الموضوع: حرام عليكم....كفايه يأس واحباط .. نظره موضوعيه!!!

المشاركة الأصلية كتبت بواسطة ahmed a rahman

موضوع رائع بعد اذنك حشيره

ده شرف ليا يا فندم

المشاركة الأصلية كتبت بواسطة تامر.محمد

كلام في الجون و الله

لكن تقول ايه في العقليات

اه فيه بلاوي و غلطات تودي في داهية

لكن كمية الولولة غير طبيعية

أكيد في بلاوي متلتله ورثناها من "حضارة" 30 سنه و في غلطات حصلت وهتحصل بس لازم نحط كل غلطه في حجمها الصح ونعدل الغلط مش نهول منه ويوم الانتخابات نتحاسب ... بس مش زي مثلا خطاب مرسي لبيريز بدل ما نعرف السبب و نصحح رحنا ششككنا في الراجل انه بيعشق اسرائيل وبعضهم وصفه بالصهيوني!

المشاركة الأصلية كتبت بواسطة dr.rayyan

بصراحه كميه الولوله متكفيش اللى حاصل فى البلد اللى لا الثورة غيرته ولا مليون ثورخ هتغيره
عايزين حل جذرى فى تقريبا 40 مليون شخص اقل من ان يستحقوا نسمه الهوا اللى بيتنسموها والله شربه الميه خساره فيهم انا بدعى ربنا ومن كل قلبى ان ربنا يريحنا من ال40 مليون دول باى شكل (هو القادر والسامع للدعاء) صدقونى ده الحل ال40 مليون التانيين هيرتاحوا اوى وساعتها هيبقى فيه امل انما طول ما الرعاع دول عايشين وسطينا سلملى على التنميه والتقدم وعا الثورة اللى طلعتلهم صوت

الصبر حلو ... أحنا عاملين دلوقتي زي اللي بيزرع نخله ... عارف انه ممكن ميلحقش ياكل منها ... بس مستعد يراعيها ويسهر عليها عشان عارف انها بعد فتره هتبقى نخلها أصلها ثابت وفرعها في السماء

اللي فعلا هيستفيدوا من كل ده هو الاجيال اللي جايه وهتقعد وسطهم فخور انك استحملت ده كله عشانهم

المشاركة الأصلية كتبت بواسطة Amro_ON

السلام عليكم

حابب ققول كلمه صغيره للناس اللي بتحاول تنشر الاحباط واليأس ... الناس اللي بتحاول تصور ان اي مؤيد لمرسي او اي واحد مش محبط زيهم شايف الكاكا مانجه (نقلا بالنص مع اعتذاري)
والناس في هذا المسعي اصناف : الاول هم ابناء المجرم المخلوع وهم عصابه المتسلقين المنتفعين الجادين في احباط الناس وافشال الثوره.
والثاني فهم الجهلاء السماعون لاعلام الفئة الاولي
احنا عيشيين معاكوا في نفس البلد ... النور والمايه بيتقطعوا علينا زيكوا (الميه بالذات لازم تقطع عليا يوم الجمعه وانا بستحمى )... بنقف بالسنين في زحمة المرور ... وبنتفرج على عربيتنا وطرقنا الجميله بتدمرها
مفيش طياره هيلوكبتر بتشيلنا من زحمة المرور ولا مرسي بيبعتلنا مولدات كهربا ... عايشين بناكل وبنشرب من اللي بتكلوه وبتشربوه .... وبنقف زي أي حد في طابور البنزين 3 ساعات عشان ناخد ربع لتر يدوب يكفي تدور بيه على بنزينه تانيه وغيره ...
والثالث هو حالم واهم بانتظار من يطرق بابه اول كل شهر ويقوله الريس مرسي بيسلم عليك وباعتلك الكام الف دول تمشي بيهم حالك الشهر ده !!!!!!!!!!
بس الفرق اللي مش عارفيين تفهموه اننا عندنا امل ... على يقين ان ربنا هيعوض صبرنا
الامه اللي معندهاش أمل في بكره هتتدفن بالحي والدوس عليها الاقدام


قال تعالى : ( وأورثنا القوم الذين كانوا يستضعفون مشارق الأرض ومغاربها التي باركنا فيها وتمت كلمة ربك الحسنى على بني إسرائيل بما صبروا ودمرنا ما كان يصنع فرعون وقومه وما كانوا يعرشون ) .


انا زهقت من الناس اللي شغاله ااحبااط للبشر طول اليوم .... اااالبلد ضاعت ... مفيش امل ... مرسي فشل ... تكلمه بالحسنى يتهمك انك اخوان (هي بقت شتيمه )او تجار الدين ضحكوا عليك وعلى العموم الراجل بينقد بس!!
والرابع هم العبيد الذين لا يطيقون ان يحيوا احرارا كرماء
سكتوا علي الفساد والهدم 30 سنه ومش صابرين علي البناء ايام.
ده مش نقد ... ده نشر لليأس والاحباط الشديد وتبديد أي أمل في عيشه كريمه
يأ أخي ابني ومتهدش .... ليه ديما بتفترض سوء النيه... ليه بتعشق حب رؤية الجزء المظلم متقليش مفيش غيره لأ اسف... عاوز االبلد في 100 يوم تتخلص من 30 سنه فساد وتخلف .... عاوز تحصد قبل ما تزرع .. عاوز تعمل ثوره وتهد البلد و مدتفعش التمن ... بتتكلم بأي منطق
مش قلتلك مستني المظروف اول كل شهر وماليش دعوة بقي

نفسي حد من النخبه السياسيه يطرح حلول ... يشمر ايده ويشتغل للبلد فعلا ... مش يبأ شحط كده وكل همه النيل من الاخوان والتيار الاسلامي عشان فاكر انه كده هيكسب النااس!
اماهؤلاء فلايجيدون الا اللغو فلاعتب عليهم فلاقدرة لهم علي البناء , يعني ايدك منهم والارض !!!!!
انا والله بحب بلدي جدا زي أي واحد فيكو وطموحي ليها مش بس أحسن اكل وشرب ... لا طموحي لبلدي أعلى من كده بكتييييييييير .... بس الصبر والعمل وامل ... شيلنا مبارك الكبير بس لسه مشلناش مبارك اللي جوه شويه مش كتير فينا
عزائي انهم قله مش كتير , ربنا كفيل بيهم
مش عاوز اتكلم كتيير ... بس احنا خدنا قاعده في الاقتصاد " اللي الناس بتتوقعه, بيحصل" .... قبلها بكتيييير قدوتنا عليه الصلاة والسلام قال: تفألوا بالخير تجدوه" - ده حديث غريب موضوع -

اتمنى من اللي بينقد يبقد بموضوعيه .... ويفتكروا كويس ان مش هايكون اسوأ من اللي كنا فيه والناس اللي بتحاول تنشر اليأس ان شاء الله كيدهم مردود عليهم

نلقاكم على كل خير ان شاء الله

عمت مساء

المشاركة الأصلية كتبت بواسطة khaled_legend

يا فندم ال 40 مليون شخص اللي حضرتك بتدعي عليهم مصريين زي حضرتك و لهم نفس الحقوق زي حضرتك و عليهم نفس الواجبات زي حضرتك هم احرار في اختياراتهم زي حضرتك و غير مقبول ان تتحدث عنهم بتلك الطريقه

مصريين اه زى حضرتى وحضرتك لا
انا عمرى ما كنت متشائم بس بجد اللى بيحصل مش قليل يعنى هحكيلك موقف واحد يخبطك بعربيه ويبعت يجيب صحابه بسلاح عشان متعرفش تفتح بقك معاه دول ليهم حقوق !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!
بلاش ندفن راسنا فى الرمل اللى زى دول مكانهم الطبيعى فى النار ان شاء الله وحدف كمان الا اللى ربنا هينججييه ويتوب عليه وبجد مصر مش هتتصلح الا بعد ما نخلص من الطبقه دى سواء ماتو ربنا خدهم او هداهم (وده صعب لانهم فرحانين باللى هم فيه) المهم نخلص منهم والله لنرتاح اخر راحه