اوباما كسب يا جدعان

**karimmagdy50** · 07-11-2012 02:23 PM

امبارح كانت الانتخابات فى امريكا بين رومنى واوباما
انهاردة اعلنوا فوز اوباما
اللى عجبنى اوى اى بقا ان حملة رومنى مطلعتش وقعدت تقول لا ازاى انتوا جبتوا النتايج دى منين ومرشحنا هو اللى فاز واحنا مش هنقول الارقام اللى عندنا الا اما لجنة الانتخابات تعلن النتيجة ويعودوا يعملوا مؤتمرات صحفية ويجيبوا شوية فلول يرقصوا
وفاروق سلطان وحاتم بجاتوا اللى عندهم طبعا يقولوا لسة النتيجة بعد اسبوع
هى دى الشفافية والديمقراطية اللى انتوا عايزينها بس لما تيجى على غير هواكوا تاكلوها زى اصنام العجوة
وبعد ما الرئيس يفوز اى ده ده بقالوا 100 يوم معملش حاجة
لازم ننزل الشارع ضده
فى النهاية اوى تفتكروا ان انا بتكلم على مصر انا بكلم على اللى هيحصل فى امريكا طبعا
فعلا شعب محتاج يتعلم سياسة

**Dr.cairoky** · 07-11-2012 03:57 PM

وجهة نظرى المتواضعه جدا جدا جدا

البلد بتاعتنا دى عمر ما هينصلح حالها...........غير لما الشعب اللى هوا احنا برده نصلح حالنا بنفسنا وننضف

جابوا مرسى....جابوا البرادعى.......والله لو جابولنا ميسى حتى

هنفضل كده وهننتقل من سىء لأسوء وأسوء......

الواحد بيبقى ماشى فى مصر بعربيته وبيقعد يتفرج على تعامل الناس مع بعض فى الطريق بس...بإعتبار إن الطريق ده بلد صغيره......هنعرف إن العيب فينا مش فى مرسى ولا المجلس العسكرى الله يرحمه ولا لا ولا ولا ولا.......

المصيبه بقى الأكبر إن كل واحد هتتكلم معاه - أنا كمان نفس الموضوع - هيقولك الناس بقت زى الزفت ةالناس والناس والتعامل وقلة الأدب والهمجيه والبلطجه واسلوب الواسطه والدراع.....

أمال لما كلنا نشوف نفسنا صح.....أمال مين اللى لازم يتصلح حاله

حد فاهم منى حاجه..........أنا نفسى مبقتش فاهم..........!!!!!

**karimmagdy50** · 07-11-2012 04:00 PM

مشكلة تربية وثقافة وتعارض المصلحة الشخصية مع مصلحة العام

**mahmoudysf** · 07-11-2012 05:03 PM

المشاركة الأصلية كتبت بواسطة karimmagdy50

امبارح كانت الانتخابات فى امريكا بين رومنى واوباما
انهاردة اعلنوا فوز اوباما
اللى عجبنى اوى اى بقا ان حملة رومنى مطلعتش وقعدت تقول لا ازاى انتوا جبتوا النتايج دى منين ومرشحنا هو اللى فاز واحنا مش هنقول الارقام اللى عندنا الا اما لجنة الانتخابات تعلن النتيجة ويعودوا يعملوا مؤتمرات صحفية ويجيبوا شوية فلول يرقصوا
وفاروق سلطان وحاتم بجاتوا اللى عندهم طبعا يقولوا لسة النتيجة بعد اسبوع
هى دى الشفافية والديمقراطية اللى انتوا عايزينها بس لما تيجى على غير هواكوا تاكلوها زى اصنام العجوة
وبعد ما الرئيس يفوز اى ده ده بقالوا 100 يوم معملش حاجة
لازم ننزل الشارع ضده
فى النهاية اوى تفتكروا ان انا بتكلم على مصر انا بكلم على اللى هيحصل فى امريكا طبعا
فعلا شعب محتاج يتعلم سياسة

هههههههههههههههههه
هما عندهم برضة
خازوق عام اسبرطة زي عندنا
ربنا يمسيك يا عصام يا سلطان

**RAPID** · 07-11-2012 05:54 PM

الانتخابات عندهم عاملة زى حتة الشوكولاتة الجلاكسى، ايه الحلاوة دى والهدوء والرقى والتحضر ده كله، الناس عدت مرحلة خناقات الشوارع وهبل المراهقين والسيرك اللى بينصبه الساسة بتوعنا فى القنوات الفضائية والعك والقرف اللى ادمناه، اصبحنا ظاهرة صوتية تعشق اللت والعجن والرغى والعند وحاليا فى مرحلة الكره واى شئ تتخيله!!!! انهاردة قلتها بالفم المليان احنا خلاص معدش فينا امل ولا رجا لاننا للاسف شعب اصبح يعشق العشوائية والحنجلة والفهلوة والانانية والرغى عالفاضى والمليان (احنا دولة متخلفة واخشى ان نظل كذلك الى قيام الساعة)

**Dr.cairoky** · 07-11-2012 06:10 PM

المشاركة الأصلية كتبت بواسطة rapid

الانتخابات عندهم عاملة زى حتة الشوكولاتة الجلاكسى، ايه الحلاوة دى والهدوء والرقى والتحضر ده كله، الناس عدت مرحلة خناقات الشوارع وهبل المراهقين والسيرك اللى بينصبه الساسة بتوعنا فى القنوات الفضائية والعك والقرف اللى ادمناه، اصبحنا ظاهرة صوتية تعشق اللت والعجن والرغى والعند وحاليا فى مرحلة الكره واى شئ تتخيله!!!! انهاردة قلتها بالفم المليان احنا خلاص معدش فينا امل ولا رجا لاننا للاسف شعب اصبح يعشق العشوائية والحنجلة والفهلوة والانانية والرغى عالفاضى والمليان (احنا دولة متخلفة واخشى ان نظل كذلك الى قيام الساعة)

مصر بقت 80 مليون ناشط سياسى......و 5 مليون ناشط حقوقى

نفسسى أعرف والله.......كمية البشر اللى بتطلع على كل قنوات التوك شو دى مؤهلاتها السياسيه إيه.....كل يوم تشوف ناس جديده وعيال سيس وعيال شكلها غلط ويقولك الناشط السياسى فلان الفلانى....يعنى اللقب الجامد ده جاب أمه منين يعنى.....أو مين اللى عينه ناشط سياسى ده...

ويقولك الشاب ميييييين عضو ائتلاف الثوره.....ومين عضو الحركه المضاده لائتلاف الثوره....وتالت عضو الحركه المضاده المضاده لائتلاف الثوره.....ونصهم باين عليهم ان كل علاقتهم بالسياسه انهم نزلوا ميدان التحرير ساعة الثوره وقالوا يسقط المخلوع.......

تقعد تسمع واحد بيتكلم ويقولك نطالب الحوكمه بكذا....ونطالب المجلس العسكرى بكذا....ونطالب الرئيس بكذا....وكل اتنين صحاب يلموا صحابهم من على القهوه\ ويقولك بكره مليونية التصحيح...وبعد بكره مليونية يا زنقنى وجمبك فاضى............

والله البلد دى صعبانه عليه جدا........كل واحد بيشوط فيها شويه وعاوزها تمشى على كيفه يا اما مش لاعب....وفيها لأخفيها....

ربنا يصلح حال البلد دى..........والله بلد أغلب من الغلب