مع كامل احترامى للناس كلها و ارجو ان تستمعوا لى الى النهايه
انا فى الاول و الاخر لا اقول ان ما حدث هو الصواب و ما بقولش ان عربيات الشرطه تستخدم لمصالح الباشا و اولاده
بس قبل ما نهجم و نشتم احب اقول ان كلنا هذا الرجل
كلنا لو تحت ايدينا تلك المنفعه لن نتوانى عن استغلالها الا ما رحم ربى
و الدليل عندى مش من فراغ
معظمنا و الحمد لله شغالين و فى اماكن كويسه و محترمه
ارجو ان يسأل كل منا نفسه , هل استفاد بأى شئ من وظيفته بشكل شخصى
و قبل ما الكل يقول ابدا و على جثتى ( انا لا اقصد الاهانه و لكن اقصد ان هناك سوء فهم )
و ناخد القصه دى بعد اذنكم "
سيد بيه الراجل المحترم اول ما وصل شغله فى المصلحه اتصل بتفيده هانم مراته و طمنها انه وصل بالسلامه
و بعدين فتح لاب توب الخاص به ووصله على كهرباء الشركة و نت الشركه و شاف شوية اخبار و هو بيشرب الشاى مع شندوتش الفول
و هووب عجبه موضوع دينى من 3 صفحات و قام طابع 5 نسخ علشان يوزعهم على الناس فى الشركة او من المعارف و الجيران ما هو كله بثوابه
و نادى على محمود الفراش و قال له هاتلى ظرف كبير علشان اخد الورق اللى طبعته معاى فى البيت
--------------------------------------------------------
اظن معظمنا ان لم يكن كلنا الا من رحم ربى نسلك مثل هذا السلوك يوميا
و اللى ما بيعملش كده ممكن اوى تكون شركته حاطه restrictions علشان تمنع حاجات زى دى
ما هو شركة سيادتك ماجبتش التليفون علشان تتصل بالمدام و الاولاد - و محططتش برايز فى الحيطه علشان حضرتك تستهلك الكهرباء اللى هى بتدفع تمنها فى شحن اللابتوب و الموبايل
و الخ الخ الخ الخ
و عاوز واحد يقولى شركتى بتسمح بكده ( على ما اعتقد قليل اوى اللى بيبقى عندهم مسموح رسمى و ليس عرفى )
خلاصه الكلام
زى ما مش عاجبنا وضع مثل هذا - يا ريت احنا كمان نحاول نقوم اوضاعنا و نبغى الحلال فى تعاملاتنا و ارزاقنا
المفضلات