوع مش فاهم؟ (: )
أو يمكن قصدهم علي الزرار اللي بتدوس عليه في مقبض الباب عشان تفتح العربيه (مالوش علاقه برضه) ما علينا
4-البلوتوث
و حضرتك موصل الموبايل ممكن تشغل الأغاني عادي منه بس لازم يكون الموبايل نفسه بيدعم الخاصيه دي
5- الزرار ده حضرتك ممكن تقفل بيه الكاميرا لو حضرتك علي الR
و بتشغل و تقفل بيه خاصية الRear-view auto dimming في اي وضع تاني
و هي لمبه واحده بس مش لمبتين
التانيه باينه انها لمبه لكن اعتقد انها sensor للAuto Dimm
6- لا هما 2 ايرباج بس للسائق و الراكب الأمامي
و أي استفسار إحنا في الخدمه
المفضلات