♠ عبايات BlackBeary ♣ وعبايات الاي فون 2012 ♥ تعزو الخليج

**Y a r i s** · 07-11-2012 05:43 PM

♠ ♣♥

مساء الخير اخواني اخواتي

كنت عمال ببحث على النيت عن عبايات رجالي ( البشت ) بس تكون ام فرو علشان الشتا قرب
وقلت اوصي حد من بره او ادور على حد بيبعها في مصر واجبلي حاجة معتبرة كده زي كده

اهو تدفي في الشتا الي جي. والواحد يليسها حتى لو في البيت
( الدفى عفى برضوو )

@@@@@@@@@@@@@@@@@

لكن تفاجئة بمواضيع عن عبايات وطرح اسمها بلاك بيري وعبايات اسمها فراري وعبايات ليكزيس وعبايات اي فون. ولمن سئلت واحد جي من الخليج عن ايه الحكياه .... قااااالي يوووووووه معندكش فكرة. عن العبيات وموضة العبايات .... ده اقل عباية هنا تمنها ٥٠٠ ريال وطالع وتوصل لؤلوفات الريالات .... وبتلاقيها مركات عالمية اشي فيرزاتشي واشي ابصر ايه وابصر ايه وحاجة كده تشخلع القلب الحيران. يا محمد يا خويا

عبايات بلاك بيري

عبايات اي فون هههههههه. بس مش محددين اس فور ولا اس فايف الجديد

ده في حبت صور للعبيات بتشكيلاتها بموديلاتها .... اددددده يا اخي .... ده حتى انا لا ئجرء اني احط صور العبايات دي هنا في المنتدى علشان مش بس عارف انها هتتحذف صورها من الموضوع لا ده انا شخصياً الي هتحذف مش بس من المنتدى ومن البيت كمان ههههههههههههه ....

الغريب ان بقول لصديقي ياااااه ده زوق الهنود والباكستانين الي في السعودية بقه عالي قوي ، قالي لا ياباشا دول بيجيبوا مصممين مخصوص من باريس ولندن وسويسرا ولبنان علشان يفصلولهم العبايات دي ومن اغلى وافخر الاقمشة في العالم .... انتا فكرك العبيات دي بتتغسل في الغسالة دي بتتغسل على الايد وبشامبو مخصوص كمان وليها مكنه مخصوصة للكوي بالبخار

اااايه ده بجد ( ياصلاة النبي يا صلاة النبي )
معقولة يتحول زي العرب .... من مجرد زي للسترة وغض البصر الى زي للتباهي بالثراء
والي بتلبس عباية دي تبدء من ٧٥٠ جنية. علشان تطلع بيها السوق اومال في الافراح بتلبس فستان تمنوو كام !!!!

@@@@@@@@@@@@@@@@

وتحياتي

**Y a r i s** · 07-11-2012 06:43 PM

ههههههههههههههههههههههههه هه
انتا بتقول فيها ياباشا .... انزل اخطف رجليك كده وروح كرداسة هتلاقي كمية محلات عبايات هناك صناعة مصرية وصينية وتلاقي محلات شيك. ومولات للعبايات في كرداسة فخرررررر الصناعة المصرية

واتفرج على الشغل المصري شوية هلهيييييل. معلقينها او مطبقينها وبيبعوها
بكام شوية الهلهيل دي. مش هتصدق لو اقولك ان الاسعار من ٢٥٠ جنية وطالع .... والي يجنني اني بشوف ستات واقفه تشتري .... وابقى فطسان على نفسي من الدحك وانا شايف واحدة ماسكة فستان جربوووع وتحس عليه رقع رقع .... وتلاقي البت تقول وااااااااااااو. اده ياماما ده تحفففففففة
ههههههه وامها ترد عليها تقولها معاكي حق يابت ياعفاف .... ده هياكل من عليكي حته

@@@@@@@@@@@@@@@@@@

بجد يحزن قلبي لمن اشوف المصرين اولاد بلدي نسبة كبيرة منهم مبتعرفش تلبس
حتى يا اخي على التلفزيون برنامج زي فويس الي بيطلع على mbc ولا اي قناة عليها برنامج شباب وغنى. تيجي تشوف البت اللبنانية ولا الشب العربي لابس كده ومتشيك. ( وبيشف ويرف ) ويجي يطلع واحد مصري في وسطيهم لابسلي فنيلة عليها دبدوب ولا شوية شخابيط لونها فوشية على بنطلوم جينز مهرهر .... وفاكر نفسوا قمة الشياكة بمنظره... الي طالع بيه على الهوووووى .... حتى افتكر في احد الدورات التدريبية الي خدناها زمان كانوا جايبين لنا دكتورة مصرية من كلية فنون جميلة وهيا عمالة تكلمنا عن تناسق الالوان والهيو والساتوريشن بتاع الالوان .... وان ازاي الانسان لازم يكون عنده ذوق وحس فني .... بصيت ليها كده هيا لابسة ايه ... لقيتها لابسة بني على تيركواز على احمر على اخضر ووردةوزهور واشجار على لبسها .... قلت لا بجد دكتورة فنون جميلة بصحيح ههههههههههههههه

**mohammedabdallh** · 08-11-2012 08:44 AM

ليه يا كبير كدا
له بتقلب المواجع علينا
ما احنا شايفين وكاتمين فى قلبنا

والا صحيح لانت بتقعد فى البيت اوى يعنى علشان تجيب عبايه تلبسها فى البيت والا ... بلاش اكمل
المهم ملاقيش عندك عبايه n73 متفتحتشى استعمال طبيب ولا حاجه
حبيبى

**Y a r i s** · 08-11-2012 12:12 PM

حبيب قلبي يامحمد
هههههههههه حلوة عباية n73 دي
هو بالنسبة للفروة او العباية الرجالي او البشت بتبقى حلاوتها للناس الي بعيد شوية عن زحمة القاهرة والي ساكنين في مناطق جوها صحراوي .... بالليل بيبقى الجو تلج .... وهتلاحظ ان كل سنة بيتقدم بيك العمر. ان جمسك مابيستحملش البرد وبيتئثر في البرد بسرعة

طبعاً لو تفتكر ايام البرد القارس تبص تلاقي الهوى الساقع بيخشلك كده صواريخ صواريخ من مسامات الهدوم. .... ويخليك تي تك تك .... فلازم تلبس. كزا حاجة فوق بعض لكن تصور لو لبست اميص وبنطلوم عادي ولبست عليهم بلطوا هتبقى زي الفل في الشتا .... بس مينفعش تلبس بلطو في البيت بالذات لمن يكون غالي .... فحلاوت الفروة دي تلبسها في البيت عادي ... تحطها على كتفك وانتا نازل تصلي في الشتا بالذات وقت صلاة الفجر .... الي في ايام بتوصل درجة الحرارة. ٨ مئوية بالليل او اقل .... نازل تجيب حاجة من تحت البيت كده يعني بتبقى لزيزة ومفيدة .... بخلاف لمن تكون مشغل التدفئة ( دفاية او تكيف على السخن وتيجي تطلع برة على الساقع دي مصيبة وكارثة في حد ذاتها هتلاقي نفسك بعد الشر عليك. عيت والعيال عيو بعد الشر عليهم ... وفي الي بيبقى قاعد في بيتوا قدام الكمبيوتر مثلاً او قدام التلفزيون وحاطط بطانية فوق كتفوا وراسوا ... بتبقى شكلها مش لطيف يعني. لانك مش هتقعد في بيتك لابس جاكيت او جارر وراك بطانية .... فالفروة حلاوتها بتفيد جداً. وبتدفي. والمثل بيقلك ايه ( الدفى عفى )

@@@@@@@@@@@@@@@@
وتحياتي