F0 و أتو سمير ريان

**ak_626** · 08-11-2012 12:01 PM

قدر الله و ماشاء فعل

كنت حاجز f0 من عند سمير ريان و رحت امبارح استلم و بعد ما دفعت و خلصت كل الاجراءات و خلاص هركب و امشي.
قلت اعاين السياره مره اخيرة و عيني و قعت على تجريح في الاكصدام الامامي و الباب الجانبي و اللي قفلني خالص كان تنقير في السقف!!!!
و طبعا مفيش عندهم غيرها و البياع الشاطر بيقولي انا مش شايف مشكله ده كلام عادي !!!
ده على اساس اني بشتري عربيه مستعمله و الا ايه؟؟؟
طبعا حاول يرضيني و قاللي اصبر و هاعملك خصم حلو.... بعد نص ساعة رجع و هو في قمة السعادة و قال لي عملتلك خصم هايل 250 جنيه!!!..... بصراحه كتمت في نفسي و مرضتش اشتمه.
و قلت انا عندي ليك خبر احلى.... قالي ايه.. قلت له انا عايز اسحب فلوسي.
و فعلا سبته يهري لحد ما أخذت كل فلوسي و عديتهم و مشيت.
و الله انا كان ممكن اصبر لحد مايجيبوا عربيه تانيه بس طريقة التلبيس و عادي و العربيه زي الفل و مافيهاش حاجه جعلتني اهرب منهم واحس انهم عايزين يبيعوا و خلاص و مش فارق معاهم رضا العميل.

و ربنا يعوض عليا خير ..... العربيه دي مش مكتوبه لي.

**S O P H O S** · 08-11-2012 12:24 PM

ربنا يعوضك بخير عنها
ونصيبك فواحدة غيرها ..

**john55** · 08-11-2012 12:41 PM

قرار جرئ

**addams_2** · 08-11-2012 12:59 PM

خير ما فعلت

**akmm** · 08-11-2012 01:33 PM

ممتاز .. وتصرف سليم انت بتدفع فلوس تعبان فيها وهما بيستهبلو ... وده إستنطاع منهم .

**ehabpopo** · 08-11-2012 01:50 PM

احسن حاجة عملتها .... روح مراكز البيع لشركة الامل اكيد ها تلاقيها

**ak_626** · 08-11-2012 02:42 PM

و الله يا جماعة الخير مشكورين على دعمكم المعنوي الجميل ده
و انشاء الله هاروح فرع القطاميه يوم السبت و ربنا يكرم و يكون في نصيب انشاء الله

**waelprince2003** · 08-11-2012 03:09 PM

بس حلوة انا عملتلك خصم هايل 250 جنيه

**hany901119** · 08-11-2012 03:27 PM

ربنا يوفقك انشاء الله الى الافضل

**bassem.naguib** · 08-11-2012 06:54 PM

والله أنا سمعت سمع مش خير أبداً عن المعرض ده بالذات .. وأساليبهم في البيع وليه بتكون ساعات أرخص من أي توكيل .. بس الحمد لله أنك أتخذت القرار ده .. ومش حيفرق تأخير يوم ولا أسبوع ولا حتى شهر في استلام العربية .. المهم أنك تستلم عربية سليمة ومش معيوبة .